paliTIPITAKA Volume 24 - Sutta Pitaka 16

[26] Ekam samayam ayasma mahakaccano avantisu viharati kuraraghare pavatte pabbate . athakho kali upasika kuraragharika ^1- yenayasma mahakaccano tenupasankami upasankamitva ayasmantam mahakaccanam abhivadetva ekamantam nisidi ekamantam nisinna kho kali upasika kuraragharika ayasmantam mahakaccanam etadavoca vuttamidam bhante bhagavata kumaripanhesu atthassa patti hadayassa santi jetvana senam piyasatarupam ekoha ^2- jhayi ^3- sukhamanubodhim tasma janena na karomi sakkhim sakkhi na sampajjati kenaci meti. Imassa nu kho bhante bhagavata sankhittena bhasitassa katham vittharena attho datthabboti . pathavikasinasamapattiparama kho bhagini eke samanabrahmana atthabhinibbattesum yavata kho bhagini pathavikasinasamapattiparamata @Footnote: ¹ Po. Ma. kuragharika . ² Ma. Yu. ekoham. Po. ekaham . ³ Ma. jhayam. Tadabhinnasi bhagava tadabhinnaya bhagava adimaddasa adinavamaddasa nissaranamaddasa maggamaggananadassanamaddasa tassa adidassanahetu adinavadassanahetu nissaranadassanahetu maggamaggananadassanahetu atthassa patti hadayassa santi vidita hoti apokasinasamapattiparama kho bhagini ... Tejokasinasamapattiparama kho bhagini ... Vayokasinasamapattiparama kho bhagini ... Nilakasinasamapattiparama kho bhagini ... Pitakasinasamapattiparama kho bhagini ... Lohitakasinasamapattiparama kho bhagini ... Odatakasinasamapattiparama kho bhagini ... Akasakasinasamapattiparama kho bhagini ... Vinnanakasinasamapattiparama kho bhagini eke samanabrahmana atthabhinibbattesum yavata kho bhagini vinnanakasinasamapattiparamata tadabhinnasi bhagava tadabhinnaya bhagava adimaddasa adinavamaddasa nissaranamaddasa maggamaggananadassanamaddasa tassa adidassanahetu adinavadassanahetu nissaranadassanahetu maggamaggananadassanahetu atthassa patti hadayassa santi vidita hoti iti kho bhagini yantam vuttam bhagavata kumaripanhesu atthassa patti hadayassa santi jetvana senam piyasatarupam ekoha jhayi sukhamanubodhim tasma janena na karomi sakkhim sakkhi na sampajjati kenaci meti. Imassa kho bhagini bhagavata sankhittena bhasitassa evam vittharena attho datthabboti.

The Pali Tipitaka in Roman Character Volume 24 page 49-51. http://84000.org/tipitaka/pitaka_item/roman_item_s.php?book=24&item=26&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=24&item=26&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=26&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=26&items=1&modeTY=2 Study Atthakatha :- http://84000.org/tipitaka/attha/attha.php?b=24&i=26 The Pali Atthakatha in Thai :- http://84000.org/tipitaka/atthapali/read_th.php?B=16&A=7507 The Pali Atthakatha in Roman :- http://84000.org/tipitaka/atthapali/read_rm.php?B=16&A=7507 Contents of The Tipitaka Volume 24 http://84000.org/tipitaka/read/?index_24