paliTIPITAKA Volume 5 - Vinaya Pitaka 5

[204] Idha pana bhikkhave bhikkhu bhandanakarako hoti kalahakarako vivadakarako bhassakarako sanghe adhikaranakarako . tatra ce bhikkhunam evam hoti ayam kho avuso bhikkhu bhandanakarako kalahakarako vivadakarako bhassakarako sanghe adhikaranakarako handassa mayam tajjaniyakammam karomati . te tassa tajjaniyakammam karonti adhammena vagga . so tamha avasa annampi avasam @Footnote: ¹ Ma. parivasaraham. ² Ma. manattaraham. ³ Ma. abbhanaraham. ⁴ Ma. @upalipucchabhanavaro nitthito dutiyo. Gacchati . tatthapi ^1- bhikkhunam evam hoti ayam kho avuso bhikkhu sanghena tajjaniyakammakato adhammena vaggehi handassa mayam tajjaniyakammam karomati . te tassa tajjaniyakammam karonti adhammena samagga . So tamha avasa annampi avasam gacchati . tatthapi bhikkhunam evam hoti ayam kho avuso bhikkhu sanghena tajjaniyakammakato adhammena samaggehi handassa mayam tajjaniyakammam karomati . te tassa tajjaniyakammam karonti dhammena vagga . so tamha avasa annampi avasam gacchati . tatthapi bhikkhunam evam hoti ayam kho avuso bhikkhu sanghena tajjaniyakammakato dhammena vaggehi handassa mayam tajjaniyakammam karomati . te tassa tajjaniyakammam karonti dhammapatirupakena vagga . so tamha avasa annampi avasam gacchati . tatthapi bhikkhunam evam hoti ayam kho avuso bhikkhu sanghena tajjaniyakammakato dhammapatirupakena vaggehi handassa mayam tajjaniyakammam karomati. Te tassa tajjaniyakammam karonti dhammapatirupakena samagga.

The Pali Tipitaka in Roman Character Volume 5 page 278-279. http://84000.org/tipitaka/pitaka_item/roman_item_s.php?book=5&item=204&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=5&item=204&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=204&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=204&items=1&modeTY=2 Study Atthakatha :- http://84000.org/tipitaka/attha/attha.php?b=5&i=204 Contents of The Tipitaka Volume 5 http://84000.org/tipitaka/read/?index_5