Tettimso ummapupphiyavaggo
pathamam ummapupphiyattherapadanam (321)
[323] |323.1| Samahitam samapannam siddhatthamaparajitam
samadhina upavittham addasasim 1- naruttamam.
|323.2| Ummapuppham gahetvana buddhassa abhipujayim 2-
sabbe puppha ekasisa uddhamvanta adhomukha.
|323.3| Sucitta viya titthante akase pupphasanthara
tena cittappasadena tusitam upapajjaham.
|323.4| Catunavute ito kappe yam pupphamabhipujayim
duggatim nabhijanami buddhapujayidam phalam.
|323.5| Pancapannasito kappe eko asi mahipati
samantachadano nama cakkavatti mahabbalo.
|323.6| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma ummapupphiyo thero ima gathayo
abhasitthati.
Ummapupphiyattherassa apadanam samattam.
@Footnote: 1 Ma. addasaham. 2 Ma. Yu. abhiropayim.
Dutiyam pulinapujakattherapadanam (322)
[324] |324.7| Kakudham vilasantamva nisabhajaniyam yatha
osadhiva virocantam obhasantam narasabham.
|324.8| Anjalim paggahetvana avandim satthuno aham
sattharam parivannesim sakakammena tosayim 1-.
|324.9| Susuddham pulinam gayham 2- gatamagge samokirim
ucchangena gahetvana vipassissa mahesino.
|324.10| Tato upaddhapulinam vippasannena cetasa
divavihare osincim dipadindassa tadino.
|324.11| Ekanavute ito kappe pulinam yam asinciham
duggatim nabhijanami pulinassa idam phalam.
|324.12| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma pulinapujako thero ima gathayo
abhasitthati.
Pulinapujakattherassa apadanam samattam.
Tatiyam hasajanakattherapadanam (323)
[325] |325.13| Dumagge pamsukulikam 3- laggam disvana satthuno
anjalim paggahetvana bhiyyo uccaritam maya.
@Footnote: 1 Yu. tosito. 2 Ma. Yu. gayha. 3 Ma. pamsukulakam.
|325.14| Durato patidisvana 1- haso me upapajjatha
anjalim paggahetvana bhiyyo cittam pasadayim.
|325.15| Ekanavute ito kappe yam sannamalabhim tada
duggatim nabhijanami buddhasannayidam phalam.
|325.16| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma hasajanako thero ima gathayo
abhasitthati.
Hasajanakattherassa apadanam samattam.
Catuttham yannasamikattherapadanam (324)
[326] |326.17| Jatiya sattavassoham ahosim mantaparagu
kulavamsam 2- adharesim yanno ussapito 3- maya.
|326.18| Cullasitisahassani pasu hannanti me tada
sarasmim 4- hi upanitani yannatthaya upatthita.
|326.19| Ukkamukho pahatthova 5- khadirangarasannibho
udayantova suriyo punnamayeva candima.
|326.20| Siddhattho sabbasiddhattho tilokamahitohito
upagantvana sambuddho idam vacanamabravi.
@Footnote: 1 Ma. durato pana disvana. 2 Ma. kulavattam. 3 Ma. Yu. ussahito.
@4 Ma. Yu. sarathambhupanitani. 5 Yu. pahato va.
|326.21| Ahimsa sabbapananam 1- kumara mama ruccati
theyya ca aticara ca majjapana ca arati.
|326.22| Rati ca samacariyaya bahusaccam katannuta
ditthe dhamme parattha ca dhamma ete pasamsiya.
|326.23| Ete dhamme bhavayitva sabbasattahite rato
buddhe cittam pasadetva bhavehi maggamuttamam.
|326.24| Idam vatvana sabbannu lokajettho narasabho
mamevam anusasitva vehasam uggato gato.
|326.25| Pubbe cittam visodhetva paccha cittam pasadayim
tena cittappasadena tusitam upapajjaham.
|326.26| Catunavute ito kappe yada cittam pasadayim
duggatim nabhijanami buddhasannayidam phalam.
|326.27| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma yannasamiko thero ima gathayo
abhasitthati.
Yannasamikattherassa apadanam samattam.
Pancamam nimittasannakattherapadanam (325)
[327] |327.28| Candabhaganaditire vasami assame aham
suvannamigamaddakkhim carantam vivane 2- aham.
@Footnote: 1 Ma. sabbapaninam. 2 Ma. Yu. vipine.
|327.29| Mige cittam pasadetva lokajettham anussarim
tena cittappasadena anne buddhe anussarim.
|327.30| Abbhatita ca ye buddha vattamana anagata 1-
evameva virocanti migarajava te 2- tayo.
|327.31| Catunavute ito kappe yam sannamalabhim tada
duggatim nabhijanami buddhasannayidam phalam.
|327.32| Sattavise ito kappe eko asi mahipati
arannasatto namena cakkavatti mahabbalo.
|327.33| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma nimittasannako thero ima gathayo
abhasitthati.
Nimittasannakattherassa apadanam samattam.
Chattham annasamsavakattherapadanam (326)
[328] |328.34| Suvannavannam sambuddham gacchantam antarapane
kancanagghiyasankasam battimsavaralakkhanam.
|328.35| Siddhattham sabbasiddhattham anenjam aparajitam
sambuddham atinametva bhojayim tam mahamunim.
@Footnote: 1 Yu. tathagata. 2 Yu. cetaso.
|328.36| Muni karuniko loke obhasayi mamam tada
buddhe cittam pasadetva kappam saggamhi modaham.
|328.37| Catunavute ito kappe yam danamadadim tada
duggatim nabhijanami bhikkhadanassidam phalam.
|328.38| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma annasamsavako thero ima gathayo
abhasitthati.
Annasamsavakattherassa apadanam samattam.
The Pali Tipitaka in Roman Character Volume 32 page 397-402.
http://84000.org/tipitaka/pitaka_item/roman_item_s.php?book=32&item=323&items=6&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=32&item=323&items=6&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=323&items=6&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=323&items=6&modeTY=2
Study Atthakatha :-
http://84000.org/tipitaka/attha/attha.php?b=32&i=323
The Pali Atthakatha in Thai :-
http://84000.org/tipitaka/atthapali/read_th.php?B=50&A=5210
The Pali Atthakatha in Roman :-
http://84000.org/tipitaka/atthapali/read_rm.php?B=50&A=5210
Contents of The Tipitaka Volume 32
http://84000.org/tipitaka/read/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
