paliTIPITAKA Volume 20 - Sutta Pitaka 12

[181] Naham bhikkhave annam ekadhammampi samanupassami yena anuppanna va akusala dhamma uppajjanti uppanna va akusala dhamma bhiyyobhavaya vepullaya samvattanti yathayidam bhikkhave micchaditthi micchaditthikassa bhikkhave anuppanna ceva akusala dhamma uppajjanti uppanna ca akusala dhamma bhiyyobhavaya vepullaya samvattantiti. [182] Naham bhikkhave annam ekadhammampi samanupassami yena anuppanna va kusala dhamma uppajjanti uppanna va kusala dhamma bhiyyobhavaya vepullaya samvattanti yathayidam bhikkhave sammaditthi sammaditthikassa bhikkhave anuppanna ceva kusala dhamma uppajjanti uppanna ca kusala dhamma bhiyyobhavaya vepullaya samvattantiti. @Footnote: ^1-2 Ma. anapanassati ... maranassati ... [183] Naham bhikkhave annam ekadhammampi samanupassami yena anuppanna va kusala dhamma nuppajjanti uppanna va kusala dhamma parihayanti yathayidam bhikkhave micchaditthi micchaditthikassa bhikkhave anuppanna ceva kusala dhamma nuppajjanti uppanna ca kusala dhamma parihayantiti. [184] Naham bhikkhave annam ekadhammampi samanupassami yena anuppanna va akusala dhamma nuppajjanti uppanna va akusala dhamma parihayanti yathayidam bhikkhave sammaditthi sammaditthikassa bhikkhave anuppanna ceva akusala dhamma nuppajjanti uppanna ca akusala dhamma parihayantiti. [185] Naham bhikkhave annam ekadhammampi samanupassami yena anuppanna va micchaditthi uppajjati uppanna va micchaditthi pavaddhati yathayidam bhikkhave ayoniso manasikaro ayoniso bhikkhave manasikaroto anuppanna ceva micchaditthi uppajjati uppanna ca micchaditthi pavaddhatiti. [186] Naham bhikkhave annam ekadhammampi samanupassami yena anuppanna va sammaditthi uppajjati uppanna va sammaditthi pavaddhati yathayidam bhikkhave yoniso manasikaro yoniso bhikkhave manasikaroto anuppanna ceva sammaditthi uppajjati uppanna ca sammaditthi pavaddhatiti. [187] Naham bhikkhave annam ekadhammampi samanupassami yenevam ^1- satta kayassa bheda parammarana apayam duggatim vinipatam nirayam upapajjanti yathayidam bhikkhave micchaditthi micchaditthiya bhikkhave samannagata satta kayassa bheda parammarana apayam duggatim vinipatam nirayam upapajjantiti. [188] Naham bhikkhave annam ekadhammampi samanupassami yenevam ^2- satta kayassa bheda parammarana sugatim saggam lokam upapajjanti yathayidam bhikkhave sammaditthi sammaditthiya bhikkhave samannagata satta kayassa bheda parammarana sugatim saggam lokam upapajjantiti ^3-. [189] Micchaditthikassa bhikkhave purisapuggalassa yanceva kayakammam yathaditthisamattam samadinnam yanca vacikammam yathaditthisamattam samadinnam yanca manokammam yathaditthisamattam samadinnam ya ca cetana ya ca patthana yo ca panidhi ye ca sankhara sabbe te dhamma anitthaya akantaya amanapaya ahitaya dukkhaya samvattanti tam kissa hetu ditthi hi ^4- bhikkhave papika . seyyathapi bhikkhave nimbabijam va kosatakibijam va tittakalabubijam va allaya pathaviya nikkhittam yanceva pathavirasam upadiyati yanca aporasam upadiyati sabbantam tittakattaya katukattaya asatattaya samvattati tam kissa hetu bijam hi ^5- bhikkhave papakam evameva kho bhikkhave micchaditthikassa purisapuggalassa yanceva kayakammam yathaditthisamattam samadinnam yanca vacikammam yathaditthisamattam @Footnote:1,2 Ma. evamsaddo natthi. ³ Ma. sabbattha uppajjantiti. 4-5 Ma. hissa. @ito param idisameva. Samadinnam yanca manokammam yathaditthisamattam samadinnam ya ca cetana ya ca patthana yo ca panidhi ye ca sankhara sabbe te dhamma anitthaya akantaya amanapaya ahitaya dukkhaya samvattanti tam kissa hetu ditthi hi bhikkhave papikati. [190] Sammaditthikassa bhikkhave purisapuggalassa yanceva kayakammam yathaditthisamattam samadinnam yanca vacikammam yathaditthisamattam samadinnam yanca manokammam yathaditthisamattam samadinnam ya ca cetana ya ca patthana yo ca panidhi ye ca sankhara sabbe te dhamma itthaya kantaya manapaya hitaya sukhaya samvattanti tam kissa hetu ditthi hi bhikkhave bhaddika . seyyathapi bhikkhave ucchubijam va salibijam va maddikabijam va allaya pathaviya nikkhittam yanceva pathavirasam upadiyati yanca aporasam upadiyati sabbantam madhurattaya satattaya asecanakattaya samvattati tam kissa hetu bijam hi bhikkhave bhaddakam evameva kho bhikkhave sammaditthikassa purisapuggalassa yanceva kayakammam yathaditthisamattam samadinnam yanca vacikammam yathaditthisamattam samadinnam yanca manokammam yathaditthisamattam samadinnam ya ca cetana ya ca patthana yo ca panidhi ye ca sankhara sabbe te dhamma itthaya kantaya manapaya hitaya sukhaya samvattanti tam kissa hetu ditthi hi bhikkhave bhaddikati. Vaggo dutiyo.

The Pali Tipitaka in Roman Character Volume 20 page 40-43. http://84000.org/tipitaka/pitaka_item/roman_item_s.php?book=20&item=181&items=10&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=20&item=181&items=10&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=20&item=181&items=10&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=20&item=181&items=10&modeTY=2 Study Atthakatha :- http://84000.org/tipitaka/attha/attha.php?b=20&i=181 The Pali Atthakatha in Thai :- http://84000.org/tipitaka/atthapali/read_th.php?B=14&A=10079 The Pali Atthakatha in Roman :- http://84000.org/tipitaka/atthapali/read_rm.php?B=14&A=10079 Contents of The Tipitaka Volume 20 http://84000.org/tipitaka/read/?index_20