paliTIPITAKA Volume 19 - Sutta Pitaka 11

[1504] Atha kho bhagava seyyathapi nama balava puriso samminjitam va baham pasareyya pasaritam va baham samminjeyya evameva jetavane antarahito devesu tavatimsesu paturahosi . Atha kho sambahula tavatimsakayika devatayo yena bhagava tenupasankamimsu upasankamitva bhagavantam abhivadetva ekamantam atthamsu . ekamantam thita kho ta devatayo bhagava etadavoca [1505] Sadhu kho avuso buddhe aveccappasadena samannagamanam hoti itipi so bhagava .pe. sattha devamanussanam buddho bhagavati . buddhe aveccappasadena samannagamanahetu kho avuso evamidhekacce satta sotapanna avinipatadhamma niyata sambodhiparayana . sadhu kho avuso dhamme sanghe . ariyakantehi silehi samannagamanam hoti akkhandehi .pe. samadhisamvattanikehi . Ariyakantehi silehi samannagamanahetu kho avuso evamidhekacce satta sotapanna avinipatadhamma niyata sambodhiparayanati. [1506] Sadhu kho marisa buddhe aveccappasadena samannagamanam hoti itipi so bhagava .pe. sattha devamanussanam buddho bhagavati . buddhe aveccappasadena samannagamanahetu kho marisa evamayam paja sotapanna avinipatadhamma niyata sambodhiparayana . Sadhu kho marisa dhamme sanghe . ariyakantehi silehi samannagamanam hoti akkhandehi .pe. samadhisamvattanikehi . ariyakantehi silehi samannagamanahetu kho marisa evamayam paja sotapanna avinipatadhamma niyata sambodhiparayanati. Rajakaramavaggo dutiyo. Tassuddanam sahassabrahmana anando duggati apare duve mittenamacca dve vutta tayo ca devacarikati. -----------

The Pali Tipitaka in Roman Character Volume 19 page 460-462. http://84000.org/tipitaka/pitaka_item/roman_item_s.php?book=19&item=1504&items=3&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=1504&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1504&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1504&items=3&modeTY=2 Study Atthakatha :- http://84000.org/tipitaka/attha/attha.php?b=19&i=1504 Contents of The Tipitaka Volume 19 http://84000.org/tipitaka/read/?index_19