ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
                      Campeyyakkhandhakam
     [174]  Tena  samayena  buddho  bhagava  campayam  viharati  gaggaraya
pokkharaniya   tire   .   tena   kho   pana  samayena  kasisu  janapadesu
vasabhagamo    nama   hoti   .   tattha   kassapagotto   nama   bhikkhu
avasiko   hoti   tantibaddho   ussukkam   apanno   kinti   anagata
ca   pesala  bhikkhu  agaccheyyum  agata  ca  pesala  bhikkhu  phasum  1-
vihareyyum   ayanca   avaso  vuddhim  virulhim  vepullam  apajjeyyati .
Tena   kho   pana   samayena   sambahula  bhikkhu  kasisu  carikam  caramana
yena   vasabhagamo   tadavasarimsu   2-   .   addasa  kho  kassapagotto
bhikkhu   te   bhikkhu  durato  va  agacchante  disvana  asanam  pannapesi
padodakam    padapitham   padakathalikam   upanikkhipi   paccuggantva   pattacivaram
patiggahesi   paniyena   apucchi   nahane   ussukkam   akasi  ussukkampi
akasi yaguya khadaniye bhattasmim.
     {174.1}  Athakho  tesam  agantukanam  bhikkhunam  etadahosi  bhaddako
kho  ayam  avuso  avasiko  bhikkhu  nahane  ussukkam  karoti  ussukkampi
karoti   yaguya   khadaniye   bhattasmim   handa   mayam   avuso   idheva
vasabhagame   nivasam   kappemati   .   athakho   te  agantuka  bhikkhu
tattheva vasabhagame nivasam kappesum.
     {174.2}   Athakho  kassapagottassa  bhikkhuno  etadahosi  yo  kho
@Footnote: 1 Po. Ma. Yu. phasu. 2 Ma. Yu. tadavasarum.
Imesam    agantukanam    bhikkhunam   agantukakilamatho   so   patippassaddho
yepime    gocare    appakatannuno   tedanime   gocare   pakatannuno
dukkaram   kho   pana   parakulesu   yavajivam   ussukkam   katum  vinnatti  ca
manussanam    amanapa    yannunaham    na   ussukkam   kareyyam   yaguya
khadaniye   bhattasminti   .  so  na  ussukkam  akasi  yaguya  khadaniye
bhattasmim   .   athakho   tesam   agantukanam   bhikkhunam  etadahosi  pubbe
khvayam  avuso  avasiko  bhikkhu  nahane  ussukkam  karoti 1- ussukkampi
karoti  2-  yaguya  khadaniye  bhattasmim  sodanayam  na  ussukkam  karoti
yaguya    khadaniye    bhattasmim    dutthodanayam   avuso   avasiko
bhikkhu handa mayam avuso imam 3- avasikam bhikkhum ukkhipamati.
     {174.3}  Athakho  te  agantuka  bhikkhu  sannipatitva kassapagottam
bhikkhum   etadavocum   pubbe  kho  tvam  avuso  nahane  ussukkam  karosi
ussukkampi   karosi   yaguya   khadaniye   bhattasmim   sodani   tvam   na
ussukkam   karosi   yaguya   khadaniye   bhattasmim  apattim  tvam  avuso
apanno   passasetam   apattinti   .   natthi   me   avuso  apatti
yamaham   passeyyanti   .   athakho   te   agantuka  bhikkhu  kassapagottam
bhikkhum apattiya adassane ukkhipimsu.
     {174.4}     Athakho    kassapagottassa    bhikkhuno    etadahosi
aham    kho   etam   na   janami   apatti   va   esa   anapatti
va      apanno      camhi      anapanno      va     ukkhitto
@Footnote: 1-2 Ma. Yu. akasi. 3 Si. Ma. Yu. ayam patho na hoti.
Camhi   anukkhitto   va   dhammikena   va   adhammikena   va   kuppena
va   akuppena   va   thanarahena  va  atthanarahena  va  yannunaham
campam    gantva    bhagavantam    etamattham    puccheyyanti    .   athakho
kassapagotto     bhikkhu     senasanam    samsametva    pattacivaramadaya
yena   campa   tena   pakkami  anupubbena  yena  campa  yena  bhagava
tenupasankami     upasankamitva     bhagavantam    abhivadetva    ekamantam
nisidi   .   acinnam   kho   panetam   buddhanam   bhagavantanam  agantukehi
bhikkhuhi saddhim patisammoditum.
     {174.5}    Athakho    bhagava   kassapagottam   bhikkhum   etadavoca
kacci   bhikkhu  khamaniyam  kacci  yapaniyam  kaccisi  1-  appakilamathena  addhanam
agato   kuto   ca  tvam  bhikkhu  agacchasiti  .  khamaniyam  bhagava  yapaniyam
bhagava   appakilamathena   caham   bhante   addhanam  agato  atthi  bhante
kasisu   janapadesu   vasabhagamo   nama   tatthaham   [2]-   avasiko
tantibaddho   ussukkam   apanno   kinti   anagata   ca  pesala  bhikkhu
agaccheyyum   agata   ca   pesala   bhikkhu   phasum   vihareyyum  ayanca
avaso    vuddhim   virulhim   vepullam   apajjeyyati   athakho   bhante
sambahula    bhikkhu    kasisu    carikam   caramana   yena   vasabhagamo
tadavasarimsu  3-  addasam  kho  aham  bhante  te  bhikkhu durato va agacchante
disvana     asanam    pannapesim    padodakam    padapitham    padakathalikam
upanikkhipim    paccuggantva   pattacivaram   patiggahesim   paniyena   apucchim
nahane    ussukkam    akasim   ussukkampi   akasim   yaguya   khadaniye
@Footnote: 1 Po. Ma. Yu. kacci. 2 Ma. Yu. bhagava. 3 Ma. Yu. tadavasarum.
Bhattasmim    athakho    tesam   bhante   agantukanam   bhikkhunam   etadahosi
bhaddako   kho  ayam  avuso  avasiko  bhikkhu  nahane  ussukkam  karoti
ussukkampi   karoti   yaguya   khadaniye   bhattasmim   handa  mayam  avuso
idheva   vasabhagame  nivasam  kappemati  athakho  te  bhante  agantuka
bhikkhu   tattheva   vasabhagame   nivasam   kappesum   tassa   mayham  bhante
etadahosi   yo   kho   imesam   agantukanam   bhikkhunam  agantukakilamatho
so    patippassaddho    yepime    gocare   appakatannuno   tedanime
gocare   pakatannuno   dukkaram   kho   pana   parakulesu  yavajivam  ussukkam
katum    vinnatti   ca   manussanam   amanapa   yannunaham   na   ussukkam
kareyyam  yaguya  khadaniye  bhattasmim  1-  so  kho aham bhante na ussukkam
akasim   yaguya   khadaniye   bhattasminti   2-   athakho   tesam  bhante
agantukanam   bhikkhunam   etadahosi   pubbe   khvayam  avuso  avasiko
bhikkhu   nahane   ussukkam   karoti  ussukkampi  karoti  yaguya  khadaniye
bhattasmim    sodanayam    na    ussukkam    karoti   yaguya   khadaniye
bhattasmim    dutthodanayam    avuso    avasiko   bhikkhu   handa   mayam
avuso   imam   3-   avasikam  bhikkhum  ukkhipamati  athakho  te  bhante
agantuka   bhikkhu   sannipatitva   mam   etadavocum   pubbe   kho   tvam
avuso    nahane    ussukkam    karosi   ussukkampi   karosi   yaguya
khadaniye    bhattasmim   sodani   tvam   na   ussukkam   karosi   yaguya
khadaniye    bhattasmim    apattim   tvam   avuso   apanno   passasetam
@Footnote: 1 Po. Ma. Yu. bhattasminti. 2 Ma. bhattasmim. 3 Po. Ma. ayam patho na hoti.
Apattinti    natthi    me    avuso    apatti   yamaham   passeyyanti
athakho   te   bhante   agantuka   bhikkhu   mam   apattiya   adassane
ukkhipimsu    tassa   mayham   bhante   etadahosi   aham   kho   etam   na
janami    apatti   va   esa   anapatti   va   apanno   camhi
anapanno    va    ukkhitto    camhi    anukkhitto   va   dhammikena
va   adhammikena   va   kuppena   va   akuppena   va   thanarahena
va    atthanarahena    va    yannunaham    campam   gantva   bhagavantam
etamattham puccheyyanti tato aham bhagava agacchamiti.
     {174.6}   Anapatti  esa  bhikkhu  nesa  apatti  anapannosi
nasi   apanno   anukkhittosi   nasi   ukkhitto   adhammikenasi  kammena
ukkhitto  kuppena  atthanarahena  gaccha  tvam  bhikkhu  tattheva vasabhagame
nivasam  kappehiti  1-  .  evam  bhanteti  kho kassapagotto bhikkhu bhagavato
patissunitva   utthayasana   bhagavantam   abhivadetva   padakkhinam   katva
yena vasabhagamo tena pakkami.
     {174.7}   Athakho   tesam  agantukanam  bhikkhunam  ahudeva  kukkuccam
ahu  vippatisaro  alabha  vata  no  na  vata  no  labha  dulladdham  vata
no   na  vata  no  suladdham  ye  mayam  suddham  bhikkhum  anapattikam  avatthusmim
akarane   ukkhipimha   handa   mayam   avuso   campam  gantva  bhagavato
santike  accayam  accayato  desemati  .  athakho  te  agantuka  bhikkhu
senasanam   samsametva   pattacivaramadaya   yena  campa  tena  pakkamimsu
@Footnote: 1 Po. kappesiti.
Anupubbena   yena   campa   yena   bhagava  tenupasankamimsu  upasankamitva
bhagavantam   abhivadetva   ekamantam   nisidimsu   .   acinnam  kho  panetam
buddhanam    bhagavantanam   agantukehi   bhikkhuhi   saddhim   patisammoditum  .
Athakho   bhagava   te   bhikkhu   etadavoca  kacci  bhikkhave  khamaniyam  kacci
yapaniyam    kaccittha    1-    appakilamathena   addhanam   agata   kuto
ca   tumhe   bhikkhave   agacchathati  .  khamaniyam  bhagava  yapaniyam  bhagava
appakilamathena    ca   mayam   bhante   addhanam   agata   atthi   bhante
kasisu  janapadesu  vasabhagamo  nama  tato  mayam  bhagava  agacchamati.
Tumhe bhikkhave avasikam bhikkhum ukkhipitthati 2-.
     {174.8}  Evam  bhanteti  .  kismim  bhikkhave  vatthusmim  kismim  3-
karaneti    .   avatthusmim   bhagava   akaraneti   .   vigarahi   buddho
bhagava    ananucchavikam    4-    bhikkhave    5-   ananulomikam   appatirupam
assamanakam   akappiyam   akaraniyam   katham   hi   nama   tumhe   moghapurisa
suddham    bhikkhum    anapattikam   avatthusmim   akarane   ukkhipissatha   netam
moghapurisa   appasannanam   va   pasadaya   .pe.   vigarahitva   dhammim
katham   katva   bhikkhu  amantesi  na  bhikkhave  suddho  bhikkhu  anapattiko
avatthusmim     akarane    ukkhipitabbo    yo    ukkhipeyya    apatti
dukkatassati.
     {174.9}   Athakho  te  bhikkhu  utthayasana  ekamsam  uttarasangam
karitva     bhagavato     padesu     sirasa     nipatitva     bhagavantam
etadavocum     accayo     no     bhante     accagama    yathabale
@Footnote: 1 Yu. kacci. 2 Po. ukkhipitvati. 3 Si. Ma. Yu. ayam patho na hoti.
@4 Yu. anucchaviyam. 5 Ma. moghapurisa.
Yathamulhe   yathaakusale   ye   mayam  suddham  bhikkhum  anapattikam  avatthusmim
akarane   ukkhipimha   tesam   no   bhante   bhagava  accayam  accayato
patigganhatu   ayatim   samvarayati   .   taggha  tumhe  bhikkhave  accayo
accagama   yathabale   yathamulhe   yathaakusale   ye   tumhe   suddham
bhikkhum   anapattikam   avatthusmim   akarane   ukkhipittha   yato   ca   kho
tumhe   bhikkhave   accayam   accayato   disva   yathadhammam  patikarotha  tam
vo    mayam   patigganhama   vuddhi   hesa   bhikkhave   ariyassa   vinaye
yo   accayam   accayato   disva   yathadhammam   patikaroti   ayatim  samvaram
apajjatiti.
     [175]   Tena   kho   pana   samayena  campayam  bhikkhu  evarupani
kammani    karonti    adhammena   vaggakammam   1-   karonti   adhammena
samaggakammam   2-   karonti   dhammena  vaggakammam  karonti  dhammapatirupakena
vaggakammam    karonti    dhammapatirupakena   samaggakammam   karonti   ekopi
ekam   ukkhipati   ekopi   dve   ukkhipati  ekopi  sambahule  ukkhipati
ekopi    sangham   ukkhipati   dvepi   ekam   ukkhipanti   dvepi   dve
ukkhipanti    dvepi    sambahule   ukkhipanti   dvepi   sangham   ukkhipanti
@Footnote: 1-2 sabbattha vaggakammanti ca samaggakammanti ca disusanti. tani pana uposathakkhandhake
@paliya na samenti. tattha hi cattarimani bhikkhave uposathakammani
@adhammena vaggam uposathakammantyadika pali dissati.
Sambahulapi   ekam   ukkhipanti   sambahulapi   dve  ukkhipanti  sambahulapi
sambahule    ukkhipanti   sambahulapi   sangham   ukkhipanti   sanghopi   sangham
ukkhipati   .  ye  te  bhikkhu  appiccha  .pe.  te  ujjhayanti  khiyanti
vipacenti    katham   hi   nama   campayam   bhikkhu   evarupani   kammani
karissanti    adhammena   vaggakammam   karissanti   .pe.   sanghopi   sangham
ukkhipissatiti   .   athakho  te  bhikkhu  bhagavato  etamattham  arocesum .
Saccam   kira   bhikkhave   campayam   bhikkhu   evarupani   kammani  karonti
adhammena  vaggakammam  karonti  .pe.  sanghopi  sangham  ukkhipatiti  .  saccam
bhagavati   1-  .  vigarahi  buddho  bhagava  .pe.  vigarahitva  dhammim  katham
katva bhikkhu amantesi.
     [176]  Dhammena  2-  ce  bhikkhave vaggakammam akammam na ca karaniyam.
Adhammena  ce  bhikkhave  3-  samaggakammam  akammam  na  ca karaniyam. Dhammena
ce  bhikkhave  4-  vaggakammam  akammam  na  ca  karaniyam. Dhammapatirupakena ce
bhikkhave   5-  vaggakammam  akammam  na  ca  karaniyam  .  dhammapatirupakena  ce
bhikkhave  6-  samaggakammam  akammam  na  ca  karaniyam . Ekopi ekam ukkhipati
akammam   na   ca   karaniyam   .   ekopi  dve  ukkhipati  akammam  na  ca
karaniyam   .   ekopi   sambahule   ukkhipati   akammam  na  ca  karaniyam .
Ekopi   sangham   ukkhipati   akammam   na   ca   karaniyam  .  dvepi  ekam
ukkhipanti   akammam   na   ca  karaniyam  .  dvepi  dve  ukkhipanti  akammam
na  ca  karaniyam  .  dvepi  sambahule  ukkhipanti  akammam  na  ca  karaniyam.
@Footnote: 1 Yu. itisaddo na dissati. 2 Po. Ma. adhammena. 3-4-5-6 Ma. ce bhikkhaveti
@na dissati.
Dvepi   sangham   ukkhipanti   akammam  na  ca  karaniyam  .  sambahulapi  ekam
ukkhipanti   akammam   na   ca   karaniyam   .   sambahulapi  dve  ukkhipanti
akammam   na   ca   karaniyam   .   sambahulapi  sambahule  ukkhipanti  akammam
na  ca  karaniyam  .  sambahulapi  sangham  ukkhipanti  akammam  na  ca  karaniyam.
Sanghopi sangham ukkhipati akammam na ca karaniyam.
     [177]   Cattarimani   bhikkhave   kammani   adhammena   vaggakammam
adhammena   samaggakammam   dhammena  vaggakammam  dhammena  samaggakammam  1- .
Tatra   bhikkhave   yadidam   2-   adhammena  vaggakammam  idam  bhikkhave  kammam
adhammatta    vaggatta    kuppam   atthanaraham   na   bhikkhave   evarupam
kammam   katabbam   na   ca   maya   evarupam   kammam  anunnatam  .  tatra
bhikkhave   yadidam   adhammena   samaggakammam  idam  bhikkhave  kammam  adhammatta
kuppam   atthanaraham   na   bhikkhave   evarupam   kammam   katabbam   na  ca
maya   evarupam   kammam   anunnatam   .   tatra  bhikkhave  yadidam  dhammena
vaggakammam   idam   bhikkhave   kammam   vaggatta   kuppam   atthanaraham   na
bhikkhave   evarupam   kammam   katabbam   na   ca   maya   evarupam   kammam
anunnatam   .   tatra  bhikkhave  yadidam  dhammena  samaggakammam  idam  bhikkhave
kammam    dhammatta   samaggatta   akuppam   thanaraham   evarupam   bhikkhave
kammam   katabbam   evarupanca   maya   kammam   anunnatam   .   tasmatiha
bhikkhave    evarupam    kammam    karissama    yadidam   dhammena   samagganti
@Footnote: 1 Po. samaggakammanti. 2 Si. Po. Yu. yamidam.
Evanhi vo bhikkhave sikkhitabbanti.
     [178]   Tena   kho  pana  samayena  chabbaggiya  bhikkhu  evarupani
kammani     karonti     adhammena    vaggakammam    karonti    adhammena
samaggakammam    karonti    dhammena   vaggakammam   karonti   dhammapatirupakena
vaggakammam      karonti      dhammapatirupakena     samaggakammam     karonti
nattivipannampi    kammam    karonti    anussavanasampannam   anussavanavipannampi
kammam     karonti     nattisampannam     nattivipannampi    anussavanavipannampi
kammam    karonti    annatrapi    dhamma   kammam   karonti   annatrapi
vinaya   kammam   karonti   annatrapi   satthu   sasana   kammam  karonti
patikutthakatampi kammam karonti adhammikam kuppam atthanaraham.
     {178.1}  Ye  te  bhikkhu  appiccha  .pe. Te ujjhayanti khiyanti
vipacenti   katham   hi   nama   chabbaggiya   bhikkhu   evarupani  kammani
karissanti    adhammena    vaggakammam    karissanti    .pe.   patikutthakatampi
kammam   karissanti   adhammikam   kuppam   atthanarahanti   .   athakho   te
bhikkhu  bhagavato  etamattham  arocesum  .  saccam  kira  bhikkhave  chabbaggiya
bhikkhu  evarupani  kammani  karonti  adhammena  vaggakammam  karonti  .pe.
Patikutthakatampi    kammam    karonti   adhammikam   kuppam   atthanarahanti  .
Saccam   bhagavati   .   vigarahi   buddho  bhagava  .pe.  vigarahitva  dhammim
katham katva bhikkhu amantesi.
     [179]   Adhammena   ce   bhikkhave   vaggakammam   akammam   na  ca
Karaniyam  .  adhammena  ce  bhikkhave  samaggakammam  akammam  na  ca  karaniyam.
Dhammena  ce  bhikkhave  vaggakammam  akammam  na  ca  karaniyam. Dhammapatirupakena
ce   bhikkhave  vaggakammam  akammam  na  ca  karaniyam  .  dhammapatirupakena  ce
bhikkhave    samaggakammam   akammam   na   ca   karaniyam   .   nattivipannance
bhikkhave    kammam    anusavanasampannam    akammam    na   ca   karaniyam  .
Anusavanavipannance      bhikkhave      kammam     nattisampannam     akammam
na   ca   karaniyam   .   nattivipannance   bhikkhave  kammam  anussavanavipannam
akammam   na   ca   karaniyam  .  annatrapi  bhikkhave  dhamma  kammam  akammam
na  ca  karaniyam  .  annatrapi  bhikkhave  1-  vinaya  kammam  akammam  na ca
karaniyam   .   annatrapi   bhikkhave  satthu  sasana  kammam  akammam  na  ca
karaniyam   .  patikutthakatam  ce  bhikkhave  kammam  adhammikam  kuppam  atthanaraham
akammam na ca karaniyam.
     [180]    Chayimani    bhikkhave   kammani   adhammakammam   vaggakammam
samaggakammam        dhammapatirupakena       vaggakammam       dhammapatirupakena
samaggakammam dhammena samaggakammam.
     [181]  Katamanca  bhikkhave  adhammakammam  .  nattidutiye  ce bhikkhave
kamme   ekaya   nattiya  kammam  karoti  na  ca  kammavacam  anussaveti
adhammakammam   .   nattidutiye   ce  bhikkhave  kamme  dvihi  nattihi  kammam
karoti   na   ca   kammavacam   anussaveti   adhammakammam   .  nattidutiye
ce   bhikkhave  kamme  ekaya  kammavacaya  kammam  karoti  na  ca  nattim
@Footnote: 1 Ma. Yu.  ayam patho na dissati.
Thapeti    adhammakammam   .   nattidutiye   ce   bhikkhave   kamme   dvihi
kammavacahi   kammam   karoti   na   ca   nattim   thapeti   adhammakammam .
Natticatutthe   ce   bhikkhave   kamme   ekaya   nattiya  kammam  karoti
na   ca   kammavacam   anussaveti   adhammakammam   .   natticatutthe   ce
bhikkhave   kamme   dvihi   nattihi   tihi   nattihi   catuhi   nattihi  kammam
karoti   na   ca   kammavacam   anussaveti   adhammakammam  .  natticatutthe
ce   bhikkhave  kamme  ekaya  kammavacaya  kammam  karoti  na  ca  nattim
thapeti   adhammakammam   .   natticatutthe   ce   bhikkhave   kamme   dvihi
kammavacahi     tihi     kammavacahi     catuhi    kammavacahi    kammam
karoti   na   ca   nattim   thapeti   adhammakammam  .  idam  vuccati  bhikkhave
adhammakammam.
     [182]  Katamanca  bhikkhave  vaggakammam  .  nattidutiye  ce  bhikkhave
kamme    yavatika    bhikkhu    kammappatta    te   anagata   honti
chandarahanam    chando    anahato    hoti    sammukhibhuta   patikkosanti
vaggakammam   .   nattidutiye   ce   bhikkhave   kamme   yavatika   bhikkhu
kammappatta   te   agata   honti   chandarahanam   chando   anahato
hoti    sammukhibhuta    patikkosanti    vaggakammam   .   nattidutiye   ce
bhikkhave   kamme   yavatika   bhikkhu   kammappatta  te  agata  honti
chandarahanam    chando    ahato    hoti    sammukhibhuta    patikkosanti
vaggakammam   .   natticatutthe   ce   bhikkhave   kamme   yavatika  bhikkhu
Kammappatta   te   anagata   honti   chandarahanam   chando  anahato
hoti     sammukhibhuta     patikkosanti    vaggakammam    .    natticatutthe
ce   bhikkhave   kamme   yavatika   bhikkhu   kammappatta   te  agata
honti     chandarahanam     chando     anahato    hoti    sammukhibhuta
patikkosanti    vaggakammam    .    natticatutthe   ce   bhikkhave   kamme
yavatika    bhikkhu   kammappatta   te   agata   honti   chandarahanam
chando    ahato    hoti    sammukhibhuta   patikkosanti   vaggakammam  .
Idam vuccati bhikkhave vaggakammam.
     [183]  Katamanca  bhikkhave  samaggakammam  .  nattidutiye  ce bhikkhave
kamme    yavatika    bhikkhu    kammappatta    te    agata   honti
chandarahanam    chando    ahato    hoti   sammukhibhuta   nappatikkosanti
samaggakammam   .   natticatutthe   ce   bhikkhave   kamme  yavatika  bhikkhu
kammappatta    te   agata   honti   chandarahanam   chando   ahato
hoti    sammukhibhuta    nappatikkosanti    samaggakammam   .   idam   vuccati
bhikkhave samaggakammam.
     [184]    Katamanca    bhikkhave    dhammapatirupakena   vaggakammam  .
Nattidutiye   ce   bhikkhave  kamme  pathamam  kammavacam  anussaveti  paccha
nattim   thapeti   yavatika   bhikkhu   kammappatta   te  anagata  honti
chandarahanam    chando    anahato    hoti    sammukhibhuta   patikkosanti
dhammapatirupakena   vaggakammam   .   nattidutiye  ce  bhikkhave  kamme  pathamam
Kammavacam    anussaveti    paccha    nattim   thapeti   yavatika   bhikkhu
kammappatta   te   agata   honti   chandarahanam   chando   anahato
hoti    sammukhibhuta    patikkosanti    dhammapatirupakena    vaggakammam   .
Nattidutiye   ce   bhikkhave  kamme  pathamam  kammavacam  anussaveti  paccha
nattim   thapeti   yavatika   bhikkhu   kammappatta   te   agata  honti
chandarahanam    chando    ahato    hoti    sammukhibhuta    patikkosanti
dhammapatirupakena    vaggakammam   .   natticatutthe   ce   bhikkhave   kamme
pathamam    kammavacam    anussaveti    paccha   nattim   thapeti   yavatika
bhikkhu    kammappatta    te   anagata   honti   chandarahanam   chando
anahato      hoti     sammukhibhuta     patikkosanti     dhammapatirupakena
vaggakammam   .   natticatutthe   ce   bhikkhave   kamme   pathamam  kammavacam
anussaveti   paccha   nattim   thapeti  yavatika  bhikkhu  kammappatta  te
agata   honti   chandarahanam   chando   anahato   hoti   sammukhibhuta
patikkosanti    dhammapatirupakena    vaggakammam    .    natticatutthe    ce
bhikkhave   kamme   pathamam   kammavacam   anussaveti  paccha  nattim  thapeti
yavatika    bhikkhu   kammappatta   te   agata   honti   chandarahanam
chando    ahato    hoti    sammukhibhuta   patikkosanti   dhammapatirupakena
vaggakammam. Idam vuccati bhikkhave dhammapatirupakena vaggakammam.
     [185]    Katamanca    bhikkhave   dhammapatirupakena   samaggakammam  .
Nattidutiye   ce   bhikkhave  kamme  pathamam  kammavacam  anussaveti  paccha
Nattim   thapeti   yavatika   bhikkhu   kammappatta   te   agata  honti
chandarahanam    chando    ahato    hoti   sammukhibhuta   nappatikkosanti
dhammapatirupakena   samaggakammam   .   natticatutthe   ce   bhikkhave   kamme
pathamam    kammavacam    anussaveti    paccha   nattim   thapeti   yavatika
bhikkhu    kammappatta    te    agata   honti   chandarahanam   chando
ahato     hoti     sammukhibhuta     nappatikkosanti     dhammapatirupakena
samaggakammam. Idam vuccati bhikkhave dhammapatirupakena samaggakammam.
     [186]   Katamanca   bhikkhave   dhammena  samaggakammam  .  nattidutiye
ce   bhikkhave  kamme  pathamam  nattim  thapeti  paccha  ekaya  kammavacaya
kammam   karoti   yavatika   bhikkhu   kammappatta   te   agata  honti
chandarahanam    chando    ahato    hoti   sammukhibhuta   nappatikkosanti
dhammena   samaggakammam   .   natticatutthe   ce   bhikkhave   kamme  pathamam
nattim   thapeti   paccha   tihi   kammavacahi   kammam   karoti   yavatika
bhikkhu    kammappatta    te    agata   honti   chandarahanam   chando
ahato     hoti     sammukhibhuta     nappatikkosanti     .    dhammena
samaggakammam. Idam vuccati bhikkhave dhammena samaggakammam.



             The Pali Tipitaka in Roman Character Volume 5 page 244-258. http://84000.org/tipitaka/pitaka_item/roman_item_s.php?book=5&item=174&items=13&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=5&item=174&items=13&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=174&items=13&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=174&items=13&modeTY=2              Study Atthakatha :- http://84000.org/tipitaka/attha/attha.php?b=5&i=174              The Pali Atthakatha in Thai :- http://84000.org/tipitaka/atthapali/read_th.php?B=3&A=5395              The Pali Atthakatha in Roman :- http://84000.org/tipitaka/atthapali/read_rm.php?B=3&A=5395              Contents of The Tipitaka Volume 5 http://84000.org/tipitaka/read/?index_5

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :