TIPITAKA Volume 32 : PALI ROMAN
Sutta Pitaka Vol 24 : Sutta. Khu. Apa(1)

                             Tatiyam gatasannakattherapadanam (313)
     [315] |315.10| Akaseva padam natthi    ambare anilanjase
                       siddhattham jinamaddakkhim          gacchantam tidivanganam 1-.
      |315.11| Anileneritam disva              sammasambuddhacivaram
                       vitti me 2- pahuna tava   disvana gamanam mune 3-.
      |315.12| Catunavute ito kappe          yam sannamalabhim tada
                       duggatim nabhijanami          buddhasannayidam phalam.
      |315.13| Patisambhida catasso          vimokkhapica atthime
                       chalabhinna sacchikata        katam buddhassa sasananti.
@Footnote: 1 Ma. tidivangane. 2 Ma. vitti mamahu tavade. Yu. vitti me tavade jata.
@3 Ma. munim.
        Ittham sudam ayasma gatasannako thero ima gathayo
abhasitthati.
                             Gatasannakattherassa apadanam samattam.
                            Catuttham sattapadumiyattherapadanam (314)
     [316] |316.14| Nadikule vasamaham        nesado nama brahmano
                       sattapattehi pupphehi         sammajjitvana assamam.
      |316.15| Suvannavannam sambuddham      siddhattham lokanayakam
                       disva vanena 1- gacchantam   haso me upapajjatha.
      |316.16| Paccuggantvana sambuddham   lokajettham narasabham
                       assamam atinametva         jalajaggehi okirim.
      |316.17| Catunavute ito kappe          yam pupphamabhipujayim
                       duggatim nabhijanami          buddhapujayidam phalam.
      |316.18| Ito te sattame kappe       caturo padapavara
                       sattaratanasampanna          cakkavatti mahabbala.
      |316.19| Patisambhida catasso          vimokkhapica atthime
                       chalabhinna sacchikata        katam buddhassa sasananti.
        Ittham sudam ayasma sattapadumiyo thero ima gathayo
abhasitthati.
                            Sattapadumiyattherassa apadanam samattam.
@Footnote: 1 Ma. nabhena.


             The Pali Tipitaka in Roman Character Volume 32 page 389-390.
http://84000.org/tipitaka/pitaka_item/roman_item_s.php?book=32&item=315&items=2&modeTY=2
             Classified by [Item Number] :-
http://84000.org/tipitaka/pitaka_item/roman_item_s.php?book=32&item=315&items=2&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=315&items=2&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=315&items=2&modeTY=2
             Study Atthakatha :-
http://84000.org/tipitaka/attha/attha.php?b=32&i=315
             Contents of The Tipitaka Volume 32
http://84000.org/tipitaka/read/?index_32