[468] |468.270| 2 Samanati bhoti mam 1- vipassi samanati patibujjhasi
samananameva kittesi samani nuna bhavissasi.
|468.271| Vipulam annanca pananca samananam pavecchasi
rohini dani pucchami kena te samana piya.
|468.272| Akammakama alasa paradattupajivino 2-
asamsuka sadhukama kena te samana piya.
|468.273| Cirassam vata mam tata samananam paripucchasi
tesante kittayissami pannasilaparakkamam.
|468.274| Kammakama analasa kammasetthassa karaka
ragadosam pajahanti tena me samana piya.
|468.275| Tini papassa mulani dhunanti sucikarino
sabbapapam pahinesam tena me samana piya.
|468.276| Kayakammam suci nesam vacikammanca tadisam
manokammam suci nesam tena me samana piya.
|468.277| Vimala sankhamuttava suddha santarabahira
punna sukkehi dhammehi 3- tena me samana piya.
|468.278| Bahussuta dhammadhara ariya dhammajivino
attham dhammanca desenti tena me samana piya.
@Footnote: 1 Ma. bhoti supi . 2 Po. Yu. paradatto ... . 3 Ma. Yu. sukkana dhammanam.
|468.279| Bahussuta dhammadhara ariya dhammajivino
ekaggacitta satimanto tena me samana piya.
|468.280| Durangama satimanto mantabhani anuddhata
dukkhassantam pajananti tena me samana piya.
|468.281| Yamha gama pakkamanti na vilokenti kincanam
anapekkhava gacchanti tena me samana piya.
|468.282| Na te sam kotthe osenti 1- na kumbhim na kalopiyam
parinitthitamesana tena me samana piya.
|468.283| Na te hirannam ganhanti na suvannam na rupiyam
paccuppannena yapenti tena me samana piya.
|468.284| Nanakula pabbajita nanajanapadehi ca
annamannam piyayanti tena me samana piya.
|468.285| Atthaya vata no bhoti kule jatasi rohini 2-
saddha buddhe ca dhamme ca sanghe ca tibbagarava.
|468.286| Tuvam hetam pajanasi punnakkhettam anuttaram
amhampi ete samana patigganhanti dakkhinam
|468.287| patitthito hettha yanno vipulo no bhavissati.
Sace bhayasi dukkhassa sace te dukkhamappiyam
|468.288| upehi buddham 3- saranam dhammam sanghanca tadinam
samadiyahi silani tante atthaya hehiti.
@Footnote: 1 Po. Ma. openti . 2 Ma. rohini . 3 Ma. upehi saranam baddham.
|468.289| Upemi buddham 1- saranam dhammam sanghanca tadinam
samadiyami silani tam me atthaya hehiti.
|468.290| Brahmabandhu pure asim so idanimhi brahmano
tevijjo sotthiyo camhi vedagu camhi nhatako.
Rohini.
The Pali Tipitaka in Roman Character Volume 26 page 479-481.
http://84000.org/tipitaka/pitaka_item/roman_item_s.php?book=26&item=468&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=26&item=468&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=26&item=468&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=26&item=468&items=1&modeTY=2
Study Atthakatha :-
http://84000.org/tipitaka/attha/attha.php?b=26&i=468
The Pali Atthakatha in Thai :-
http://84000.org/tipitaka/atthapali/read_th.php?B=34&A=5833
The Pali Atthakatha in Roman :-
http://84000.org/tipitaka/atthapali/read_rm.php?B=34&A=5833
Contents of The Tipitaka Volume 26
http://84000.org/tipitaka/read/?index_26
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
