Pancamam upasivattherapadanam (405)
[407] |407.100| Himavantassa avidure anomo nama pabbato
assamo sukato mayham pannasala sumapita.
|407.101| Nadi ca sandati tattha supatittha manorama
anupatitthe jayanti padumuppalaka bahu.
|407.102| Pathina pavusa maccha balaja 1- munjarohita
macchakacchapasanchanna nadika sandate tada.
|407.103| Timira pupphita tattha asoka khuddamalaka
punna va giripunna va sampavanti mamassamam.
|407.104| Kutaja pupphita tattha tinasulavanani ca
sala ca salala tattha campaka pupphita bahu.
|407.105| Ajjuna adhimutta 2- ca mahanama ca pupphita
asana madhugandhi ca pupphita te mamassame.
|407.106| Uddalaka patalika yuthika ca piyanguka
bimbijalakasanchanna samanta addhayojanam.
|407.107| Matakara 3- sattaliyo patali sindhuvarita
ankolaka bahu tattha talakuta 4- ca pupphita.
|407.108| Seleyyaka bahu tattha pupphita mama assame
etesu pupphajatesu sobhanti padapa bahu.
@Footnote: 1 Yu. jalaja. 2 Ma. Yu. atimutta. 3 Ma. mataggara . Yu. matanga va
@4 Ma. talakutthi. Yu. talakuttha.
|407.109| Samanta tena gandhena vayate mama assame
haritaka amalaka ambajambu vibhedaka 1-.
|407.110| Kola bhallataka bella pharusakaphalani ca
tinduka ca piyala ca madhuka kasamariyo 2-.
|407.111| Labuja panasa tattha kadali candariphala 3-
ambataka bahu tattha vallikaraphalani ca.
|407.112| Cirasamrasapaka ca 4- phalita mama assame
alaka isimugga ca tato soraphala 5- bahu.
|407.113| Avata pakkabharita milakkhudumbarani ca
pipphali marica tattha nigrodha ca kapitthana.
|407.114| Udumbaraka bahavo kandapakka ca pariyo 6-
ete canne ca bahavo phalita assame mama.
|407.115| Puppharukkhapi bahavo pupphita mama assame
aluva ca kadamba ca bilalitakkalani ca.
|407.116| Alaka talaka ceva vijjanti mama assame
assamassavidure me mahajatassaro ahu.
|407.117| Acchodako sitajalo supatittho manoramo
padumuppala bahu tattha pundarikasamayuta.
|407.118| Mandalakehi sanchanna nanagandhasamirita
gabbham ganhanti paduma anne pupphanti kesari.
@Footnote: 1 Ma. Yu. vibhitaka. 2 Ma. kasumarayo. 3 Ma. badariphala. 4 Ma. bijapurasapariyo.
@Yu. vitapa ca sapaka ca. 5 Ma. modaphala. Yu. coraphala. 6 Ma. kandupanna
@ca hariyo.
|407.119| Opupphapatta titthanti paduma kannika bahu
madhu bhisamha savati khirasappi mulalibhi.
|407.120| Samanta tena gandhena nanagandhasamohita
kumuda ambagandhi ca nayita dissare bahu.
|407.121| Jatassarassanukulam ketaka pupphita bahu
suphulla bandhujiva ca setavari sugandhika.
|407.122| Kumbhila sumsumara 1- ca gahaka tattha jayare
uggahaka ajagara tattha jatassare bahu.
|407.123| Pathina pavusa maccha balaja munjarohita
macchakacchapasanchanna atho sapatakehi 2- ca.
|407.124| Parevata ravihamsa kukkutthaka 3- nadicara
dindibha 4- cakkavaka ca cappaka jivajivaka.
|407.125| Kalandaka ukkusa ca senaka uddhara bahu
kotthaka sukapota ca kulira 5- camara bahu.
|407.126| Kaseniya 6- ca tilaka upajivanti tam saram
siha byaggha ca dipi ca acchakokataracchayo.
|407.127| Vanara kinnara ceva dissanti mama assame
tani gandhani ghayanto bhakkhayanto phalanaham.
|407.128| Gandhodakam pivanto ca vasami mama assame
enimiga varaha ca pasada khuddarupaka.
@Footnote: 1 Ma. susumara. 2 Ma. Yu. papatakahi. 3 Ma. kukkuttha ca. 4 Yu. titibha.
@5 Ma. tuliya. 6 Ma. kareniyo. Yu. kareriyo.
|407.129| Aggika jotika ceva vasanti mama assame
hamsa konca mayura ca sahitapica 1- kokila.
|407.130| Manjarika 2- bahu tattha kosika potthasisaka 3-
pisaca danava ceva kumbhanda rakkhasa bahu.
|407.131| Garula pannaga ceva vasanti mama assame
mahanubhava isayo santacitta samahita.
|407.132| Kamandaludhara sabbe ajinuttaravasino
jatabharabharita ca 4- vasanti mama assame.
|407.133| Yugamattanca pekkhanta nipaka santavuttino
labhalabhena santuttha vasanti mama assame.
|407.134| Vakaciram dhunanta te pothenta 5- jinacammakam
sabalehi upatthaddha gacchanti ambare tada.
|407.135| Navodakam aharanti kattham va aggidarukam
sayanca upasampanna sappatihirassidam phalam.
|407.136| Lohadonim gahetvana vanamajjhe vasanti te
kunjarava mahanaga achambhitava 6- kesari.
|407.137| Anne gacchanti goyanam anne pubbavidehanam 7-
anne ca uttarakurum sakambalamapassita 8-.
|407.138| Tato pindam aharitva paribhunjanti ekato
sabbesam pakkamantanam uggatejana tadinam.
@Footnote: 1 Ma. salikapica. 2 Ma. Yu. majjarika. 3 Yu. potthasisika. 4 Ma. va.
@Yu. te jatabharabharita. 5 Ma. photenta. 6 Ma. Yu. asambhitava. 7 Ma.
@pubbavidehakam. 8 Ma. sakam balamavassita.
Ajinacammasaddena vanam saddayate tada.
|407.139| Edisa te mahavira sissa uggatapa mama
parivuto aham tehi vasami mama assame.
|407.140| Tosita sakakammena vinitapi samagata
aradhayimsu mam ete sakakammabhilasino 1-.
|407.141| Silavanto ca nipaka appamannasu kovida
padumuttaro lokavidu ahutinam patiggaho.
|407.142| Samayam samviditvana upaganchi vinayako
upagantvana sambuddho atapi nipako muni.
|407.143| Pattam paggayha sambuddho bhikkhaya samupagami 2-
upagatam mahaviram jalajuttamanamakam 3-.
|407.144| Tinattharam 4- pannapetva salapupphehi okirim
nisiditvana 5- sambuddham hattho samviggamanaso.
|407.145| Khippam pabbatamaruyha agalum aggahim aham
kumbhamattam gahetvana panasam devagandhikam.
|407.146| Khandhe aropayitvana upaganchim vinayakam
phalam buddhassa datvana agalum anulimpaham.
|407.147| Pasannacitto sumano buddhasettham avandiham
padumuttaro lokavidu ahutinam patiggaho.
@Footnote: 1 Yu. sakakammabhilabhino. 2 Ma. Yu. mamupagami. 3 Ma. Yu. jalajuttamanayakam.
@4 Ma. tinasantharam. 5 Ma. nisadetvana.
|407.148| Isimajjhe nisiditva ima gatha abhasatha
yo ca me phalamagalum 1- asananca adasi me.
|407.149| Tamaham kittayissami sunatha mama bhasato
game va yadivaranne pabbharesu guhasu va.
|407.150| Imassa cittamannaya nibbattissati bhojanam
devaloke manusse va upapanno ayam naro.
|407.151| Bhojanehi ca vatthehi parisantappayissati
upapajjati yam yonim devattam atha manusam.
|407.152| Akkhobbhabhogo hutvana samsarissatiyam naro
timsakappasahassani devaloke ramissati.
|407.153| Sahassakkhattum raja ca cakkavatti bhavissati
ekasattatikkhattunca devarajjam karissati.
|407.154| Padesarajjam vipulam gananato asankhayam
kappasatasahassamhi okkakakulasambhavo.
|407.155| Gotamo nama namena sattha loke bhavissati
tassa dhammesu dayado oraso dhammanimmito.
|407.156| Upasivo nama namena hessati satthusavako
sabbasave parinnaya viharissatinasavo.
|407.157| Suladdhalabho laddho me yoham addakkhi nayakam
tisso vijja anuppatta katam buddhassa sasanam.
@Footnote: 1 Ma. yo me phalanca agarum. Yu. yo me phalancagarunca.
|407.158| Game va yadivaranne pabbharesu guhasu va
mama sankappamannaya bhojanam hoti me sada.
|407.159| Kilesa jhapita mayham bhava sabbe samuhata
nagova bandhanam chetva viharami anasavo.
|407.160| Svagatam vata me asi mama buddhassa santike
tisso vijja anuppatta katam buddhassa sasanam.
|407.161| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma upasivo thero ima gathayo
abhasitthati.
Upasivattherassa apadanam samattam.
The Pali Tipitaka in Roman Character Volume 32 page 544-550.
http://84000.org/tipitaka/pitaka_item/roman_item_s.php?book=32&item=407&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=32&item=407&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=407&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=407&items=1&modeTY=2
Study Atthakatha :-
http://84000.org/tipitaka/attha/attha.php?b=32&i=407
The Pali Atthakatha in Thai :-
http://84000.org/tipitaka/atthapali/read_th.php?B=50&A=5427
The Pali Atthakatha in Roman :-
http://84000.org/tipitaka/atthapali/read_rm.php?B=50&A=5427
Contents of The Tipitaka Volume 32
http://84000.org/tipitaka/read/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
