บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā
Janussonivaggo dutiyo [156] Tena kho pana samayena janussoni brahmano tadahuposathe sisanhato navam khomayugam nivattho allakusamutthim adaya bhagavato avidure ekamantam thito hoti . Addasa kho bhagava janussonim brahmanam tadahuposathe sisanhatam navam khomayugam nivattham allakusamutthim adaya ekamantam thitam disvana janussonim brahmanam etadavoca kim nu tvam brahmana tadahuposathe sisanhato navam khomayugam nivattho allakusamutthim adaya ekamantam thito kim nu kho ajja brahmanakulassati. Paccorohani bho gotama ajja brahmanakulassati. {156.1} Yathakatham pana brahmana brahmananam paccorohani hotiti . idha bho gotama brahmana tadahuposathe sisanhata navam khomayugam nivattha allena gomayena pathavim opunjitva haritehi kusehi pattharitva antara ca velam antara ca agyagaram seyyam kappenti te tam rattim Tikkhattum paccutthaya panjalika aggim namassanti paccorohama bhavantam paccorohama bhavantanti pahutena ca sappitelena navanitena aggim santappenti tassa ca rattiya accayena panitena khadaniyena bhojaniyena brahmane santappenti evam kho bho gotama brahmananam paccorohani hotiti annatha kho brahmananam paccorohani hoti annatha ca pana ariyassa vinaye paccorohani hotiti yathakatham pana bho gotama ariyassa vinaye paccorohani hoti sadhu vata me bhavam gotamo tatha dhammam desetu yatha ariyassa vinaye paccorohani hotiti. {156.2} Tenahi brahmana sunahi sadhukam manasikarohi bhasissamiti. Evam bhoti kho janussoni brahmano bhagavato paccassosi . bhagava etadavoca idha brahmana ariyasavako iti patisancikkhati panatipatassa kho papako vipako dittheceva dhamme abhisamparayancati so iti patisankhaya panatipatam pajahati panatipata paccorohati adinnadanassa kho papako vipako dittheceva dhamme abhisamparayancati so iti patisankhaya adinnadanam pajahati adinnadana paccorohati kamesu micchacarassa kho papako vipako dittheceva dhamme abhisamparayancati so iti patisankhaya kamesu micchacaram pajahati kamesu micchacara paccorohati {156.3} musavadassa kho papako vipako dittheceva dhamme abhisamparayancati so iti patisankhaya musavadam pajahati musavada paccorohati pisunaya vacaya kho papako vipako dittheceva Dhamme abhisamparayancati so iti patisankhaya pisunam vacam pajahati pisunaya vacaya paccorohati pharusaya vacaya kho papako vipako dittheceva dhamme abhisamparayancati so iti patisankhaya pharusam vacam pajahati pharusaya vacaya paccorohati samphappalapassa kho papako vipako dittheceva dhamme abhisamparayancati so iti patisankhaya samphappalapam pajahati samphappalapa paccorohati {156.4} abhijjhaya kho papako vipako dittheceva dhamme abhisamparayancati so iti patisankhaya abhijjham pajahati abhijjhaya paccorohati byapadassa kho papako vipako dittheceva dhamme abhisamparayancati so iti patisankhaya byapadam pajahati byapada paccorohati micchaditthiya kho papako vipako dittheceva dhamme abhisamparayancati so iti patisankhaya micchaditthim pajahati micchaditthiya paccorohati evam kho brahmana ariyassa vinaye paccorohani hotiti. {156.5} Annatha [1]- bho gotama brahmananam paccorohani hoti annatha ca pana ariyassa vinaye paccorohani hoti imissa ca bho gotama ariyassa vinaye paccorohaniya brahmananam paccorohani kallam nagghati solasim abhikkantam bho gotama .pe. upasakam mam bhavam gotamo dharetu ajjatagge panupetam saranangatanti.The Pali Tipitaka in Roman Character Volume 24 page 267-269. http://84000.org/tipitaka/pitaka_item/roman_item_s.php?book=24&item=156&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=24&item=156&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=156&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=156&items=1&modeTY=2 Study Atthakatha :- http://84000.org/tipitaka/attha/attha.php?b=24&i=156 Contents of The Tipitaka Volume 24 http://84000.org/tipitaka/read/?index_24
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]