paliTIPITAKA Volume 42 - Abhidhamma Pitaka 9

Pañhāvāro [145] Nahetu sahetuko dhammo nahetu sahetukassa dhammassa ārammaṇapaccayena paccayo: dānaṃ ... sīlaṃ ... uposathakammaṃ ... Taṃ paccavekkhanti pubbe suciṇṇāni paccavekkhanti jhānaṃ ... ariyā maggā vuṭṭhahitvā maggaṃ paccavekkhanti phalaṃ paccavekkhanti pahīne kilese ... vikkhambhite kilese ... Pubbe ... Nahetū sahetuke khandhe aniccato ... domanassaṃ uppajjati kusalākusale niruddhe nahetu sahetuko vipāko tadārammaṇatā uppajjati cetopariyañāṇena Nahetu sahetukacittasamaṅgissa cittaṃ jānāti ākāsānañcāyatanaṃ viññāṇañcāyatanassa ākiñcaññāyatanaṃ nevasaññānāsaññāyatanassa nahetū sahetukā khandhā iddhividhañāṇassa cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa ārammaṇapaccayena paccayo nahetū sahetuke khandhe ārabbha nahetū sahetukā khandhā uppajjanti. {145.1} Nahetu sahetuko dhammo nahetu ahetukassa dhammassa ārammaṇapaccayena paccayo: nahetū sahetuke khandhe aniccato ... Domanassaṃ uppajjati kusalākusale niruddhe nahetu ahetuko vipāko tadārammaṇatā uppajjati nahetū sahetuke khandhe ārabbha nahetū ahetukā khandhā uppajjanti . nahetu ahetuko dhammo nahetu ahetukassa dhammassa ārammaṇapaccayena paccayo: nibbānaṃ āvajjanāya ārammaṇapaccayena paccayo cakkhuṃ ... vatthuṃ ... nahetū ahetuke khandhe aniccato ... domanassaṃ uppajjati kusalākusale niruddhe nahetu ahetuko vipāko tadārammaṇatā uppajjati rūpāyatanaṃ cakkhuviññāṇassa phoṭṭhabbāyatanaṃ kāyaviññāṇassa ārammaṇapaccayena paccayo nahetū ahetuke khandhe ārabbha nahetū ahetukā khandhā uppajjanti. {145.2} Nahetu ahetuko dhammo nahetu sahetukassa dhammassa ārammaṇapaccayena paccayo: ariyā nibbānaṃ paccavekkhanti nibbānaṃ gotrabhussa vodānassa maggassa phalassa ārammaṇapaccayena paccayo cakkhuṃ ... vatthuṃ ... nahetū ahetuke khandhe Aniccato ... domanassaṃ uppajjati kusalākusale niruddhe nahetu sahetuko vipāko tadārammaṇatā uppajjati dibbena cakkhunā rūpaṃ passati dibbāya sotadhātuyā saddaṃ suṇāti cetopariyañāṇena nahetu ahetukacittasamaṅgissa cittaṃ jānāti nahetū ahetukā khandhā iddhividhañāṇassa cetopariyañāṇassa pubbenivāsānussatiñāṇassa anāgataṃsañāṇassa ārammaṇapaccayena paccayo nahetū ahetuke khandhe ārabbha nahetū sahetukā khandhā uppajjanti.

The Pali Tipitaka in Roman Character Volume 42 page 86-88. http://84000.org/tipitaka/pitaka_item/roman_item_s.php?book=42&item=145&items=1 Classified by [Item Number] :- http://84000.org/tipitaka/pitaka_item/roman_item_s.php?book=42&item=145&items=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=42&item=145&items=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=42&item=145&items=1 Study Atthakatha :- http://84000.org/tipitaka/attha/attha.php?b=42&i=145 Contents of The Tipitaka Volume 42 http://84000.org/tipitaka/read/?index_42