paliTIPITAKA Volume 19 - Sutta Pitaka 11

[787] Ekam samayam ayasma anando rajagahe viharati veluvane kalandakanivape . tena kho pana samayena sirivaddho gahapati abadhiko hoti dukkhito balhagilano . atha kho sirivaddho gahapati annataram purisam amantesi ehi tvam ambho purisa yenayasma anando tenupasankama upasankamitva mama vacanena ayasmato anandassa pade sirasa vanda sirivaddho bhante gahapati abadhiko dukkhito balhagilano so ayasmato anandassa pade sirasa vandatiti evanca vadehi sadhu kira bhante ayasma anando yena sirivaddhassa gahapatissa nivesanam tenupasankamatu anukampam upadayati. {787.1} Evam bhanteti kho so puriso sirivaddhassa gahapatissa patissutva yenayasma anando tenupasankami upasankamitva ayasmantam anandam abhivadetva ekamantam nisidi . ekamantam nisinno kho so puriso ayasmantam anandam etadavoca sirivaddho bhante gahapati abadhiko dukkhito balhagilano so ayasmato anandassa pade sirasa vandati evanca vadeti sadhu kira bhante ayasma anando yena sirivaddhassa gahapatissa nivesanam tenupasankamatu anukampam upadayati . adhivasesi kho ayasma anando tunhibhavena. [788] Atha kho ayasma anando pubbanhasamayam ^1- nivasetva @Footnote: ¹ Yu. ayam patho natthi.

--------------------------------------------------------------------------------------------- page236.

Pattacivaramadaya yena sirivaddhassa gahapatissa nivesanam tenupasankami upasankamitva pannatte asane nisidi . nisajja kho ayasma anando sirivaddham gahapatim etadavoca [789] Kacci te gahapati khamaniyam kacci yapaniyam kacci dukkha vedana patikkamanti no abhikkamanti . patikkamosanam pannayati no abhikkamoti . na me bhante khamaniyam na yapaniyam balha me dukkha vedana abhikkamanti no patikkamanti abhikkamosanam pannayati no patikkamoti. [790] Tasma tiha te gahapati evam sikkhitabbam kaye kayanupassi viharissami atapi sampajano satima vineyya loke abhijjhadomanassam. Vedanasu citte dhammesu dhammanupassi viharissami atapi sampajano satima vineyya loke abhijjhadomanassanti . evanhi te gahapati sikkhitabbanti. [791] Yeme bhante bhagavata cattaro satipatthana desita samvijjanti te dhamma mayi aham ca tesu dhammesu sandissami . Ahanhi bhante kaye kayanupassi viharami atapi sampajano satima vineyya loke abhijjhadomanassam . vedanasu citte dhammesu dhammanupassi viharami atapi sampajano satima vineyya loke abhijjhadomanassam. [792] Yani cimani bhante bhagavata pancorambhagiyani

--------------------------------------------------------------------------------------------- page237.

Sannojanani desitani naham bhante yankinci attani appahinam samanupassamiti . labha te gahapati suladdham te gahapati anagamiphalantaya gahapati byakatanti.

The Pali Tipitaka in Roman Character Volume 19 page 235-237. http://84000.org/tipitaka/pitaka_item/roman_item_s.php?book=19&item=787&items=6&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=787&items=6&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=787&items=6&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=787&items=6&pagebreak=1&modeTY=2 Study Atthakatha :- http://84000.org/tipitaka/attha/attha.php?b=19&i=787 Contents of The Tipitaka Volume 19 http://84000.org/tipitaka/read/?index_19