Pathamakasagathavaggo 1- pathamo
[359] Tisso ima bhikkhave vedana . katama tisso .
Sukha vedana dukkha vedana adukkhamasukha vedana . ima kho
bhikkhave tisso vedana 2-.
[360] Samahito sampajano sato buddhassa savako
vedana ca pajanati vedanananca sambhavam.
Yattha ceta nirujjhanti magganca khayagaminam
vedananam khaya bhikkhu nicchato parinibbutoti. Pathamam.
[361] Tisso ima bhikkhave vedana . katama tisso .
Sukha vedana dukkha vedana adukkhamasukha vedana . ima kho
bhikkhave tisso vedana 2-.
[362] Sukham va yadi va dukkham adukkhamasukham saha
ajjhattanca bahiddha ca yankinci atthi veditam.
Etam dukkhanti natvana mosadhammam palokinam
phussa phussa vayam phussam 3- evam tattha virajjatiti. Dutiyam.
[363] Tisso ima bhikkhave vedana . katama tisso. Sukha
vedana dukkha vedana adukkhamasukha vedana . sukhaya bhikkhave
vedanaya raganusayo pahatabbo dukkhaya vedanaya patighanusayo
pahatabbo adukkhamasukhaya vedanaya avijjanusayo pahatabbo .
@Footnote: 1 Ma. sagathavaggo . 2 Ma. itisaddo atthi . 3 Ma. Yu. passam.
Yato kho bhikkhave bhikkhuno sukhaya vedanaya raganusayo pahino
hoti dukkhaya vedanaya patighanusayo pahino hoti adukkhamasukhaya
vedanaya avijjanusayo pahino hoti . ayam vuccati bhikkhave bhikkhu
niraganusayo 1- sammaddaso acchejji tanham vivattayi sannojanam
sammamanabhisamaya antamakasi dukkhassati.
[364] Sukham vedayamanassa vedanam appajanato
so raganusayo hoti anissaranadassino.
Dukkham vedayamanassa vedanam appajanato
patighanusayo hoti anissaranadassino.
Adukkhamasukham santam bhuripannam na desitam
tam vapi 2- abhinandati neva dukkha pamuccati.
Yato ca bhikkhu atapi sampajannam na rincati
tato so vedana sabba parijanati pandito.
So vedana parinnaya ditthe dhamme anasavo
kayassa bheda dhammattho sankhyam nupeti 3- vedaguti. Tatiyam.
[365] Assutava bhikkhave puthujjano evam 4- vacam bhasati atthi
mahasamudde pataloti . tam kho panetam bhikkhave assutava puthujjano
asantam asamvijjamanam evam vacam bhasati atthi mahasamudde pataloti.
Saririkanam kho etam bhikkhave dukkhanam vedananam adhivacanam yadidam
pataloti . assutava bhikkhave puthujjano saririkaya dukkhaya
@Footnote: 1 Ma. niranusayo . 2 Ma. Yu. tancapi . 3 Yu. sankham no peti. evamuparipi.
@4 Ma. Yu. yam.
Vedanaya phuttho samano socati kilamati paridevati urattali 1-
kandati sammoham apajjati . ayam vuccati bhikkhave assutava
puthujjano patale 2- na paccutthasi gadhanca najjhaga 3-. Sutava
ca kho bhikkhave ariyasavako saririkaya dukkhaya vedanaya phuttho
samano na 4- socati na kilamati na paridevati na urattali kandati
sammoham napajjati . ayam vuccati bhikkhave sutava ariyasavako
patale paccutthasi gadhanca ajjhagati.
[366] Yo eta nadhivaseti uppanna vedana dukkha
saririka panahara yahi phuttho pavedhati.
Akkandati parodati dubbalo appathamako
na so patale paccutthasi atho gadhampi najjhaga 3-.
Yo ceta adhivaseti uppanna vedana dukkha
saririka panahara yahi phuttho na vedhati
sace patale paccutthasi atho gadhampi ajjhagati. Catuttham.
[367] Tisso ima bhikkhave vedana . katama tisso. Sukha
vedana dukkha venada adukkhamasukha vedana . sukha bhikkhave
vedana dukkhato datthabba dukkha vedana sallato datthabba
adukkhamasukha vedana aniccato datthabba . yato kho bhikkhave
bhikkhuno sukha vedana dukkhato dittha hoti dukkha vedana
sallato dittha hoti adukkhamasukha vedana aniccato dittha
@Footnote: 1 Ma. uttalim. evamuparipi . 2 Yu. patalena. evamuparipi . 3 Ma. najjhaga.
@4 Ma. neva.
Hoti . ayam vuccati bhikkhave bhikkhu sammaddaso acchejji tanham
vivattayi sannojanam sammamanabhisamaya antamakasi dukkhassati.
[368] Yo sukham dukkhato adda dukkhamadakkhi 1- sallato
adukkhamasukham santam adakkhi nam aniccato.
Save sammaddaso bhikkhu parijanati vedana
so vedana parinnaya ditthe dhamme anasavo
kayassa bheda dhammattho sankhyam nupeti vedaguti. Pancamam.
[369] Assutava bhikkhave puthujjano sukhampi vedanam vedayati 2-
dukkhampi vedanam vedayati adukkhamasukhampi vedanam vedayati . sutava
bhikkhave ariyasavako sukhampi vedanam vedayati dukkhampi vedanam
vedayati adukkhamasukhampi vedanam vedayati . tatra bhikkhave ko
viseso ko adhippayaso 3- kim nanakaranam sutavato ariyasavakassa
assutavata puthujjanenati . bhagavammulaka no bhante dhamma .pe.
Assutava bhikkhave puthujjano dukkhaya vedanaya phuttho samano
socati kilamati paridevati urattala kandati sammoham apajjati
so dve vedana vedayati kayikanca cetasikanca.
[370] Seyyathapi bhikkhave purisam sallena vijjheyyum 4- tamenam
dutiyena sallena anuvedham vijjheyyum 4- evam hi so bhikkhave puriso
dve sallena 5- vedana vedayati kayikanca cetasikanca. Evameva kho
bhikkhave assutava puthujjano dukkhaya vedanaya phuttho samano socati
@Footnote: 1 Ma. Yu. dukkhamaddakkhi . 2 Yu. vediyati. evamuparipi . 3 Ma. adhippayaso.
@Yu. adhippayoso . 4 Ma. vijjheyya . 5 Ma. dvisallena vedanam. Yu. dve
@salle vedana.
Kilamati paridevati urattali kandati sammoham apajjati so dve
vedana vedayati kayikanca cetasikanca . tassayeva kho pana dukkhaya
vedanaya [1]- patighava hoti tamenam dukkhaya vedanaya patighavantam yo
dukkhaya vedanaya patighanusayo so anuseti so dukkhaya vedanaya
phuttho samano kamasukham abhinandati.
{370.1} Tam kissa hetu. Na hi [2]- bhikkhave pajanati assutava
puthujjano annatra kamasukha dukkhaya vedanaya nissaranam . tassa
kamasukham abhinandato yo sukhaya vedanaya raganusayo so anuseti
so tasam vedananam samudayanca atthangamanca assadanca adinavanca
nissarananca yathabhutam nappajanati . tassa tasam vedananam samudayanca
atthangamanca assadanca adinavanca nissarananca yathabhutam appajanato
yo adukkhamasukhaya vedanaya avijjanusayo so anuseti so sukhance
vedanam vedayati sannutto nam vedayati dukkhance vedanam vedayati
sannutto nam vedayati adukkhamasukhance vedanam vedayati sannutto
nam vedayati . ayam vuccati bhikkhave assutava puthujjano sannutto
jatiya jaraya maranena sokehi paridevehi dukkhehi domanassehi
upayasehi sannutto dukkhasmati vadami.
[371] Sutava ca kho bhikkhave ariyasavako dukkhaya vedanaya
phuttho samano na socati na kilamati na paridevati na urattali kandati
na sammoham apajjati so ekam vedanam vedayati kayikam na cetasikam.
@Footnote: 1 Ma. phuttho samano. evamuparipi. 2 Ma. so.
[372] Seyyathapi bhikkhave purisam sallena vijjheyyum 1- na tamenam
dutiyena sallena anuvedham vijjheyyum . evam hi so bhikkhave puriso
ekasallena vedanam vedayati . evameva kho bhikkhave sutava ariyasavako
dukkhaya vedanaya phuttho samano na socati na kilamati na paridevati
na urattali kandati na sammoham apajjati so ekam vedanam vedayati
kayikam na cetasikam tassayeva kho pana dukkhaya vedanaya [2]- patighava
na hoti tamenam dukkhaya vedanaya patighavantam yo dukkhaya vedanaya
patighanusayo so nanuseti so dukkhaya vedanaya phuttho samano
kamasukham nabhinandati.
{372.1} Tam kissa hetu . pajanati [3]- so bhikkhave sutava
ariyasavako annatra kamasukha dukkhaya vedanaya nissaranam . tassa
kamasukham nabhinandato yo sukhaya vedanaya raganusayo so nanuseti
so tasam vedananam samudayanca atthangamanca assadanca adinavanca
nissarananca yathabhutam pajanati . tassa tasam vedananam samudayanca
atthangamanca assadanca adinavanca nissarananca yathabhutam pajanato
yo adukkhamasukhaya vedanaya avijjanusayo so nanuseti so sukhance
vedanam vedayati visannutto nam vedayati dukkhance vedanam vedayati
visannutto nam vedayati adukkhamasukhance vedanam vedayati visannutto
nam vedayati . ayam vuccati bhikkhave sutava ariyasavako visannutto
jatiya jaraya maranena sokehi paridevehi dukkhehi domanassehi
@Footnote: 1 Ma. vijjheyya . 2 Ma. phuttho samano . 3 Ma. hi.
Upayasehi visannutto dukkhasmati vadami . ayam kho bhikkhave
viseso ayam adhippayaso idam nanakaranam sutavato ariyasavakassa
assutavata puthujjanenati.
[373] Na so 1- vedanam vedayati sapanno sukhampi dukkhampi bahussutopi
ayam ca dhirassa puthujjanena ayam viseso 2- kusalassa hoti.
Sankhatadhammassa bahussutassa vipassato 3- lokamimam paranca
itthassa dhamma na mathenti cittam anitthato no patighatameti.
Tassanurodha atha va virodha vidhamika 4- atthagata na santi
padanca natva virajam asokam samma pajanati bhavassa paraguti. Chattham.
[374] Ekam samayam bhagava vesaliyam viharati mahavane
kutagarasalayam . atha kho bhagava sayanhasamayam patisallana vutthito
yena gilanasala tenupasankami upasankamitva pannatte asane
nisidi . nisajja kho bhagava bhikkhu amantesi sato bhikkhave bhikkhu
sampajano kalam agameyya ayam vo amhakam anusasani.
[375] Kathanca bhikkhave bhikkhu sato hoti . idha bhikkhave bhikkhu
kaye kayanupassi viharati atapi sampajano satima vineyya loke
abhijjhadomanassam . vedanasu .pe. citte . dhammesu dhammanupassi
viharati atapi sampajano satima vineyya loke abhijjhadomanassam .
@Footnote: 1 Ma. Yu. ayam patho natthi . 2 Ma. Yu. mahaviseso . 3 Yu. sampassato.
@4 Ma. Yu. vidhupita.
Evam kho bhikkhave bhikkhu sato hoti.
[376] Kathanca bhikkhave bhikkhu sampajano hoti . idha bhikkhave
bhikkhu abhikkante patikkante sampajanakari hoti alokite vilokite
sampajanakari hoti samminjite pasarite sampajanakari hoti
sanghatipattacivaradharane sampajanakari hoti asite pite khayite
sayite sampajanakari hoti uccarapassavakamme sampajanakari
hoti gate thite nisinne sutte jagarite bhasite tunhibhave
sampajanakari hoti . evam kho bhikkhave bhikkhu sampajanakari
hoti . sato bhikkhave bhikkhu sampajano kalam agameyya ayam
vo amhakam anusasani.
[377] Tassa ce bhikkhave bhikkhuno evam satassa sampajanassa
appamattassa atapino pahitattassa viharato uppajjati sukha
vedana so evam pajanati uppanna kho me ayam sukha vedana sa ca
kho paticca no appaticca kim paticca imameva kayam paticca ayam kho pana
kayo anicco sankhato paticcasamuppanno aniccam kho pana sankhatam
paticcasamuppannam kayam paticca uppanna sukha vedana kuto nicca
bhavissatiti . so kaye ca sukhaya ca vedanaya aniccanupassi
viharati vayanupassi viharati viraganupassi viharati nirodhanupassi
viharati patinissagganupassi viharati . tassa kaye ca sukhaya ca
vedanaya aniccanupassino viharato vayanupassino viharato .pe.
@Footnote: 1 Yu. sampajano.
Patinissagganupassino viharato yo kaye ca sukhaya ca vedanaya
raganusayo so pahiyyati.
[378] Tassa ce bhikkhave bhikkhuno evam satassa sampajanassa
appamattassa atapino pahitattassa viharato uppajjati dukkha
vedana so evam pajanati uppanna kho myayam dukkha vedana
sa ca kho paticca no appaticca kim paticca imameva kayam paticca
ayam kho pana kayo anicco sankhato paticcasamuppanno aniccam
kho pana sankhatam paticcasamuppannam kayam paticca uppanna dukkha
vedana kuto nicca bhavissatiti . so kaye ca dukkhaya ca vedanaya
aniccanupassi viharati vayanupassi viharati viraganupassi viharati
nirodhanupassi viharati patinissagganupassi viharati . tassa kaye
ca dukkhaya ca vedanaya aniccanupassino viharato .pe.
Patinissagganupassino viharato yo kaye ca dukkhaya ca vedanaya
patighanusayo so pahiyyati.
[379] Tassa ce bhikkhave bhikkhuno evam satassa sampajanassa
appamattassa atapino pahitattassa viharato uppajjati
adukkhamasukha vedana so evam pajanati uppanna kho myayam
adukkhamasukha vedana sa ca kho paticca no appaticca kim paticca
imameva kayam paticca ayam kho pana kayo anicco sankhato paticca-
samuppanno aniccam kho pana sankhatam paticcasamuppannam kayam paticca
Uppanna adukkhamasukha vedana kuto nicca bhavissatiti . so
kaye ca adukkhamasukhaya ca vedanaya aniccanupassi viharati vayanupassi
viharati viraganupassi viharati nirodhanupassi viharati patinissagganupassi
viharati . tassa kaye ca adukkhamasukhaya ca vedanaya aniccanupassino
viharato .pe. patinissagganupassino viharato yo kaye ca
adukkhamasukhaya ca vedanaya avijjanusayo so pahiyyati.
[380] So sukhance vedanam vedayati sa aniccati pajanati
anajjhositati pajanati anabhinanditati pajanati dukkhance vedanam
vedayati .pe. adukkhamasukhance vedanam vedayati sa aniccati
pajanati anajjhositati pajanati anabhinanditati pajanati .
So sukhance vedanam vedayati visannutto nam vedayati dukkhance
vedanam vedayati visannutto nam vedayati adukkhamasukhance vedanam
vedayati visannutto nam vedayati . so kayapariyantikam vedanam vedayamano
kayapariyantikam vedanam vedayamiti pajanati jivitapariyantikam
vedanam vedayamano jivitapariyantikam vedanam vedayamiti pajanati
kayassa bheda uddham jivitapariyadana idheva sabbavedayitani
anabhinanditani sitibhavissantiti pajanati.
[381] Seyyathapi bhikkhave 1- telanca [2]- vattinca paticca
telappadipo jhayeyya tasseva telassa ca vattiya ca pariyadana anaharo
nibbayeyya . evameva kho bhikkhave bhikkhu ce 3- kayapariyantikam vedanam
@Footnote: 1 Yu. bhikkhu. 2 Ma. telanca paticca vattim ca paticca. Yu. telanca paticca
@vattinca. evamuparipi . 3 Ma. Yu. cesaddo natthi.
Vedayamano kayapariyantikam vedanam vedayamiti pajanati . Jivitapariyantikam
vedanam vedayamano jivitapariyantikam vedanam vedayamiti pajanati .
Kayassa bheda uddham jivitapariyadana idheva sabbavedayitani
anabhinanditani sitibhavissantiti pajanatiti. Sattamam.
[382] Ekam samayam bhagava vesaliyam viharati mahavane
kutagarasalayam . atha kho bhagava sayanhasamayam patisallana
vutthito yena gilanasala tenupasankami upasankamitva pannatte
asane nisidi . nisajja kho bhagava bhikkhu amantesi sato bhikkhave bhikkhu
sampajano kalam agameyya ayam vo amhakam anusasani.
[383] Kathanca bhikkhave bhikkhu sato hoti . idha bhikkhave bhikkhu
kaye kayanupassi viharati atapi sampajano satima vineyya
loke abhijjhadomanassam . vedanasu .pe. citte . dhammesu
dhammanupassi viharati atapi sampajano satima vineyya loke
abhijjhadomanassam. Evam kho bhikkhave bhikkhu sato hoti.
[384] Kathanca bhikkhave bhikkhu sampajano hoti . idha bhikkhave
bhikkhu abhikkante patikkante sampajanakari hoti .pe. bhasite
tunhibhave sampajanakari hoti . evam kho bhikkhave bhikkhu sampajano
hoti . sato [1]- bhikkhave bhikkhu sampajano kalam agameyya ayam vo
amhakam anusasani.
[385] Tassa ce bhikkhave bhikkhuno evam satassa sampajanassa
@Footnote: 1 Yu. kho.
Appamattassa atapino pahitattassa viharato uppajjati sukha
vedana so evam pajanati uppanna kho myayam sukha vedana
sa ca kho paticca no appaticca kim paticca imameva phassam
paticca ayam kho pana phasso anicco sankhato paticcasamuppanno
aniccam kho pana sankhatam paticcasamuppannam phassam paticca uppanna
sukha vedana kuto nicca bhavissatiti . so phasse ca sukhaya ca
vedanaya aniccanupassi viharati vayanupassi viraganupassi
nirodhanupassi patinissagganupassi viharati . tassa phasse
ca sukhaya ca vedanaya aniccanupassino viharato vayanupassino
viraganupassino nirodhanupassino patinissagganupassino
viharato yo phasse ca sukhaya ca vedanaya raganusayo so pahiyyati.
[386] Tassa ce bhikkhave bhikkhuno evam satassa .pe. Viharato
uppajjati dukkha vedana .pe. uppajjati adukkhamasukha vedana
so evam pajanati uppanna kho myayam adukkhamasukha vedana sa
ca kho paticca no appaticca kim paticca imameva phassam paticca
ayam kho pana phasso anicco sankhato paticcasamuppanno .pe.
(yatha purimasutte vittharo tatha vittharetabbo) kayassa
bheda uddham jivitapariyadana idheva sabbavedayitani anabhinanditani
sitibhavissantiti pajanati.
[387] Seyyathapi bhikkhave telanca vattinca paticca telappadipo
Jhayeyya tasseva telassa ca vattiya ca pariyadana anaharo
nibbayeyya . evameva kho bhikkhave bhikkhu kayapariyantikam vedanam
vedayamano kayapariyantikam vedanam vedayamiti pajanati . Jivitapariyantikam
vedanam vedayamano jivitapariyantikam vedanam vedayamiti
pajanati . kayassa bheda uddham jivitapariyadana idheva sabbavedayitani
anabhinanditani sitibhavissantiti pajanatiti. Atthamam.
[388] Tisso ima bhikkhave vedana anicca sankhata
paticcasamuppanna khayadhamma vayadhamma viragadhamma nirodhadhamma .
Katama tisso . sukha vedana dukkha vedana adukkhamasukha vedana.
Ima kho bhikkhave tisso vedana anicca sankhata paticcasamuppanna
khayadhamma vayadhamma viragadhamma nirodhadhammati. Navamam.
[389] Tisso ima bhikkhave vedana phassaja phassamulaka phassanidana
phassapaccaya . katama tisso . sukha vedana dukkha
vedana adukkhamasukha vedana . sukhavedaniyam bhikkhave phassam paticca
uppajjati sukha vedana tasseva sukhavedaniyassa phassassa nirodha
yam tajjam vedayitam sukhavedaniyam phassam paticca uppanna sukha vedana
sa nirujjhati sa vupasamati 1- . dukkhavedaniyam bhikkhave phassam paticca
uppajjati dukkha vedana tasseva dukkhavedaniyassa phassassa nirodha
yam tajjam vedayitam dukkhavedaniyam phassam paticca uppanna dukkha vedana
sa nirujjhati sa vupasamati . adukkhamasukhavedaniyam bhikkhave phassam
@Footnote: 1 Ma. Yu. vupasammati. evamuparipi.
Paticca uppajjati adukkhamasukha vedana tasseva adukkhamasukhavedaniyassa
phassassa nirodha yam tajjam vedayitam adukkhamasukhavedaniyam phassam paticca
uppanna adukkhamasukha vedana sa nirujjhati sa vupasamati.
[390] Seyyathapi bhikkhave dvinnam katthanam sanghatta 1- tassa
samodhana usma jayati tejo abhinibbattati tesamyeva dvinnam katthanam
nanabhava vinikkhepa ya tajja usma sa nirujjhati sa
vupasamati . evameva kho bhikkhave ima tisso vedana phassaja
phassamulaka phassanidana phassapaccaya tajjam phassam paticca tajja 2-
vedana uppajjati tajjassa 3- phassassa nirodha tajja 2- vedana
nirujjhatiti. Dasamam.
Vedanasamyuttassa pathamakasagathavaggo.
Tassuddanam
samadhisukhaya 4- pahanena patalam datthabbena ca 5-
sallatthena [6]- gelannam 7- aniccaphassamulakati.
------------
@Footnote: 1 Ma. Yu. sanghattanasamodhana. 2-3 Yu. amenditam . 4 Ma. samadhisukham.
@5 Yu. casaddo natthi. 6 Yu. ca . 7 Ma. sallena ceva gelanna.
Rahogatavaggo dutiyo
[391] Atha kho annataro bhikkhu yena bhagava tenupasankami
upasankamitva bhagavantam abhivadetva ekamantam nisidi . ekamantam
nisinno kho so bhikkhu bhagavantam etadavoca idha mayham bhante
rahogatassa patisallinassa evam cetaso parivitakko udapadi tisso
vedana vutta bhagavata sukha vedana dukkha vedana adukkhamasukha
vedana ima tisso vedana vutta bhagavata . vuttam kho panetam
bhagavata yankinci vedayitam tam dukkhasminti kim nu kho etam bhagavata
sandhaya bhasitam yankinci vedayitam tam dukkhasminti.
{391.1} Sadhu sadhu bhikkhu tisso ima bhikkhu vedana vutta
maya sukha vedana dukkha vedana adukkhamasukha vedana ima tisso
vedana vutta maya . vuttam kho panetam bhikkhu maya yankinci vedayitam tam
dukkhasminti tam kho panetam bhikkhu maya sankharanamyeva aniccatam sandhaya
bhasitam yankinci vedayitam tam dukkhasminti . tam kho panetam bhikkhu maya
sankharanamyeva khayadhammatam vayadhammatam viragadhammatam nirodhadhammatam
viparinamadhammatam sandhaya bhasitam yankinci vedayitam tam dukkhasminti.
[392] Atha kho pana bhikkhu maya anupubbasankharanam nirodho
akkhato pathamajjhanam samapannassa vaca niruddha hoti dutiyajjhanam
Samapannassa vitakkavicara niruddha honti tatiyajjhanam samapannassa
piti niruddha hoti catutthajjhanam samapannassa assasapassasa niruddha
honti akasanancayatanam samapannassa rupasanna niruddha hoti
vinnanancayatanam samapannassa akasanancayatanasanna niruddha
hoti akincannayatanam samapannassa vinnanancayatanasanna niruddha
hoti nevasannanasannayatanam samapannassa akincannayatanasanna
niruddha hoti sannavedayitanirodham samapannassa sanna ca vedana ca niruddha
honti. Khinasavassa bhikkhuno rago niruddho hoti doso niruddho hoti moho
niruddho hoti.
[393] Atha kho bhikkhu maya anupubbasankharanam vupasamo akkhato
pathamajjhanam samapannassa vaca vupasanta hoti dutiyajjhanam samapannassa
vitakkavicara vupasanta honti .pe. sannavedayitanirodham samapannassa
sanna ca vedana ca vupasanta honti. Khinasavassa bhikkhu rago vupasanto
hoti doso vupasanto hoti moho vupasanto hoti.
[394] Chayima bhikkhu passaddhiyo pathamajjhanam samapannassa
vaca patippassaddha hoti dutiyajjhanam samapannassa vitakkavicara
patippassaddha honti tatiyajjhanam samapannassa piti
patippassaddha hoti catutthajjhanam samapannassa assasapassasa
Patippassaddha honti sannavedayitanirodham samapannassa sanna
ca vedana ca patippassaddha honti . khinasavassa bhikkhuno
rago patippassaddho hoti doso patippassaddho hoti moho
patippassaddho hotiti. Pathamam.
[395] Seyyathapi bhikkhave akasepi 1- vividha vata vayanti
puratthimapi vata vayanti pacchimapi vata vayanti uttarapi
vata vayanti dakkhinapi vata vayanti sarajapi vata
vayanti arajapi vata vayanti sitapi vata vayanti unhapi
vata vayanti parittapi vata vayanti adhimattapi vata
vayanti . evameva kho bhikkhave imasmim kayasmim vividha vedana
uppajjanti sukhapi vedana uppajjati dukkhapi vedana uppajjati
adukkhamasukhapi vedana uppajjatiti.
[396] Yathapi vata akase vayanti vividha puthu 2-
puratthima pacchima capi uttara atha dakkhina.
Saraja araja capi 3- sita unha ca ekada
adhimatta paritta ca puthu 2- vayanti maluta.
Tathevimasmim 4- kayasmim samuppajjanti vedana
sukhadukkhasamuppatti adukkhamasukha ca ya.
Yatova 5- bhikkhu atapi sampajano nirujjhati 6-
tato so vedana sabba parijanati pandito.
@Footnote: 1 Ma. Yu. akase . 2 Yu. puthu . 3 Ma. capi. Yu. vapi. 4 Yu. tathevimasmimpi.
@5 Ma. Yu. yato ca . 6 Ma. sampajannam na rincati. Yu. sampajano nirupadhi.
So vedana parinnaya ditthe dhamme anasavo
kayassa bheda dhammattho sankham nupeti 1- vedaguti. Dutiyam.
[397] Seyyathapi bhikkhave akase vividha vata vayanti
puratthimapi vata vayanti .pe. adhimattapi vata vayanti .
Evameva kho bhikkhave imasmim kayasmim vividha vedana uppajjanti
sukhapi vedana uppajjati dukkhapi vedana uppajjati adukkhamasukhapi
vedana uppajjatiti. Tatiyam.
[398] Seyyathapi bhikkhave agantukagaram tattha puratthimayapi
disaya agantva vasam kappenti pacchimayapi disaya agantva
vasam kappenti uttarayapi disaya agantva vasam kappenti
dakkhinayapi disaya agantva vasam kappenti khattiyapi agantva
vasam kappenti brahmanapi agantva vasam kappenti vessapi
agantva vasam kappenti suddapi agantva vasam kappenti .
Evameva kho bhikkhave imasmim kayasmim vividha vedana uppajjanti
sukhapi vedana uppajjati dukkhapi vedana uppajjati adukkhamasukhapi
vedana uppajjati samisapi sukha vedana uppajjati samisapi
dukkha vedana uppajjati samisapi adukkhamasukha vedana uppajjati
niramisapi sukha vedana uppajjati niramisapi dukkha vedana
uppajjati niramisapi adukkhamasukha vedana uppajjatiti. Catuttham.
@Footnote: 1 Ma. Yu. sankhyam nopeti.
[399] Atha kho ayasma anando yena bhagava tenupasankami
upasankamitva .pe. ekamantam nisinno kho ayasma anando
bhagavantam etadavoca katama nu kho bhante vedana katamo vedanasamudayo
katamo vedananirodho katama vedananirodhagamini patipada
ko vedanaya assado ko vedanaya 1- adinavo kim vedanaya 1-
nissarananti . tisso ima ananda vedana sukha vedana dukkha
vedana adukkhamasukha vedana . ima vuccati ananda vedana
phassasamudaya vedanasamudayo phassanirodha vedananirodho ayameva
ariyo atthangiko maggo vedananirodhagamini patipada . seyyathidam .
Sammaditthi .pe. sammasamadhi . yam vedanam paticca uppajjati
sukham somanassam ayam vedanaya assado . ya vedana anicca
dukkha viparinamadhamma ayam vedanaya adinavo . yo vedanaya
chandaragavinayo chandaragappahanam idam vedanaya nissaranam.
[400] Atha kho panananda maya anupubbasankharanam nirodho
akkhato pathamajjhanam samapannassa vaca niruddha hoti .pe.
Sannavedayitanirodham samapannassa sanna ca vedana ca niruddha
honti . khinasavassa bhikkhuno rago niruddho hoti doso
niruddho hoti moho niruddho hoti.
[401] Atha kho panananda maya anupubbasankharanam vupasamo
akkhato pathamajjhanam samapannassa vaca vupasanta hoti .pe.
@Footnote: 1 Ma. Yu. ime patha na dissanti. evamuparipi.
Sannavedayitanirodham samapannassa sanna ca vedana ca vupasanta
honti . khinasavassa bhikkhuno rago vupasanto hoti doso
vupasanto hoti moho vupasanto hoti.
[402] Atha kho panananda maya anupubbasankharanam patippassaddhi 1-
akkhata pathamajjhanam samapannassa vaca patippassaddha hoti
.pe. akasanancayatanam samapannassa rupasanna patippassaddha
hoti vinnanancayatanam samapannassa akasanancayatanasanna
patippassaddha hoti akincannayatanam samapannassa
vinnanancayatanasanna patippassaddha hoti
nevasannanasannayatanam samapannassa akincannayatanasanna
patippassaddha hoti sannavedayitanirodham samapannassa sanna ca
vedana ca patippassaddha honti . khinasavassa bhikkhuno rago
patippassaddho hoti doso patippassaddho hoti moho patippassaddho
hotiti. Pancamam.
[403] Atha kho ayasma anando yena bhagava tenupasankami
upasankamitva bhagavantam abhivadetva ekamantam nisidi . ekamantam
nisinnam kho ayasmantam anandam bhagava etadavoca katama nu kho
ananda vedana katamo vedanasamudayo katamo vedananirodho katama
vedananirodhagamini patipada ko vedanaya assado ko vedanaya
adinavo kim vedanaya nissarananti . bhagavammulaka no bhante dhamma
bhagavamnettika bhagavampatisarana sadhu bhante bhagavantanneva patibhatu
@Footnote: 1 Yu. passaddhi.
Etassa bhasitassa attho bhagavato sutva bhikkhu dharessantiti .
Tenahi ananda sunohi sadhukam manasikarohi bhasissamiti .
Evam bhanteti kho ayasma anando bhagavato paccassosi .
Bhagava etadavoca tisso ima ananda vedana sukha vedana
dukkha vedana adukkhamasukha vedana . ima vuccanti ananda
vedana .pe. phassasamudaya .pe. khinasavassa bhikkhuno rago
patippassaddho hoti doso patippassaddho hoti moho
patippassaddho hotiti. Chattham.
[404] Atha kho sabbahula bhikkhu yena bhagava tenupasankamimsu
upasankamitva bhagavantam abhivadetva ekamantam nisidimsu . ekamantam
nisinna kho te bhikkhu bhagavantam etadavocum katama nu kho bhante vedana
katamo vedanasamudayo katamo vedananirodho katama vedananirodhagamini
patipada ko vedanaya assado ko vedanaya adinavo kim
vedanaya nissarananti . tisso ima bhikkhave vedana sukha vedana
dukkha vedana adukkhamasukha vedana . ima vuccanti bhikkhave
vedana . phassasamudaya vedanasamudayo phassanirodha vedananirodho
ayameva ariyo atthangiko maggo vedananirodhagamini patipada .
Seyyathidam . sammaditthi .pe. sammasamadhi . yam vedanam paticca
uppajjati sukham somanassam ayam vedanaya assado . ya vedana
anicca dukkha viparinamadhamma ayam vedanaya adinavo . yo
Vedanaya chandaragavinayo chandaragappahanam idam vedanaya nissaranam.
[405] Atha kho pana bhikkhave maya anupubbasankharanam nirodho
akkhato pathamajjhanam samapannassa vaca niruddha hoti .pe.
Khinasavassa bhikkhuno rago niruddho hoti doso niruddho hoti
moho niruddho hoti.
[406] Atha kho pana bhikkhave maya anupubbasankharanam vupasamo
akkhato pathamajjhanam samapannassa vaca vupasanta hoti .pe.
Khinasavassa bhikkhuno rago vupasanto hoti doso vupasanto hoti
moho vupasanto hoti.
[407] Chayima bhikkhave passaddhiyo . pathamajjhanam samapannassa
vaca patippassaddha hoti dutiyajjhanam samapannassa vitakkavicara
patippassaddha honti tatiyajjhanam samapannassa piti patippassaddha
hoti catutthajjhanam samapannassa assasapassasa patippassaddha
honti sannavedayitanirodham samapannassa sanna ca vedana ca
patippassaddha honti . khinasavassa bhikkhuno rago patippassaddho
hoti doso patippassaddho hoti moho patippassaddho hotiti .
Sattamam.
[408] Atha kho sambahula bhikkhu yena bhagava tenupasankamimsu
upasankamitva .pe. ekamantam nisinne kho te bhikkhu bhagava
etadavoca katama nu kho bhakkhave vedana katamo vedanasamudayo
Katamo vedananirodho katama vedananirodhagamini patipada ko
vedanaya assado ko vedanaya adinavo kim vedanaya nissarananti.
Bhagavammulaka no bhante dhamma .pe. tisso ima bhikkhave vedana
sukha vedana dukkha vedana adukkhamasukha vedana . ima vuccanti
bhikkhave vedana . phassasamudaya (yatha purimasuttanto vittharito
tatha vittharetabbo 1-). Atthamam.
[409] Atha kho pancakango thapati yenayasma udayi
tenupasankami upasankamitva ayasmantam udayim abhivadetva ekamantam
nisidi . ekamantam nisinno kho pancakango thapati ayasmantam udayim
etadavoca kati nu kho bhante udayi vedana vutta bhagavatati .
Tisso kho gahapati 2- vedana vutta bhagavata sukha vedana dukkha
vedana adukkhamasukha vedana ima kho gahapati 2- tisso vedana
vutta bhagavatati.
[410] Evam vutte pancakango thapati ayasmantam udayim etadavoca
na kho bhante udayi tisso vedana vutta bhagavata dve vedana
vutta bhagavata sukha vedana dukkha vedana . yayam bhante
adukkhamasukha vedana santasmim esa panite sukhe vutta bhagavatati.
Dutiyampi kho ayasma udayi pancakangam thapatim etadavoca na kho
gahapati dve vedana vutta bhagavata tisso vedana vutta bhagavata
sukha vedana dukkha vedana adukkhamasukha vedana ima tisso
@Footnote: 1 Ma. Yu. yatha purimasuttante tatha vittharetabbo . 2 Ma. Yu. thapati. evamuparipi.
Vedana vutta bhagavatati.
{410.1} Dutiyampi kho pancakango thapati ayasmantam udayim
etadavoca na kho bhante udayi tisso vedana vutta bhagavata dve
vedana vutta bhagavata sukha vedana dukkha vedana yayam bhante
adukkhamasukha vedana santasmim esa panite sukhe vutta bhagavatati.
Tatiyampi kho ayasma udayi pancakangam thapatim etadavoca na kho
gahapati dve vedana vutta bhagavata tisso vedana vutta bhagavata
sukha vedana dukkha vedana adukkhamasukha vedana ima tisso
vedana vutta bhagavatati . tatiyampi kho pancakango thapati
ayasmantam udayi etadavoca na kho bhante udayi tisso vedana
vutta bhagavata dve vedana vutta bhagavata sukha vedana dukkha
vedana yayam bhante adukkhamasukha vedana santasmim esa panite
sukhe vutta bhagavatati . neva [1]- asakkhi 2- ayasma udayi
pancakangam thapatim sannapetum na panasakkhi pancakango thapati
ayasmantam udayim sannapetum.
[411] Assosi kho ayasma anando ayasmato udayissa
pancakangena thapatina saddhim imam kathasallapam atha kho ayasma
anando yena bhagava tenupasankami upasankamitva ekamantam nisidi .
Ekamantam nisinno kho ayasma anando yavatako ayasmato
udayissa pancakangena thapatina saddhim ahosi kathasallapo tampi 3-
sabbam bhagavato arocesi . santameva kho ananda pariyayam
@Footnote: 1 Yu. kho . 2 Ma. sakkhi . 3 Ma. tam.
Pancakango thapati udayissa bhikkhuno nabbhanumodi . santam ca
panananda pariyayam udayi bhikkhu pancakangassa thapatino nabbhanumodi.
[412] Dvepi maya ananda vedana vutta pariyayena tisso 1-
maya vedana vutta pariyayena pancapi maya vedana vutta
pariyayena chapi maya vedana vutta pariyayena attharasapi maya
vedana vutta pariyayena chattimsapi maya vedana vutta pariyayena
atthasatampi maya vedana vutta pariyayena . evam pariyayena desito
ananda maya dhammo . evam pariyayena desite kho ananda maya
dhamme ye annamannassa subhasitam sulapitam na samanumannissanti na
samanujanissanti na samanumodissanti . tesam etam patikankham
bhandanajata kalahajata vivadapanna annamannam mukhasattihi
vitudanta viharissanti 2- . evam pariyayadesito kho 3- ananda
maya dhammo . evam pariyayadesite kho 3- ananda maya dhamme ye
annamannassa subhasitam sulapitam samanumannissanti samanujanissanti
samanumodissanti . tesam etam patikankham samagga sammodamana
avivadamana khirodakibhuta annamannam piyacakkhuhi sampassanta
viharissanti 2-.
[413] Pancime ananda kamaguna . katame panca .
Cakkhuvinneyya rupa ittha kanta manapa piyarupa kamupasanhita
rajaniya .pe. kayavinneyya photthabba ittha kanta manapa
piyarupa kamupasanhita rajaniya . ime kho ananda panca
@Footnote: 1 Ma. Yu. tissopi . 2 Ma. itisaddo atthi . 3 Yu. khosaddo natthi.
Kamaguna . yam kho ananda ime panca kamagune paticca
uppajjati sukham somanassam idam vuccati kamasukham.
[414] Ye kho ananda evam vadeyyum etam paramam santam 1- sukham
somanassam patisamvedentiti . idam nesaham nanujanami . tam kissa
hetu . atthananda etamha sukha annam sukham abhikkantataranca
panitataranca.
[415] Katamancananda etamha sukha annam sukham abhikkantataranca
panitataranca . idhananda bhikkhu vivicceva kamehi vivicca
akusalehi dhammehi savitakkam savicaram vivekajam pitisukham pathamajjhanam
upasampajja viharati . idam kho ananda etamha sukha annam
sukham abhikkantataranca panitataranca . ye kho ananda evam vadeyyum
etam paramam santam 1- sukham somanassam patisamvedentiti . idam nesaham
nanujanami . tam kissa hetu . atthananda etamha sukha annam
sukham abhikkantataranca panitataranca.
[416] Katamancananda etamha sukha annam sukham abhikkantataranca
panitataranca . idhananda bhikkhu vitakkavicaranam vupasama ajjhattam
sampasadanam cetaso ekodibhavam avitakkam avicaram samadhijam
pitisukham dutiyajjhanam upasampajja viharati . idam kho ananda etamha
sukha annam sukham abhikkantataranca panitataranca . ye kho ananda
evam vadeyyum etam paramam santam sukham somanassam patisamvedentiti .
@Footnote: 1 Yu. satta. evamuparipi.
Idam nesaham nanujanami . tam kissa hetu . atthananda etamha
sukha annam sukham abhikkantataranca panitataranca.
[417] Katamancananda etamha sukha annam sukham abhikkantataranca
panitataranca . idhananda bhikkhu pitiya ca viraga upekkhako
ca viharati sato ca sampajano sukhanca kayena patisamvedeti yantam
ariya acikkhanti upekkhako satima sukhavihariti tatiyajjhanam
upasampajja viharati . idam kho ananda etamha sukha annam sukham
abhikkantataranca panitataranca . ye kho ananda evam vadeyyum
etam paramam santam sukham somanassam patisamvedentiti . idam nesaham
nanujanami . tam kissa hetu . atthananda etamha sukha annam
sukham abhikkantataranca panitataranca.
[418] Katamancananda etamha sukha annam sukham abhikkantataranca
panitataranca . idhananda bhikkhu sukhassa ca pahana dukkhassa
ca pahana pubbeva somanassadomanassanam atthangama adukkhamasukham
upekkhasatiparisuddhim catutthajjhanam upasampajja viharati . idam kho
ananda etamha sukha annam sukham abhikkantataranca panitataranca.
[419] Ye kho ananda evam vadeyyum etam paramam santam sukham
somanassam patisamvedentiti . idam nesaham nanujanami . tam kissa
hetu . atthananda etamha sukha annam sukham abhikkantataranca
panitataranca.
[420] Katamancananda etamha sukha annam sukham abhikkantataranca
panitataranca . idhananda bhikkhu sabbaso rupasannanam samatikkama
patighasannanam atthangama nanattasannanam amanasikara ananto
akasoti akasanancayatanam upasampajja viharati . idam kho ananda
etamha sukha annam sukham abhikkantataranca panitataranca . ye kho
ananda evam vadeyyum etam paramam santam sukham somanassam patisamvedentiti.
Idam nesaham nanujanami . tam kissa hetu . atthananda etamha
sukha annam sukham abhikkantataranca panitataranca.
[421] Katamancananda etamha sukha annam sukham abhikkantataranca
panitataranca . idhananda bhikkhu sabbaso akasanancayatanam
samatikkamma anantam vinnananti vinnanancayatanam upasampajja
viharati . idam kho ananda etamha sukha annam sukham abhikkantataranca
panitataranca . ye kho ananda evam vadeyyum etam paramam santam sukham somanassam
patisamvedentiti . idam nesaham nanujanami. Tam kissa hetu. Atthananda
etamha sukha annam sukham abhikkantataranca panitataranca.
[422] Katamancananda etamha sukha annam sukham abhikkantataranca
panitataranca . idhananda bhikkhu sabbaso vinnanancayatanam
samatikkamma natthi kinciti akincannayatanam upasampajja viharati .
Idam kho ananda etamha sukha annam sukham abhikkantataranca
Panitataranca . ye kho ananda evam vadeyyum etam paramam santam
sukham somanassam patisamvedentiti . idam nesaham nanujanami . tam
kissa hetu . atthananda etamha sukha annam sukham abhikkantataranca
panitataranca.
[423] Katamancananda etamha sukha annam sukham abhikkantataranca
panitataranca . idhananda bhikkhu sabbaso akincannayatanam
samatikkamma nevasannanasannayatanam upasampajja viharati . idam
kho ananda etamha sukha annam sukham abhikkantataranca panitataranca .
Ye kho ananda evam vadeyyum etam paramam santam sukham
somanassam patisamvedentiti . idam nesaham nanujanami . tam kissa
hetu . atthananda etamha sukha annam sukham abhikkantataranca
panitataranca.
[424] Katamancananda etamha sukha annam sukham abhikkantataranca
panitataranca . idhananda bhikkhu sabbaso nevasannanasannayatanam
samatikkamma sannavedayitanirodham upasampajja viharati .
Idam kho ananda etamha sukha annam sukham abhikkantataranca panitataranca.
Thanam kho panetam ananda vijjati yam annatitthiya
paribbajaka evam vadeyyum sannavedayitanirodham samano gotamo aha
tanca sukhasmim pannapeti tayidam kimsu tayidam kathamsuti . evamvadino
ananda annatitthiya paribbajaka evamassu vacaniya na kho
Avuso bhagava sukhanneva vedanam sandhaya sukhasmim pannapeti
yattha yatthavuso sukham upalabbhati yahim yahim 1- tam tam tathagato
sukhasmim pannapetiti. Navamam.
[425] Dvepi maya bhikkhave vedana vutta pariyayena tissopi
maya vedana vutta pariyayena pancapi maya vedana vutta
pariyayena chapi maya vedana vutta pariyayena attharasapi
maya vedana vutta pariyayena chattimsapi maya vedana vutta
pariyayena atthasatampi maya vedana vutta pariyayena . evam
pariyayadesito bhikkhave maya dhammo evam pariyayadesite kho
bhikkhave maya dhamme ye annamannassa subhasitam sulapitam na
samanumannissanti na samanujanissanti na samanumodissanti . tesam
etam patikankham bhandanajata kalahajata vivadapanna annamannam
mukhasattihi vitudanta viharissantiti . evam pariyayadesito bhikkhave
maya dhammo evam pariyayadesite kho bhikkhave maya dhamme ye
annamannassa subhasitam sulapitam samanumannissanti samanujanissanti
samanumodissanti . tesam etam patikankham samagga sammodamana
avivadamana khirodakibhuta annamannam piyacakkhuhi sampassanta
viharissantiti.
[426] Pancime bhikkhave kamaguna .pe. Thanam kho panetam bhikkhave
vijjati yam annatitthiya paribbajaka evam vadeyyum sannavedayitanirodham
@Footnote: 1 Yu. yamhi sukham. evamuparipi.
Samano gotamo aha tanca sukhasmim pannapeti tayidam kimsu
tayidam kathamsuti . evamvadino bhikkhave annatitthiya paribbajaka
evamassu vacaniya na kho avuso bhagava sukhanneva vedanam
sandhaya sukhasmim pannapeti yattha yattha avuso sukham upalabbhati
yahim yahim tam tam tathagato sukhasmim pannapetiti. Dasamam.
Rahogatavaggo dutiyo.
Tassuddanam
rahogata 1- dve vata ca nivasa dve anandaka
sambahula ca dve vutta pancakango ca bhikkhunati.
-----------
@Footnote: 1 Ma. rahogatam dve akasam agaram dve ca ananda.
@ sambahula duve vutta pancakango ca bhikkhunati.
@ Yu. rahogatam dve akasam agaram dve ca santakam.
@ atthangena ca dve vutta pancakango ca bhikkhunati.
Atthasatapariyayavaggo tatiyo
[427] Ekam samayam bhagava rajagahe viharati veluvane kalandakanivape.
Atha kho moliyasivako 1- paribbajako yena bhagava tenupasankami
upasankamitva bhagavata saddhim sammodi sammodaniyam katham saraniyam
vitisaretva ekamantam nisidi . ekamantam nisinno kho
moliyasivako paribbajako bhagavantam etadavoca santi bho gotama
eke samanabrahmana evamvadino evamditthino yankincayam
purisapuggalo patisamvedeti sukham va dukkham va adukkhamasukham va
sabbantam pubbekatahetuti.
Idha pana 2- bhavam gotamo kimahati.
{427.1} Pittasamutthananipi kho sivaka idhekaccani vedayitani
uppajjanti . samampi kho etam sivaka evam veditabbam yatha
pittasamutthananipi idhekaccani vedayitani uppajjanti .
Lokassapi kho etam sivaka saccasammatam yatha pittasamutthananipi
idhekaccani vedayitani uppajjanti . tatra sivaka ye te
samanabrahmana evamvadino evamditthino yankincayam
purisapuggalo patisamvedayati 3- sukham va dukkham va adukkhamasukham
va sabbantam pubbekatahetuti . yanca samam natam tanca
atidhavanti yam 4- loke saccasammatam tanca atidhavanti .
Tasma tesam samanabrahmananam micchati vadami.
{427.2} Semhasamutthananipi kho sivaka .pe.
Vatasamutthananipi kho sivaka .pe.
@Footnote: 1 Ma. moliyasivako. Yu. moliyasivako . 2 Ma. panasaddo natthi.
@3 Ma. Yu. patisamvedeti. 4 Ma. yanca. Yu. yam ca.
Sannipatasamutthananipi 1- kho sivaka .pe. utuparinamajanipi
kho sivaka . visamapariharajanipi kho sivaka . opakkamikanipi kho
sivaka .pe. kammavipakajanipi kho sivaka idhekaccani vedayitani
uppajjanti . samampi kho etam sivaka evam veditabbam yatha
kammavipakajanipi idhekaccani vedayitani uppajjanti lokassapi
kho etam sivaka saccasammatam yatha kammavipakajanipi idhekaccani
vedayitani uppajjanti . tattha sivaka ye te samanabrahmana
evamvadino evamditthino yankincayam purisapuggalo patisamvedayati
sukham va dukkham va adukkhamasukham va sabbantam pubbekatahetuti .
Yanca samam natam tanca atidhavanti yam loke saccasammatam tanca
atidhavanti tasma tesam samanabrahmananam micchati vadamiti.
[428] Evam vutte moliyasivako paribbajako bhagavantam etadavoca
abhikkantam bho gotama abhikkantam bho gotama upasakam mam bhavam
gotamo dharetu ajjatagge panupetam saranangatanti.
[429] Pittam semhanca vato ca sannipata utuni ca
visamam opakkamikanca 2- kammavipakena atthamiti. Pathamam.
[430] Atthasatapariyayam vo bhikkhave dhammapariyayam desissami
tam sunatha . katamo ca bhikkhave atthasatapariyayo dhammapariyayo .
Dvepi maya bhikkhave vedana vutta pariyayena tissopi maya
vedana vutta pariyayena pancapi maya vedana vutta pariyayena
@Footnote: 1 Ma. Yu. sannipatikanipi. 2 Ma. Yu. casaddo natthi.
Chapi maya vedana vutta pariyayena attharasapi maya vedana
vutta pariyayena chattimsapi maya vedana vutta pariyayena
atthasatampi maya vedana vutta pariyayena.
[431] Katama ca bhikkhave dve vedana kayika ca cetasika
ca. Ima vuccanti bhikkhave dve vedana.
[432] Katama ca bhikkhave tisso vedana sukha vedana dukkha
vedana adukkhamasukha vedana . ima vuccanti bhikkhave tisso
vedana.
[433] Katama ca bhikkhave panca vedana sukhindriyam dukkhindriyam
somanassindriyam domanassindriyam upekkhindriyam . ima vuccanti
bhikkhave panca vedana.
[434] Katama ca bhikkhave cha vedana cakkhusamphassaja vedana
.pe. manosamphassaja vedana . ima vuccanti bhikkhave
cha vedana.
[435] Katama ca bhikkhave attharasa vedana cha somanassupavicara
cha domanassupavicara cha upekkhupavicara . ima vuccanti bhikkhave
attharasa vedana.
[436] Katama ca bhikkhave chattimsa vedana cha gehasitani
somanassani cha nekkhammasitani somanassani cha gehasitani
domanassani cha nekkhammasitani domanassani cha gehasita
Upekkha cha nekkhammasita upekkha . ima vuccanti bhikkhave
chattimsa vedana.
[437] Katama ca bhikkhave atthasatam vedana atita chattimsa
vedana anagata chattimsa vedana paccuppanna chattimsa vedana .
Ima vuccanti bhikkhave atthasatam vedana . ayampi kho bhikkhave
atthasatapariyayo dhammapariyayoti. Dutiyam.
[438] Atha kho annataro bhikkhu yena bhagava tenupasankami
.pe. ekamantam nisinno kho so bhikkhu bhagavantam etadavoca katama
nu kho bhante vedana katamo vedanasamudayo katama vedanasamudayagamini
patipada katamo vedananirodho katama vedananirodhagamini
patipada ko vedanaya assado ko adinavo kim nissarananti .
Tisso ima bhikkhu vedana sukha vedana dukkha vedana adukkhamasukha
vedana . ima vuccanti bhikkhu vedana . phassasamudaya
vedanasamudayo tanha vedanasamudayagamini patipada phassanirodha
vedananirodho ayameva ariyo atthangiko maggo vedananirodhagamini
patipada . seyyathidam . sammaditthi .pe. sammasamadhi . yam
vedanam paticca uppajjati sukham somanassam ayam vedanaya assado .
Ya vedana anicca dukkha viparinamadhamma ayam vedanaya adinavo.
Yo vedanaya chandaragavinayo chandaragappahanam idam vedanaya
nissarananti. Tatiyam.
[439] Pubbe me bhikkhave sambodha anabhisambuddhassa
bodhisattasseva sato etadahosi katama nu kho vedana katamo
vedanasamudayo katama vedanasamudayagamini patipada katamo
vedananirodho katama vedananirodhagamini patipada ko vedanaya assado
ko adinavo kim nissarananti . tassa mayham bhikkhave etadahosi
tisso ima vedana sukha vedana dukkha vedana adukkhamasukha
vedana . ima vuccanti vedana . phassasamudaya vedanasamudayo
tanhavedanasamudayagamini patipada .pe. yo vedanaya chandaragavinayo
chandaragappahanam idam vedanaya nissarananti. Catuttham.
[440] Ima vedanati me bhikkhave pubbe ananussutesu dhammesu
cakkhum udapadi nanam udapadi panna udapadi vijja udapadi
aloko udapadi . ayam vedanasamudayoti me bhikkhave pubbe
ananussutesu dhammesu cakkhum udapadi nanam udapadi panna udapadi
vijja udapadi aloko udapadi . ayam vedanasamudayagamini
patipadati me bhikkhave pubbe ananussutesu dhammesu cakkhum
udapadi .pe. aloko udapadi . ayam vedananirodhoti
me bhikkhave pubbe ananussutesu dhammesu cakkhum udapadi .pe.
Aloko udapadi . ayam vedananirodhagamini patipadati me bhikkhave
pubbe ananussutesu dhammesu cakkhum udapadi .pe. aloko
udapadi . ayam vedanaya assadoti me bhikkhave pubbe ananussutesu
Dhammesu .pe. ayam vedanaya adinavoti me bhikkhave pubbe
ananussutesu dhammesu .pe. idam vedanaya nissarananti me bhikkhave
pubbe ananussutesu dhammesu cakkhum udapadi nanam udapadi
panna udapadi vijja udapadi aloko udapaditi. Pancamam.
[441] Atha kho sambahula bhikkhu yena bhagava tenupasankamimsu
.pe. ekamantam nisinna kho te bhikkhu bhagavantam etadavocum katama
nu kho bhante vedana katamo vedanasamudayo katama vedanasamudayagamini
patipada .pe. ko vedanaya assado ko adinavo
kim nissarananti . tisso ima bhikkhave vedana sukha vedana
dukkha vedana adukkhamasukha vedana . ima vuccanti bhikkhave
vedana . phassasamudaya vedanasamudayo tanhavedanasamudayagamini
patipada phassanirodha .pe. yo vedanaya chandaragavinayo
chandaragappahanam idam vedanaya nissarananti. Chattham.
[442] Tisso ima bhikkhave vedana . katama tisso .
Sukha vedana dukkha vedana adukkhamasukha vedana . ye hi keci
bhikkhave samana va brahmana va imasam tissannam vedananam
samudayanca atthangamanca assadanca adinavanca nissarananca
yathabhutam nappajananti . na teme bhikkhave samana va brahmana
va samanesu va samanasammata brahmanesu va brahmanasammata
na ca pana te ayasmanto samannattham va brahmannattham va
Dittheva dhamme sayam abhinna sacchikatva upasampajja viharanti .
Ye ca kho keci bhikkhave samana va brahmana va imasam
tissannam vedananam samudayanca atthangamanca assadanca adinavanca
nissarananca yathabhutam pajananti te kho me bhikkhave samana
va brahmana va samanesu ceva samanasammata brahmanesu
ca brahmanasammata . te ca panayasmanto samannatthanca
brahmannatthanca dittheva dhamme sayam abhinna sacchikatva
upasampajja viharantiti. Sattamam.
[443] Tisso ima bhikkhave vedana . katama tisso .
Sukha vedana dukkha vedana adukkhamasukha vedana . ye hi keci
bhikkhave samana va brahmana va imasam tissannam vedananam
samudayanca atthangamanca assadanca adinavanca nissarananca
yathabhutam nappajananti .pe. pajananti .pe. sayam abhinna
sacchikatva upasampajja viharanti. Atthamam.
[444] Ye hi keci bhikkhave samana va brahmana va vedanam
nappajananti vedanasamudayam nappajananti vedananirodham nappajananti
vedananirodhagaminipatipadam nappajananti .pe. pajananti .pe.
Sayam abhinna sacchikatva upasampajja viharantiti. Navamam.
[445] Tisso ima bhikkhave vedana . katama tisso. Sukha
vedana dukkha vedana adukkhamasukha vedana . ima kho bhikkhave
Tisso vedanati. Dasamam.
[446] Atthi bhikkhave samisa piti atthi niramisa piti .
Atthi bhikkhave 1- niramisa niramisatara piti . atthi samisam sukham
atthi niramisam sukham atthi niramisa niramisataram sukham atthi samisa
upekkha atthi niramisa upekkha atthi niramisa niramisatara
upekkha atthi samiso vimokkho atthi niramiso vimokkho
atthi niramisa niramisataro vimokkho.
[447] Katama ca bhikkhave samisa piti . pancime bhikkhave
kamaguna . katame panca . cakkhuvinneyya rupa ittha kanta
manapa piyarupa kamupasanhita rajaniya .pe. kayavinneyya
photthabba ittha kanta manapa piyarupa kamupasanhita rajaniya .
Ime kho bhikkhave panca kamaguna . ya kho bhikkhave ime
panca kamagune paticca uppajjati piti ayam vuccati bhikkhave
samisa piti.
[448] Katama ca bhikkhave niramisa piti . idha bhikkhave bhikkhu
vivicceva kamehi vivicca akusalehi dhammehi savitakkam savicaram vivekajam
pitisukham pathamajjhanam upasampajja viharati vitakkavicaranam vupasama
ajjhattam sampasadanam cetaso ekodibhavam avitakkam avicaram samadhijam
pitisukham dutiyajjhanam upasampajja viharati . ayam vuccati bhikkhave
niramisa piti.
@Footnote: 1 Ma. Yu. ayam patho natthi.
[449] Katama ca bhikkhave niramisa niramisatara piti. Ya kho
bhikkhave khinasavassa bhikkhuno raga cittam vimuttam paccavekkhato
dosa cittam vimuttam paccavekkhato moha cittam vimuttam paccavekkhato
uppajjati piti ayam vuccati bhikkhave niramisa niramisatara piti.
[450] Katamanca bhikkhave samisam sukham . pancime bhikkhave
kamaguna . katame panca . cakkhuvinneyya rupa ittha kanta
manapa piyarupa kamupasanhita rajaniya .pe. kayavinneyya
photthabba ittha kanta manapa piyarupa kamupasanhita rajaniya .
Ime kho bhikkhave panca kamaguna . yam kho bhikkhave ime panca
kamagune paticca uppajjati sukham somanassam idam vuccati bhikkhave
samisam sukham.
[451] Katamanca bhikkhave niramisam sukham . idha bhikkhave bhikkhu
vivicceva kamehi vivicca akusalehi dhammehi savitakkam savicaram vivekajam
pitisukham pathamajjhanam upasampajja viharati .pe. pitiya ca viraga
upekkhako ca viharati sato ca sampajano sukhanca kayena
patisamvedeti yantam ariya acikkhanti upekkhako satima sukhavihariti
tatiyajjhanam upasampajja viharati. Idam vuccati bhikkhave niramisam sukham.
[452] Katamanca bhikkhave niramisa niramisataram sukham . yam kho
bhikkhave khinasavassa bhikkhuno raga cittam vimuttam paccavekkhato
dosa cittam vimuttam paccavekkhato moha cittam vimuttam paccavekkhato
Uppajjati sukham somanassam idam vuccati bhikkhave niramisa niramisataram
sukham.
[453] Katama ca bhikkhave samisa upekkha. Pancime bhikkhave
kamaguna . katame panca . cakkhuvinneyya rupa ittha kanta
manapa piyarupa kamupasanhita rajaniya .pe. kayavinneyya
photthabba ittha kanta manapa piyarupa kamupasanhita rajaniya .
Ime kho bhikkhave panca kamaguna . ya kho bhikkhave ime
panca kamagune paticca uppajjati upekkha ayam vuccati bhikkhave
samisa upekkha.
[454] Katama ca bhikkhave niramisa upekkha. Idha bhikkhave bhikkhu
sukhassa ca pahana dukkhassa ca pahana pubbeva somanassadomanassanam
atthangama adukkhamasukham upekkhasatiparisuddhim catutthajjhanam
upasampajja viharati. Ayam vuccati bhikkhave niramisa upekkha.
[455] Katama ca bhikkhave niramisa niramisatara upekkha. Ya
kho bhikkhave khinasavassa bhikkhuno raga cittam vimuttam paccavekkhato
dosa cittam vimuttam paccavekkhato moha cittam vimuttam paccavekkhato
uppajjati upekkha ayam vuccati bhikkhave niramisa niramisatara upekkha.
[456] Katamo ca bhikkhave samiso vimokkho . rupapatisamyutto
vimokkho samiso katamo ca bhikkhave niramiso vimokkho arupapatisamyutto
vimokkho niramiso.
[457] Katamo ca bhikkhave niramisa niramisataro vimokkho. Yo
kho bhikkhave khinasavassa bhikkhuno raga cittam vimuttam paccavekkhato
dosa cittam vimuttam paccavekkhato moha cittam vimuttam paccavekkhato
uppajjati vimokkho ayam vuccati bhikkhave niramisa niramisataro
vimokkhoti. Ekadasamam.
Atthasatapariyayavaggo tatiyo.
Tassuddanam
sivakaatthasatam bhikkhu pubbe nananca bhikkhuna
samanabrahmana tini suddhikam ca niramisanti.
Vedanasamyuttam nitthitam 1-.
---------
@Footnote: 1 Ma. samattam.
The Pali Tipitaka in Roman Character Volume 18 page 254-295.
http://84000.org/tipitaka/pitaka_item/roman_item_s.php?book=18&item=359&items=99&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=18&item=359&items=99&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=18&item=359&items=99&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=18&item=359&items=99&modeTY=2
Study Atthakatha :-
http://84000.org/tipitaka/attha/attha.php?b=18&i=359
The Pali Atthakatha in Thai :-
http://84000.org/tipitaka/atthapali/read_th.php?B=13&A=2962
The Pali Atthakatha in Roman :-
http://84000.org/tipitaka/atthapali/read_rm.php?B=13&A=2962
Contents of The Tipitaka Volume 18
http://84000.org/tipitaka/read/?index_18
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
