บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
10 Kukkuṭajātakaṃ [1422] Nāsmase katapāpamhi nāsmase alikavādine nāsmase attatthapaññamhi atisantepi nāsmase. [1423] Bhavanti heke purisā gopipāsikajātikā 1- ghasanti maññe mittāni vācāya na ca kammunā. [1424] Sukkhañjalipaggahitā vācāya paliguṇṭhitā manussapheggū nāside yasmiṃ natthi kataññutā. [1425] Na hi aññoññacittānaṃ 2- itthīnaṃ purisāna vā nānāvikatvā saṃsaggaṃ tādisampi na vissase 3-. @Footnote: 1 Sī. Yu. gopipāsakajātikā . 2 Ma. aññaññacittānaṃ . 3 Ma. ca nāsmase.--------------------------------------------------------------------------------------------- page291.
[1426] Anariyakammaukkantaṃ 1- atthetaṃ 2- sabbaghātinaṃ nisitaṃva paṭicchannaṃ tādisampi na vissase 3-. [1427] Mittavasenidhekacce 4- sākhalyena acetasā vividhehi upāyanti tādisampi na vissase. [1428] Āmisaṃ vā dhanaṃ vāpi yattha passati tādiso dubbhiṃ karoti dummedho tañca hantvāna gacchati. [1429] Mittarūpena bahavo channā sevanti sattavo jahe kāpurise hete kukkuṭo viya senakaṃ. [1430] Yo ca uppatitaṃ atthaṃ khippameva na bujjhati amittavasamanveti pacchāva anutappati. [1431] Yo ca uppatitaṃ atthaṃ khippameva nibodhati muccate sattusambādhā kukkuṭo viya senakā. [1432] Taṃ tādisaṃ kūṭamivoḍḍitaṃ vane adhammikaṃ niccavidhaṃsakārinaṃ ārā vivajjeyya naro vicakkhaṇo senaṃ yathā kukkuṭo vaṃsakānaneti. Kukkuṭajātakaṃ dasamaṃ. -------- @Footnote: 1 Ma. kammamokkantaṃ . 2 Ma. athetaṃ . 3 Ma. ca nāsmase. evamuparipi. @4 mittarūpe idhekaccetipi pāṭho. Sī. Ma. mittarūpenidhekacce.The Pali Tipitaka in Roman Character Volume 27 page 290-291. http://84000.org/tipitaka/pitaka_item/roman_item_s.php?book=27&item=1422&items=11&pagebreak=1 Classified by [Item Number] :- http://84000.org/tipitaka/pitaka_item/roman_item_s.php?book=27&item=1422&items=11&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1422&items=11&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1422&items=11&pagebreak=1 Study Atthakatha :- http://84000.org/tipitaka/attha/attha.php?b=27&i=1422 The Pali Atthakatha in Thai :- http://84000.org/tipitaka/atthapali/read_th.php?B=39&A=9994 The Pali Atthakatha in Roman :- http://84000.org/tipitaka/atthapali/read_rm.php?B=39&A=9994 Contents of The Tipitaka Volume 27 http://84000.org/tipitaka/read/?index_27
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]