paliTIPITAKA Volume 22 - Sutta Pitaka 14

[335] 64 Chayimani bhikkhave tathagatassa tathagatabalani yehi balehi samannagato tathagato asabhanthanam patijanati parisasu sihanadam nadati brahmacakkam pavatteti katamani cha idha bhikkhave tathagato thananca thanato atthananca atthanato yathabhutam pajanati yampi bhikkhave tathagato thananca thanato atthananca atthanato yathabhutam pajanati idampi bhikkhave tathagatassa tathagatabalam hoti yam balam agamma tathagato asabhanthanam patijanati parisasu sihanadam nadati brahmacakkam pavatteti. {335.1} Puna caparam bhikkhave tathagato atitanagatapaccuppannanam kammasamadananam thanaso hetuso vipakam yathabhutam pajanati yampi bhikkhave tathagato atitanagatapaccuppannanam kammasamadananam thanaso hetuso vipakam yathabhutam pajanati idampi bhikkhave tathagatassa tathagatabalam hoti yam balam agamma tathagato asabhanthanam patijanati parisasu sihanadam nadati brahmacakkam pavatteti. {335.2} Puna caparam bhikkhave tathagato jhanavimokkhasamadhisamapattinam sankilesam vodanam vutthanam yathabhutam pajanati yampi bhikkhave tathagato .pe. idampi bhikkhave tathagatassa tathagatabalam hoti yam balam agamma tathagato asabhanthanam patijanati parisasu sihanadam nadati brahmacakkam pavatteti. {335.3} Puna caparam bhikkhave tathagato anekavihitam pubbenivasam anussarati Seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarati yampi bhikkhave tathagato anekavihitam pubbenivasam anussarati seyyathidam ekampi jatim dvepi jatiyo .pe. Iti sakaram sauddesam anekavihitam pubbenivasam anussarati idampi bhikkhave tathagatassa tathagatabalam hoti yam balam agamma tathagato asabhanthanam patijanati parisasu sihanadam nadati brahmacakkam pavatteti. {335.4} Puna caparam bhikkhave tathagato dibbena cakkhuna visuddhena atikkantamanusakena .pe. yathakammupage satte pajanati yampi bhikkhave tathagato dibbena cakkhuna visuddhena atikkantamanusakena .pe. Yathakammupage satte pajanati idampi bhikkhave tathagatassa tathagatabalam hoti yam balam agamma tathagato asabhanthanam patijanati parisasu sihanadam nadati brahmacakkam pavatteti. {335.5} Puna caparam bhikkhave tathagato asavanam khaya anasavancetovimuttim pannavimuttim dittheva dhamme sayam abhinna sacchikatva upasampajja viharati yampi bhikkhave tathagato asavanam khaya .pe. sacchikatva upasampajja viharati idampi bhikkhave tathagatassa tathagatabalam hoti yam balam agamma tathagato asabhanthanam patijanati parisasu sihanadam nadati brahmacakkam pavatteti . imani kho bhikkhave cha tathagatassa tathagatabalani yehi balehi samannagato tathagato asabhanthanam Patijanati parisasu sihanadam nadati brahmacakkam pavatteti . tatra ce bhikkhave pare tathagatam thananca thanato atthananca atthanato yathabhutam nanena upasankamitva panham pucchanti yatha yatha bhikkhave tathagatassa thananca thanato atthananca atthanato yathabhutam nanam viditam tatha tatha tesam tathagato thananca thanato atthananca atthanato yathabhutam nanena panham puttho byakaroti. {335.6} Tatra ce bhikkhave pare tathagatam atitanagatapaccuppannanam kammasamadananam thanaso hetuso vipakam yathabhutam nanena upasankamitva panham pucchanti yatha yatha bhikkhave tathagatassa atitanagatapaccuppannanam kammasamadananam thanaso hetuso vipakam yathabhutam nanam viditam tatha tatha tesam tathagato atitanagatapaccuppannanam kammasamadananam thanaso hetuso vipakam yathabhutam nanena panham puttho byakaroti. {335.7} Tatra ce bhikkhave pare tathagatam jhanavimokkhasamadhisamapattinam sankilesam vodanam vutthanam yathabhutam nanena upasankamitva panham pucchanti yatha yatha bhikkhave tathagatassa jhanavimokkhasamadhisamapattinam sankilesam vodanam vutthanam yathabhutam nanam viditam tatha tatha tesam tathagato jhanavimokkhasamadhisamapattinam sankilesam vodanam vutthanam yathabhutam nanena panham puttho byakaroti. {335.8} Tatra ce bhikkhave pare tathagatam pubbenivasanussatim yathabhutam nanena upasankamitva panham pucchanti yatha yatha bhikkhave tathagatassa pubbenivasanussatim yathabhutam nanam viditam Tatha tatha tesam tathagato pubbenivasanussatim yathabhutam nanena panham puttho byakaroti. {335.9} Tatra ce bhikkhave pare tathagatam sattanam cutupapatam yathabhutam nanena upasankamitva panham pucchanti yatha yatha bhikkhave tathagatassa sattanam cutupapatam yathabhutam nanam viditam tatha tatha tesam tathagato sattanam cutupapatam yathabhutam nanena panham puttho byakaroti. {335.10} Tatra ce bhikkhave pare tathagatam asavanam khayam ^1- yathabhutam nanena upasankamitva panham pucchanti yatha yatha tathagatassa asavanam khayam yathabhutam nanam viditam tatha tatha tesam tathagato asavanam khayam yathabhutam nanena panham puttho byakaroti. {335.11} Tatra bhikkhave yampidam ^2- thananca thanato atthananca atthanato yathabhutam nanam tampi samahitassa vadami no asamahitassa. Yampidam atitanagatapaccuppannanam kammasamadananam thanaso hetuso vipakam yathabhutam nanam tampi samahitassa vadami no asamahitassa . Yampidam bhikkhave ^3- jhanavimokkhasamadhisamapattinam sankilesam vodanam vutthanam yathabhutam nanam tampi samahitassa vadami no asamahitassa . Yampidam bhikkhave ^3- pubbenivasanussatim yathabhutam nanam tampi samahitassa vadami no asamahitassa . yampidam sattanam cutupapatam yathabhutam nanam tampi samahitassa vadami no asamahitassa . Yampidam asavanam khayam yathabhutam nanam tampi samahitassa vadami no asamahitassa. Iti @Footnote: ¹ Ma. Yu. khaya. aparampi evam natabbam. ² Po. yadidam. sabbattha evam idisameva. @³ Ma. Yu. ayam patho natthi. Kho bhikkhave samadhi maggo asamadhi kummaggoti. Mahavaggo pathamo. Tassuddanam sono phagguno chalabhijatiyo asava darukammena ^1- panca passe cittaparayanam udakam nibbedhi cha ima balena vaggoti. -------

The Pali Tipitaka in Roman Character Volume 22 page 467-471. http://84000.org/tipitaka/pitaka_item/roman_item_s.php?book=22&item=335&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=22&item=335&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=335&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=335&items=1&modeTY=2 Study Atthakatha :- http://84000.org/tipitaka/attha/attha.php?b=22&i=335 The Pali Atthakatha in Thai :- http://84000.org/tipitaka/atthapali/read_th.php?B=16&A=3386 The Pali Atthakatha in Roman :- http://84000.org/tipitaka/atthapali/read_rm.php?B=16&A=3386 Contents of The Tipitaka Volume 22 http://84000.org/tipitaka/read/?index_22