Dvepannaso phaladayakavaggo
pathamam kuranjiyaphaladayakattherapadanam (511)
[101] |101.1| Migaluddho pure asim vivane vicaram aham
addasam virajam buddham sabbadhammana paragum.
|101.2| Kuranjiyaphalam gayha buddhasetthassadasaham
punnakkhettassa dhirassa 1- pasanno sehi panibhi.
|101.3| Ekattimse ito kappe yam phalam adadim tada
duggatim nabhijanami phaladanassidam phalam.
|101.4| Kilesa jhapita mayham bhava sabbe samuhata
nagova bandhanam chetva viharami anasavo.
|101.5| Svagatam vata me asi mama buddhassa santike
tisso vijja anuppatta katam buddhassa sasanam.
|101.6| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma kuranjiyaphaladayako thero ima gathayo abhasitthati.
Kuranjiyaphaladayakattherassa apadanam samattam.
@Footnote: 1 Ma. tadino. Yu. virassa.
Dutiyam kapitthaphaladayakattherapadanam (512)
[102] |102.7| Suvannavannam sambuddham ahutinam patiggaham
rathiyam patipajjantam kapittham adadim phalam.
|102.8| Ekanavute ito kappe yam phalam adadim tada
duggatim nabhijanami phaladanassidam phalam.
|102.9| Kilesa jhapita mayham bhava sabbe samuhata
nagova bandhanam chetva viharami anasavo.
|102.10| Svagatam vata me asi mama buddhassa santike
tisso vijja anuppatta katam buddhassa sasanam.
|102.11| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma kapitthaphaladayako thero ima gathayo abhasitthati.
Kapitthaphaladayakattherassa apadanam samattam.
Tatiyam kosumbaphaliyattherapadanam 1- (513)
[103] |103.12| Kakudham vilasantamva devadevam narasabham
rathiyam patipajjantam kosumbamadadintada.
|103.13| Ekattimse ito kappe yam phalam adadim tada
duggatim nabhijanami phaladanassidam phalam.
@Footnote: 1 Ma. kosamba....
|103.14| Kilesa jhapita mayham bhava sabbe samuhata
nagova bandhanam chetva viharami anasavo.
|103.15| Svagatam vata me asi mama buddhassa santike
tisso vijja anuppatta katam buddhassa sasanam.
|103.16| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma kosumbaphaliyo thero ima gathayo abhasitthati.
Kosumbaphaliyattherassa apadanam samattam.
Catuttham ketakapupphiyattherapadanam (514)
[104] |104.17| Vinatanadiya 1- tire vihasi purisuttamo
addasam virajam buddham ekaggam susamahitam.
|104.18| Madhugandhassa pupphena ketakassa aham tada
pasannacitto sumano buddhasetthassa pujayim.
|104.19| Ekanavute ito kappe yam puppham abhipujayim
duggatim nabhijanami buddhapujayidam phalam.
|104.20| Kilesa jhapita mayham bhava sabbe samuhata
nagova bandhanam chetva viharami anasavo.
|104.21| Svagatam vata me asi mama buddhassa santike
@Footnote: 1 Yu. vitthaya nadiya.
Tisso vijja anuppatta katam buddhassa sasanam.
|104.22| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma ketakapupphiyo thero ima gathayo abhasitthati.
Ketakapupphiyattherassa apadanam samattam.
Pancamam nagapupphiyattherapadanam (515)
[105] |105.23| Suvannavannam sambuddham ahutinam patiggaham
rathiyam patipajjantam nagapuppham apujayim.
|105.24| Ekanavute ito kappe yam pupphamabhipujayim
duggatim nabhijanami buddhapujayidam phalam.
|105.25| Kilesa jhapita mayham bhava sabbe samuhata
nagova bandhanam chetva viharami anasavo.
|105.26| Svagatam vata me asi mama buddhassa santike
tisso vijja anuppatta katam buddhassa sasanam.
|105.27| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma nagapupphiyo thero ima gathayo abhasitthati.
Nagapupphiyattherassa apadanam samattam.
Chattham ajjunapupphiyattherapadanam (516)
[106] |106.28| Candabhaganaditire ahosim kinnaro tada
addasam virajam buddham sayambhum aparajitam.
|106.29| Pasannacitto sumano vedajato katanjali
gahetva ajjunapuppham sayambhum abhipujayim.
|106.30| Tena kammena sukatena cetanapanidhihi ca
jahitva kinnaram deham tavatimsam aganchaham.
|106.31| Chattimsakkhattum devindo devarajjamakarayim
dasakkhattum cakkavatti maharajjamakarayim.
|106.32| Padesarajjam vipulam gananato asankhayam
sukhette 1- vappitam vijam sayambhusmim ahosi 2- me.
|106.33| Kusalam vijjate mayham pabbajim anagariyam
pujaraho aham ajja sakyaputtassa sasane.
|106.34| Kilesa jhapita mayham bhava sabbe samuhata
nagova bandhanam chetva viharami anasavo.
|106.35| Svagatam vata me asi mama buddhassa santike
tisso vijja anuppatta katam buddhassa sasanam.
|106.36| Patisambhida catasso vimokkhapica atthime
chalabhinna sacchikata katam buddhassa sasananti.
@Footnote: 1 Yu. sukhetteva phitam bijam. 2 Ma. Yu. aho mamam.
Ittham sudam ayasma ajjunapupphiyo thero ima gathayo abhasitthati.
Ajjunapupphiyattherassa apadanam samattam.
Sattamam kutajapupphiyattherapadanam (517)
[107] |107.37| Himavantassa avidure accalo 1- nama pabbato
buddho sudassano nama vasanto 2- pabbatantare.
|107.38| Puppham hemavantam gayha vehasam agamasaham
tatthaddasasim sambuddham oghatinnamanasavam.
|107.39| Puppham kutajamadaya sire katvanahantada 3-
buddhassa abhiropesim sayambhussa mahesino.
|107.40| Ekattimse ito kappe yam pupphamabhipujayim
duggatim nabhijanami buddhapujayidam phalam.
|107.41| Kilesa jhapita mayham bhava sabbe samuhata
nagova bandhanam chetva viharami anasavo.
|107.42| Svagatam vata me asi mama buddhassa santike
tisso vijja anuppatta katam buddhassa sasanam.
|107.43| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma kutajapupphiyo thero ima gathayo abhasitthati.
Kutajapupphiyattherassa apadanam samattam.
@Footnote: 1 Ma. vasalo. Yu. cavalo. 2 Ma. Yu. vasate. 3 Ma. ... katvana anjalim.
Atthamam ghosasannakattherapadanam (518)
[108] |108.44| Migaluddho pure asim aranne vivane aham
addasam virajam buddham devasanghapurakkhatam.
|108.45| Catusaccam pakasentam desentam amatampadam
assosim madhuram dhammam sikhino lokabandhuno.
|108.46| Ghose cittam pasadesim asamappatipuggale 1-
tattha cittam pasadetva uttarim duttaram bhavam.
|108.47| Ekattimse ito kappe yam sannamalabhim tada
duggatim nabhijanami ghosasannayidam phalam.
|108.48| Kilesa jhapita mayham bhava sabbe samuhata
nagova bandhanam chetva viharami anasavo.
|108.49| Svagatam vata me asi mama buddhassa santike
tisso vijja anuppatta katam buddhassa sasanam.
|108.50| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma ghosasannako thero ima gathayo abhasitthati.
Ghosasannakattherassa apadanam samattam.
@Footnote: 1 Yu. asamappatipuggalam.
Navamam sabbaphaladayakattherapadanam (519)
[109] |109.51| Varuno nama namena brahmano mantaparagu
chaddetva dasa puttani vanamajjhogahim tada.
|109.52| Assamam sukatam katva suvibhattam manoramam
pannasalam karitvana vasami pavane aham.
|109.53| Padumuttaro lokavidu ahutinam patiggaho
mamuddharitukamo so aganchi mama assamam.
|109.54| Yavata vanasandamhi obhaso vipulo ahu
buddhassa anubhavena pajjali pavanam tada.
|109.55| Disvana patihiriyam 1- buddhasetthassa tadino
pattaputam gahetvana phalena purayim aham.
|109.56| Upagantvana sambuddham saha 2- kharimadasaham
anukampaya me buddho idam vacanamabravi.
|109.57| Kharibharam gahetvana pacchato ehi me tuvam
paribhutteva 3- sanghamhi punnam 4- tava bhavissati.
|109.58| Putakantam gahetvana bhikkhusanghassadasaham
tattha cittam pasadetva tusitam upapajjaham.
|109.59| Tattha dibbehi naccehi gitehi vaditehi ca
punnakammena samyutto 5- anubhomi yasam 6- aham.
@Footnote: 1 Ma. ...tam patihiram. Yu. disvanaham patihiram. 2 Yu. sakharikam adasaham.
@3 Ma. Yu. ... ca. 4 Yu. punnam tamva. 5 Ma. samyuttam. 6 Ma. sada sukham.
|109.60| Yam yam yonupapajjami devattam atha manusam
bhoge me unata natthi phaladanassidam phalam.
|109.61| Yavata caturo dipa sasamudda sapabbata
phalam buddhassa datvana issaram karayim 1- aham.
|109.62| Yavata ye pakkhigana akase upatanti ce 2-
tepi mam vasamanventi phaladanassidam phalam.
|109.63| Yavata vanasandamhi yakkha bhuta ca rakkhasa
kumbhanda garula capi pacariyam 3- upenti me.
|109.64| Kumma 4- sona madhukara damsa ca makasa ubho
tepi mam vasamanventi phaladanassidam phalam.
|109.65| Supanna nama sakuna pakkhijata mahabbala
tepi mam saranam yanti phaladanassidam phalam.
|109.66| Yepi dighayuka naga iddhimanto mahayasa
tepi mam vasamanventi phaladanassidam phalam.
|109.67| Siha byaggha ca dipi ca acchakokataracchaka
tepi mam vasamanventi phaladanassidam phalam.
|109.68| Osadhitinavasi ca ye ca akasavasino
sabbe mam saranam yanti phaladanassidam phalam.
|109.69| Sududdasam sunipunam gambhiram supakasitam
phussayitva 5- viharami phaladanassidam phalam.
@Footnote: 1 Ma. Yu. karayamaham. 2 Yu. te. 3 Ma. Yu. paricariyam. 4 Yu. kumbhasona.
@5 Po. Ma. phassayitva. Yu. passitvana.
|109.70| Vimokkhe attha phussitva viharami anasavo
atapi nipako capi 1- phaladanassidam phalam.
|109.71| Ye phalattha buddhaputta khinadosa mahayasa
aham annataro tesam phaladanassidam phalam.
|109.72| Abhinnaparamim gantva sukkamulena codito
sabbasave parinnaya viharami anasavo.
|109.73| Tevijja iddhipatta ca buddhaputta mahayasa
dibbasotasamapanna tesam annataro aham.
|109.74| Satasahasse ito kappe yam phalam adadim tada
duggatim nabhijanami phaladanassidam phalam.
|109.75| Kilesa jhapita mayham bhava sabbe samuhata
nagova bandhanam chetva viharami anasavo.
|109.76| Svagatam vata me asi mama buddhassa santike
tisso vijja anuppatta katam buddhassa sasanam.
|109.77| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma sabbaphaladayako thero ima gathayo abhasitthati.
Sabbaphaladayakattherassa apadanam samattam.
@Footnote: 1 Ma. Yu. caham.
Dasamam padumadhariyattherapadanam (520)
[110] |110.78| Himavantassa avidure romaso nama pabbato
buddhobhisambhavo nama abbhokase vasi 1- tada.
|110.79| Bhavana nikkhamitvana padumam dharayim aham
ekaham dharayitvana bhavanam punaragamim.
|110.80| Ekatimse ito kappe yam buddhamabhipujayim
duggatim nabhijanami buddhapujayidam phalam.
|110.81| Kilesa jhapita mayham bhava sabbe samuhata
nagova bandhanam chetva viharami anasavo.
|110.82| Svagatam vata me asi mama buddhassa santike
tisso vijja anuppatta katam buddhassa sasanam.
|110.83| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma padumadhariyo thero ima gathayo abhasitthati.
Padumadhariyattherassa apadanam samattam.
Uddanam
kuranjiyam kapitthanca kosumbam atha ketakam
nagapupphajjunanceva kutaji ghosasannako.
@Footnote: 1 Ma. Yu. sabbattha vasi.
Thero ca sabbaphalado tatha padumadhariyo
asiti cetthe gathayo tisso gatha taduttari.
Phaladayakavaggo dvepannaso.
-----------
The Pali Tipitaka in Roman Character Volume 33 page 152-163.
http://84000.org/tipitaka/pitaka_item/roman_item_s.php?book=33&item=101&items=10&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=33&item=101&items=10&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=101&items=10&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=101&items=10&modeTY=2
Study Atthakatha :-
http://84000.org/tipitaka/attha/attha.php?b=33&i=101
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
