paliTIPITAKA Volume 5 - Vinaya Pitaka 5

[164] Tena kho pana samayena annataro bhikkhu eko vassam vasi . tattha manussa sanghassa demati civarani adamsu . athakho tassa bhikkhuno etadahosi bhagavata pannattam catuvaggo pacchimo sanghoti ahancamhi ekako ime ca manussa sanghassa demati civarani adamsu yannunaham imani sanghikani civarani savatthim hareyyanti . athakho so bhikkhu tani civarani adaya savatthim gantva bhagavato etamattham arocesi . Tuyheva bhikkhu tani civarani yava kathinassa ubbharayati . idha pana bhikkhave bhikkhu eko vassam vasati . tattha manussa sanghassa demati civarani denti . anujanami bhikkhave tasseva tani civarani yava kathinassa ubbharayati. {164.1} Tena kho pana samayena annataro bhikkhu utukalam eko vasi . tattha manussa sanghassa demati civarani adamsu . Athakho tassa bhikkhuno etadahosi bhagavata pannattam catuvaggo pacchimo sanghoti ahancamhi ekako ime ca manussa sanghassa demati civarani adamsu yannunaham imani sanghikani civarani savatthim hareyyanti . athakho so bhikkhu tani civarani adaya savatthim gantva bhikkhunam etamattham arocesi . bhikkhu bhagavato etamattham arocesum . anujanami Bhikkhave sammukhibhutena sanghena bhajetum . idha pana bhikkhave bhikkhu utukalam eko vasati . tattha manussa sanghassa demati civarani denti . anujanami bhikkhave tena bhikkhuna tani civarani adhitthatum mayhimani civaraniti . tassa ce bhikkhave bhikkhuno tam civaram anadhitthite anno bhikkhu agacchati samako databbo bhago tehi ce bhikkhave bhikkhuhi tam civaram bhajiyamane apatite kuse anno bhikkhu agacchati samako databbo bhago tehi ce bhikkhave bhikkhuhi tam civaram bhajiyamane patite kuse anno bhikkhu agacchati nakama databbo bhagoti. {164.2} Tena kho pana samayena dve bhatuka ^1- thera ayasma ca isidaso ayasma ca isibhatto savatthiyam vassam vuttha annataram gamakavasam agamamsu . manussa cirassapi thera agatati sacivarani bhattani adamsu . avasika bhikkhu there pucchimsu imani bhante sanghikani civarani there agamma uppannani sadiyissanti thera bhaganti. Thera evamahamsu yatha kho mayam avuso bhagavata dhammam desitam ajanama tumhakamyeva tani civarani yava kathinassa ubbharayati. {164.3} Tena kho pana samayena tayo bhikkhu rajagahe vassam vasanti. Tattha manussa sanghassa demati civarani denti . athakho tesam bhikkhunam etadahosi bhagava pannattam catuvaggo pacchimo sanghoti mayancamha ^2- tayo jana ime ca manussa sanghassa demati @Footnote: ¹ Ma. bhatika. ² Po. Ma. Yu. mayancamha. Civarani denti katham nu kho amhehi patipajjitabbanti . tena kho pana samayena sambahula thera ayasma ca nilavasi ^1- ayasma ca sanavasi ayasma ca gopako ayasma ca bhagu ayasma ca phalikasandano pataliputte viharanti kukkutarame . athakho te bhikkhu pataliputtam gantva there pucchimsu . thera evamahamsu yatha kho mayam avuso bhagavata dhammam desitam ajanama tumhakamyeva tani civarani yava kathinassa ubbharayati.

The Pali Tipitaka in Roman Character Volume 5 page 222-224. http://84000.org/tipitaka/pitaka_item/roman_item_s.php?book=5&item=164&items=1&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=5&item=164&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=164&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=164&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=5&i=164 The Pali Atthakatha in Thai :- http://84000.org/tipitaka/atthapali/read_th.php?B=3&A=4940 The Pali Atthakatha in Roman :- http://84000.org/tipitaka/atthapali/read_rm.php?B=3&A=4940 Contents of The Tipitaka Volume 5 http://84000.org/tipitaka/read/?index_5