paliTIPITAKA Volume 42 - Abhidhamma Pitaka 9

Nahetusahetukadukaṃ [130] Nahetuṃ sahetukaṃ dhammaṃ paṭicca nahetu sahetuko dhammo uppajjati hetupaccayā: nahetuṃ sahetukaṃ ekaṃ khandhaṃ paṭicca tayo khandhā dve khandhe ... Paṭisandhikkhaṇe nahetuṃ sahetukaṃ .... Nahetuṃ sahetukaṃ dhammaṃ paṭicca nahetu ahetuko dhammo uppajjati hetupaccayā: nahetū sahetuke khandhe paṭicca cittasamuṭṭhānaṃ rūpaṃ paṭisandhikkhaṇe .... Nahetuṃ sahetukaṃ dhammaṃ paṭicca nahetu sahetuko ca nahetu ahetuko ca dhammā uppajjanti hetupaccayā: nahetuṃ sahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... Paṭisandhikkhaṇe .... {130.1} Nahetuṃ ahetukaṃ dhammaṃ paṭicca nahetu ahetuko dhammo uppajjati hetupaccayā: .pe. ekaṃ mahābhūtaṃ paṭicca tayo mahābhūtā mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ . Nahetuṃ ahetukaṃ dhammaṃ paṭicca nahetu sahetuko dhammo uppajjati hetupaccayā: paṭisandhikkhaṇe vatthuṃ paṭicca nahetū sahetukā khandhā . Nahetuṃ ahetukaṃ dhammaṃ paṭicca nahetu sahetuko ca nahetu ahetukoca dhammā uppajjanti hetupaccayā: paṭisandhikkhaṇe vatthuṃ paṭicca nahetū sahetukā khandhā mahābhūte paṭicca kaṭattārūpaṃ upādārūpaṃ. {130.2} Nahetuṃ sahetukaṃ ca nahetuṃ ahetukaṃ ca dhammaṃ paṭicca nahetu sahetuko dhammo uppajjati hetupaccayā: paṭisandhikkhaṇe nahetuṃ sahetukaṃ ekaṃ Khandhañca vatthuñca paṭicca tayo khandhā dve khandhe .... Nahetuṃ sahetukañca nahetuṃ ahetukañca dhammaṃ paṭicca nahetu ahetuko dhammo uppajjati hetupaccayā: nahetū sahetuke khandhe ca mahābhūte ca paṭicca cittasamuṭṭhānaṃ rūpaṃ paṭisandhikkhaṇe ... . nahetuṃ sahetukañca nahetuṃ ahetukañca dhammaṃ paṭicca nahetu sahetuko ca nahetu ahetuko ca dhammā uppajjanti hetupaccayā: paṭisandhikkhaṇe nahetuṃ sahetukaṃ ekaṃ khandhañca vatthuñca paṭicca tayo khandhā dve khandhe ... Nahetū sahetuke khandhe ca mahābhūte ca paṭicca kaṭattārūpaṃ upādārūpaṃ.

The Pali Tipitaka in Roman Character Volume 42 page 81-82. http://84000.org/tipitaka/pitaka_item/roman_item_s.php?book=42&item=130&items=1 Classified by [Item Number] :- http://84000.org/tipitaka/pitaka_item/roman_item_s.php?book=42&item=130&items=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=42&item=130&items=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=42&item=130&items=1 Study Atthakatha :- http://84000.org/tipitaka/attha/attha.php?b=42&i=130 Contents of The Tipitaka Volume 42 http://84000.org/tipitaka/read/?index_42