[479] Atha kho ayasma anuruddho yena bhagava tenupasankami
.pe. ekamantam nisinno kho ayasma anuruddho bhagavantam etadavoca
idhaham bhante matugamam passami dibbena cakkhuna visuddhena
atikkantamanusakena kayassa bheda param marana sugatim saggam lokam
upapajjantam . katihi nu kho bhante dhammehi samannagato matugamo
kayassa bheda param marana sugatim saggam lokam upapajjatiti .
Pancahi kho anuruddha dhammehi samannagato matugamo kayassa
bheda param marana sugatim saggam lokam upapajjati . katamehi
pancahi . saddho ca hoti hirima ca hoti ottappi ca
hoti akkodhano ca hoti pannava ca hoti . imehi kho
anuruddha pancahi dhammehi samannagato matugamo kayassa
bheda param marana sugatim saggam lokam upapajjati.
[480] Pancahi anuruddha dhammehi samannagato matugamo
kayassa bheda param marana sugatim saggam lokam upapajjati .
Katamehi pancahi . saddho ca hoti hirima ca hoti ottappi ca
hoti anupanahi ca hoti pannava ca hoti . imehi kho anuruddha
pancahi dhammehi samannagato matugamo kayassa bheda
param marana sugatim saggam lokam upapajjati.
[481] Pancahi anuruddha dhammehi samannagato matugamo
kayassa bheda param marana sugatim saggam lokam upapajjati .
Katamehi pancahi . saddho ca hoti hirima ca hoti ottappi ca
hoti anissuki ca hoti pannava ca hoti .pe.
[482] Amacchari ca hoti pannava ca hoti .pe. anaticari
ca hoti pannava ca hoti .pe. silava ca hoti pannava
ca hoti .pe. bahussuto ca hoti pannava ca hoti .pe.
Araddhaviriyo ca hoti pannava ca hoti .pe. upatthitassati
Ca hoti pannava ca hoti . imehi kho anuruddha pancahi dhammehi
samannagato matugamo kayassa bheda param marana sugatim saggam
lokam upapajjatiti. (ime attha suttanta sankhepapi) .pe.
[483] Pancahi anuruddha dhammehi samannagato matugamo
kayassa bheda param marana sugatim saggam lokam upapajjati . katamehi
pancahi . panatipata pativirato ca hoti adinnadana
pativirato ca hoti kamesu micchacara pativirato ca hoti musavada
pativirato ca hoti suramerayamajjapamadatthana pativirato ca hoti .
Imehi kho anuruddha pancahi dhammehi samannagato matugamo
kayassa bheda param marana sugatim saggam lokam upapajjatiti.
Peyyalavaggo samatto.
Tassuddanam
dve manapa amanapa ca avenika tihi anuruddho 1-
kodhano upanahi ca issuki maccharena ca.
Aticari ca dussilam 2- appassuto ca kusito
mutthassati [3]- pancaveram kanhapakkhe pakasito.
Anuruddho akkodhano 4- anupanahi anissuki
amacchari anaticari silava ca bahussuto
viriyasati pancasila ca 5- sukkapakkhe pakasitoti.
---------------
@Footnote: 1 Ma. matugamo puriso ca avenika tidhammo ca . 2 Ma. Yu. dussilo.
@3 Yu. ca. 4 Ma. dutiye ca akkodhano. 5 Ma. viriyam satisila ca.
The Pali Tipitaka in Roman Character Volume 18 page 301-303.
http://84000.org/tipitaka/pitaka_item/roman_item_s.php?book=18&item=479&items=5&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=18&item=479&items=5&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=18&item=479&items=5&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=18&item=479&items=5&modeTY=2
Study Atthakatha :-
http://84000.org/tipitaka/attha/attha.php?b=18&i=479
Contents of The Tipitaka Volume 18
http://84000.org/tipitaka/read/?index_18
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
