paliTIPITAKA Volume 19 - Sutta Pitaka 11

page88.

Oghavaggo terasamo [333] Savatthinidanam . cattarome bhikkhave ogha . Katame cattaro . kamogho bhavogho ditthogho avijjogho. Ime kho bhikkhave cattaro ogha. [334] Imesam kho bhikkhave catunnam oghanam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. (yatha esana evam vittharetabbam). [335] Savatthinidanam . cattarome bhikkhave yoga . Katame cattaro . kamayogo bhavayogo ditthiyogo avijjayogo . ime kho bhikkhave cattaro yoga. [336] Imesam kho bhikkhave catunnam yoganam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. [337] Savatthinidanam . cattarimani bhikkhave upadanani . Katamani cattari . kamupadanam ditthupadanam silabbatupadanam attavadupadanam. Imani kho bhikkhave cattari upadanani. [338] Imesam kho bhikkhave catunnam upadananam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti.

--------------------------------------------------------------------------------------------- page89.

[339] Savatthinidanam . cattarome bhikkhave gantha . Katame cattaro . abhijjha kayagantho byapado kayagantho silabbataparamaso kayagantho idamsaccabhiniveso kayagantho . Ime kho bhikkhave cattaro gantha. [340] Imesam kho bhikkhave catunnam ganthanam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. [341] Savatthinidanam . sattime bhikkhave anusaya . katame satta . kamaraganusayo patighanusayo ditthanusayo vicikicchanusayo mananusayo bhavaraganusayo avijjanusayo . ime kho bhikkhave satta anusaya. [342] Imesam kho bhikkhave sattannam anusayanam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. [343] Savatthinidanam . pancime bhikkhave kamaguna . katame panca . cakkhuvinneyya rupa ittha kanta manapa piyarupa kamupasanhita rajaniya sotavinneyya sadda .pe. Ghanavinneyya gandha . jivhavinneyya rasa . kayavinneyya photthabba ittha kanta manapa piyarupa kamupasanhita rajaniya . Ime kho bhikkhave panca kamaguna.

--------------------------------------------------------------------------------------------- page90.

[344] Imesam kho bhikkhave pancannam kamagunanam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. [345] Savatthinidanam . pancimani bhikkhave nivaranani . Katamani panca . kamacchandanivaranam byapadanivaranam thinamiddhanivaranam uddhaccakukkuccanivaranam vicikicchanivaranam . imani kho bhikkhave panca nivaranani. [346] Imesam kho bhikkhave pancannam nivarananam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. [347] Savatthinidanam . pancime bhikkhave upadanakkhandha . Katame panca . seyyathidam . rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho . Ime kho bhikkhave pancupadanakkhandha. [348] Imesam kho bhikkhave pancannam upadanakkhandhanam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. [349] Savatthinidanam . pancimani bhikkhave orambhagiyani sannojanani . katamani panca . sakkayaditthi vicikiccha silabbataparamaso kamacchando byapado . imani kho bhikkhave

--------------------------------------------------------------------------------------------- page91.

Pancorambhagiyani sannojanani. [350] Imesam kho bhikkhave pancannam orambhagiyanam sannojananam abhinnaya parinnaya parikkhayaya pahanaya .pe. ayam ariyo atthangiko maggo bhavetabboti. [351] Savatthinidanam . pancimani bhikkhave uddhambhagiyani sannojanani . katamani panca . ruparago aruparago mano uddhaccam avijja. Imani kho bhikkhave pancuddhambhagiyani sannojanani. [352] Imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya .pe. ayam ariyo atthangiko maggo bhavetabbo . katamo ariyo atthangiko maggo . idha bhikkhave bhikkhu sammaditthim bhaveti vivekanissitam .pe. sammasamadhim bhaveti vivekanissitam viraganissitam nirodhanissitam vossaggaparinamim . imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya .pe. Ayam ariyo atthangiko maggo bhavetabboti . seyyathapi bhikkhave ganga nadi .pe. [353] Savatthinidanam . pancimani bhikkhave uddhambhagiyani sannojanani . katamani panca . ruparago aruparago mano uddhaccam avijja . imani kho bhikkhave pancuddhambhagiyani sannojanani.

--------------------------------------------------------------------------------------------- page92.

[354] Imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya .pe. ayam ariyo atthangiko maggo bhavetabbo . katamo ariyo atthangiko maggo. Idha bhikkhave bhikkhu sammaditthim bhaveti .pe. sammasamadhim bhaveti ragavinayapariyosanam dosavinayapariyosanam mohavinayapariyosanam . Amatogadham amataparayanam amatapariyosanam . nibbananinnam nibbanaponam nibbanapabbharam . imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya .pe. Ayam ariyo atthangiko maggo bhavetabboti. Oghavaggo. Tassuddanam ogho yogo upadanam gantham anusayena ca kamaguna nivarana ^1- khandha oruddhambhagiyati. ^[2]- Maggasamyuttam samattam ^3-. --------- @Footnote: ¹ Ma. Yu. nivaranam. ² Ma. vagguddanam. @ avijjavaggo pathamo dutiyam viharam vuccati @ micchattam tatiyo vaggo catuttham patipanneneva @ titthiyam pancamo vaggo catasso suriyena ca @ bahukate sattamo vaggo uppado pathamena ca @ divasavaggo navamo dasamo appamadena ca @ ekadasa balavaggo dvadasa esana paliyam. @ oghavaggo bhavati terasati @³ Ma. Yu. pathamam.

The Pali Tipitaka in Roman Character Volume 19 page 88-92. http://84000.org/tipitaka/pitaka_item/roman_item_s.php?book=19&item=333&items=22&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=333&items=22&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=333&items=22&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=333&items=22&pagebreak=1&modeTY=2 Study Atthakatha :- http://84000.org/tipitaka/attha/attha.php?b=19&i=333 The Pali Atthakatha in Thai :- http://84000.org/tipitaka/atthapali/read_th.php?B=13&A=4410 The Pali Atthakatha in Roman :- http://84000.org/tipitaka/atthapali/read_rm.php?B=13&A=4410 Contents of The Tipitaka Volume 19 http://84000.org/tipitaka/read/?index_19