paliTIPITAKA Volume 19 - Sutta Pitaka 11

[1172] Ye hi keci bhikkhave atitamaddhanam samana va brahmana va anekavihitam iddhividham paccanubhosum ekopi hutva bahudha ahesum bahudhapi hutva eko ahesum avibhavam tirobhavam tirokuddam tiropakaram tiropabbatam asajjamana agamamsu seyyathapi akase pathaviyampi ummujjanimmujjam akamsu seyyathapi udake udakepi abhijjamane agamamsu seyyathapi pathaviyam akasepi pallankena kamimsu seyyathapi pakkhi sakuno imepi candimasuriye evammahiddhike evammahanubhave panina paramasimsu ^1- parimajjimsu yava brahmalokapi kayena vasam vattesum . sabbe te catunnam iddhipadanam bhavitatta bahulikatatta. {1172.1} Ye hi keci bhikkhave anagatamaddhanam samana va brahmana va anekavihitam iddhividham paccanubhosanti ^2- ekopi hutva bahudha bhavissanti bahudhapi hutva eko bhavissanti avibhavam tirobhavam tirokuddam tiropakaram tiropabbatam asajjamana @Footnote: ¹ Ma. Yu. parimasimsu. ² Ma. Yu. paccanubhossanti.

--------------------------------------------------------------------------------------------- page353.

Gamissanti seyyathapi akase pathaviyampi ummujjanimmujjam karissanti seyyathapi udake udakepi abhijjamane gamissanti seyyathapi pathaviyam akasepi pallankena gamissanti seyyathapi pakkhi sakuno imepi candimasuriye evammahiddhike evammahanubhave panina paramasissanti ^1- parimajjissanti yava brahmalokapi kayena vasam vattessanti . Sabbe te catunnam iddhipadanam bhavitatta bahulikatatta. {1172.2} Ye hi keci bhikkhave etarahi samana va brahmana va anekavihitam iddhividham paccanubhonti ekopi hutva bahudha honti bahudhapi hutva eko honti avibhavam tirobhavam tirokuddam tiropakaram tiropabbatam asajjamana gacchanti seyyathapi akase pathaviyampi ummujjanimmujjam karonti seyyathapi udake udakepi abhijjamane gacchanti seyyathapi pathaviyam akasepi pallankena kamanti seyyathapi pakkhi sakuno imepi candimasuriye evammahiddhike evammahanubhave panina paramasanti ^2- parimajjanti yava brahmalokapi kayena vasam vattenti . sabbe te catunnam iddhipadanam bhavitatta bahulikatatta. Katamesam catunnam . idha bhikkhave bhikkhu chandasamadhipadhanasankharasamannagatam iddhipadam bhaveti . viriyasamadhi cittasamadhi vimamsasamadhipadhanasankhara- samannagatam iddhipadam bhaveti. [1173] Ye hi keci bhikkhave atitamaddhanam samana va brahmana va anekavihitam iddhividham paccanubhosum ekopi hutva bahudha ahesum @Footnote: ¹ Ma. Yu. parimasissanti. ² Ma. Yu. parimasanti.

--------------------------------------------------------------------------------------------- page354.

.pe. Yava brahmalokapi kayena vasam vattesum . sabbe te imesamyeva catunnam iddhipadanam bhavitatta bahulikatatta . Ye hi keci bhikkhave anagatamaddhanam samana va brahmana va anekavihitam iddhividham paccanubhossanti ekopi hutva bahudha bhavissanti .pe. yava brahmalokapi kayena vasam vattessanti ^1-. Sabbe te imesamyeva catunnam iddhipadanam bhavitatta bahulikatatta . Ye hi keci bhikkhave etarahi samana va brahmana va anekavihitam iddhividham paccanubhonti ekopi hutva bahudha honti .pe. yava brahmalokapi kayena vasam vattenti . sabbe te imesamyeva catunnam iddhipadanam bhavitatta bahulikatattati.

The Pali Tipitaka in Roman Character Volume 19 page 352-354. http://84000.org/tipitaka/pitaka_item/roman_item_s.php?book=19&item=1172&items=2&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=1172&items=2&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1172&items=2&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1172&items=2&pagebreak=1&modeTY=2 Study Atthakatha :- http://84000.org/tipitaka/attha/attha.php?b=19&i=1172 Contents of The Tipitaka Volume 19 http://84000.org/tipitaka/read/?index_19