paliTIPITAKA Volume 22 - Sutta Pitaka 14

[301] 30 Chayimani bhikkhave anuttariyani katamani cha dassananuttariyam savananuttariyam labhanuttariyam sikkhanuttariyam paricariyanuttariyam anussatanuttariyam ^2- . katamanca bhikkhave dassananuttariyam idha bhikkhave ekacco hatthiratanampi dassanaya gacchati assaratanampi dassanaya gacchati maniratanampi dassanaya gacchati uccavacam va pana dassanaya gacchati samanam va brahmanam va micchaditthikam micchapatipannam dassanaya gacchati atthetam bhikkhave dassanam netam natthiti vadami tanca kho etam bhikkhave dassanam hinam gammam pothujjanikam anariyam anatthasanhitam na nibbidaya na viragaya na nirodhaya @Footnote: ¹ Po. dhammam . ² Po. Ma. anussatanuttariyanti. Na upasamaya na abhinnaya na sambodhaya na nibbanaya samvattati yo kho bhikkhave tathagatam va tathagatasavakam va dassanaya gacchati nivitthasaddho nivitthapemo ekantagato abhippasanno etadanuttariyam bhikkhave dassananam sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya yadidam tathagatam va tathagatasavakam va dassanaya gacchati nivitthasaddho nivitthapemo ekantagato abhippasanno idam vuccati bhikkhave dassananuttariyam. Iti dassananuttariyam. {301.1} Savananuttariyanca katham hoti idha bhikkhave ekacco bherisaddampi ^1- savanaya gacchati vinasaddampi ^1- savanaya gacchati gitasaddampi ^1- savanaya gacchati uccavacam ^1- va pana savanaya gacchati samanassa va brahmanassa va micchaditthikassa micchapatipannassa dhammasavanaya gacchati atthetam bhikkhave savanam netam natthiti vadami tanca kho etam bhikkhave savanam hinam gammam pothujjanikam anariyam anatthasanhitam na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yo ca kho bhikkhave tathagatassa va tathagatasavakassa va dhammasavanaya gacchati nivitthasaddho nivitthapemo ekantagato abhippasanno etadanuttariyam bhikkhave savananam sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya yadidam tathagatassa va tathagatasavakassa va dhammasavanaya @Footnote: ¹ Po. saddassapi ... uccavacassa. Gacchati nivitthasaddho nivitthapemo ekantagato abhippasanno idam vuccati bhikkhave savananuttariyam. Iti dassananuttariyam savananuttariyam. {301.2} Labhanuttariyanca katham hoti idha bhikkhave ekacco puttalabhampi labhati daralabhampi labhati dhanalabhampi labhati uccavacam va pana labham labhati samane va brahmane va micchaditthike micchapatipanne saddham patilabhati attheso bhikkhave labho neso natthiti vadami so ca kho eso bhikkhave labho hino gammo pothujjaniko anariyo anatthasanhito na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yo ca kho bhikkhave tathagate va tathagatasavake va saddham patilabhati nivitthasaddho nivitthapemo ekantagato abhippasanno etadanuttariyam bhikkhave labhanam sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya yadidam tathagate va tathagatasavake va saddham patilabhati nivitthasaddho nivitthapemo ekantagato abhippasanno idam vuccati bhikkhave labhanuttariyam . Iti dassananuttariyam savananuttariyam labhanuttariyam. {301.3} Sikkhanuttariyanca katham hoti idha bhikkhave ekacco hatthismimpi sikkhati assasmimpi sikkhati rathasmimpi sikkhati dhanusmimpi sikkhati tharusmimpi sikkhati uccavacam va pana sikkhati samanassa va brahmanassa va micchaditthikassa micchapatipannassa sikkhati atthesa bhikkhave sikkha nesa Natthiti vadami sa ca kho esa bhikkhave sikkha hina gamma pothujjanika anariya anatthasanhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yo ca kho bhikkhave tathagatappavedite dhammavinaye adhisilampi sikkhati adhicittampi sikkhati adhipannampi sikkhati nivitthasaddho nivitthapemo ekantagato abhippasanno etadanuttariyam bhikkhave sikkhanam sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya yadidam tathagatappavedite dhammavinaye adhisilampi sikkhati adhicittampi sikkhati adhipannampi sikkhati nivitthasaddho nivitthapemo ekantagato abhippasanno idam vuccati bhikkhave sikkhanuttariyam. Iti dassananuttariyam savananuttariyam labhanuttariyam sikkhanuttariyam. {301.4} Paricariyanuttariyanca katham hoti idha bhikkhave ekacco khattiyampi paricarati samanampi paricarati brahmanampi paricarati gahapatimpi paricarati uccavacam va pana paricarati samanam va brahmanam va micchaditthikam micchapatipannam paricarati atthesa bhikkhave paricariya nesa natthiti vadami sa ca kho esa bhikkhave paricariya hina gamma pothujjanika anariya anatthasanhita na nibbidaya .pe. na nibbanaya samvattati yo ca kho bhikkhave tathagatam va tathagatasavakam va paricarati nivitthasaddho nivitthapemo ekantagato abhippasanno etadanuttariyam bhikkhave paricariyanam sattanam visuddhiya sokaparidevanam samatikkamaya Dukkhadomanassanam atthangamaya nayassa adhigamaya nibbanassa sacchikiriyaya yadidam tathagatam va tathagatasavakam va paricarati nivitthasaddho nivitthapemo ekantagato abhippasanno idam vuccati bhikkhave paricariyanuttariyam . iti dassananuttariyam savananuttariyam labhanuttariyam sikkhanuttariyam paricariyanuttariyam. {301.5} Anussatanuttariyanca katham hoti idha bhikkhave ekacco puttalabhampi anussarati daralabhampi anussarati dhanalabhampi anussarati uccavacam va pana labham anussarati samanam va brahmanam va micchaditthikam micchapatipannam anussarati atthesa bhikkhave anussati nesa natthiti vadami sa ca kho esa bhikkhave anussati hina gamma pothujjanika anariya anatthasanhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yo ca kho bhikkhave tathagatam va tathagatasavakam va anussarati nivitthasaddho nivitthapemo ekantagato abhippasanno etadanuttariyam bhikkhave anussatinam sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya yadidam tathagatam va tathagatasavakam va anussarati nivitthasaddho nivatthapemo ekantagato abhippasanno idam vuccati bhikkhave anussatanuttariyam. Imani kho bhikkhave cha anuttariyaniti. Dassananuttariyam ^1- laddha savananca anuttaram labhanuttariyam laddha sikkhanuttariye rata upatthita paricariye ^2- bhavayanti anussatim vivekapatisannuttam khemam amatagaminim appamade pamudita nipaka silasamvuta teve kalena paccanti ^3- yattha dukkham nirujjhatiti. Anuttariyavaggo tatiyo. Tassuddanam samako aparihaniyo bhayam himavam ^4- sujjhati kaccano dve ca samaya udayi ^5- anuttariyenati. -------------

The Pali Tipitaka in Roman Character Volume 22 page 363-368. http://84000.org/tipitaka/pitaka_item/roman_item_s.php?book=22&item=301&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=22&item=301&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=301&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=301&items=1&modeTY=2 Study Atthakatha :- http://84000.org/tipitaka/attha/attha.php?b=22&i=301 The Pali Atthakatha in Thai :- http://84000.org/tipitaka/atthapali/read_th.php?B=16&A=2558 The Pali Atthakatha in Roman :- http://84000.org/tipitaka/atthapali/read_rm.php?B=16&A=2558 Contents of The Tipitaka Volume 22 http://84000.org/tipitaka/read/?index_22