ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
     [438]   Tena  kho  pana  samayena  saddhiviharika  upajjhayesu  na
samma   vattanti  .  ye  te  bhikkhu  appiccha  .pe.  te  ujjhayanti
khiyanti    vipacenti    katham    hi   nama   saddhiviharika   upajjhayesu
na   samma   vattissantiti   .   athakho   te  bhikkhu  bhagavato  etamattham
arocesum   .pe.   saccam   kira   bhikkhave   saddhiviharika  upajjhayesu
na   samma   vattantiti   .   saccam  bhagavati  .  vigarahi  buddho  bhagava
katham    hi   nama   bhikkhave   saddhiviharika   upajjhayesu   na   samma
vattissanti    netam    bhikkhave   appasannanam   va   pasadaya   .pe.
Vigarahitva   dhammim   katham   katva   bhikkhu   amantesi   tenahi  bhikkhave
saddhiviharikanam      upajjhayesu     vattam     pannapessami     yatha
saddhiviharikehi upajjhayesu samma vattitabbam.
     [439]  Saddhiviharikena  bhikkhave  upajjhayamhi  samma  vattitabbam.
Tatrayam   sammavattana   kalasseva   utthaya   upahana   omuncitva
ekamsam   uttarasangam   karitva   dantakattham   databbam   mukhodakam  databbam
asanam   pannapetabbam   sace   yagu   hoti   bhajanam   dhovitva  yagu
upanametabba   yagum   pitassa   udakam   datva   bhajanam   patiggahetva
nicam     katva    sadhukam    aparighamsantena    dhovitva    patisametabbam
upajjhayamhi   vutthite   asanam  uddharitabbam  sace  so  deso  uklapo
Hoti so deso sammajjitabbo
     {439.1}   sace   upajjhayo  gamam  pavisitukamo  hoti  nivasanam
databbam    patinivasanam    patiggahetabbam    kayabandhanam    databbam   sagunam
katva   sanghatiyo   databba   dhovitva   patto   saudako  databbo
sace    upajjhayo   pacchasamanam   akankhati   timandalam   paticchadentena
parimandalam     nivasetva    kayabandhanam    bandhitva    sagunam    katva
sanghatiyo    parupitva    ganthikam    patimuncitva    dhovitva    pattam
gahetva    upajjhayassa   pacchasamanena   hotabbam   natidure   gantabbam
naccasanne      gantabbam     pattapariyapannam     patiggahetabbam     na
upajjhayassa     bhanamanassa     antarantara     katha    opatetabba
upajjhayo apattisamanta bhanamano nivaretabbo
     {439.2}  nivattantena  pathamataram  agantva  asanam  pannapetabbam
padodakam     padapitham     padakathalikam     upanikkhipitabbam    paccuggantva
pattacivaram      patiggahetabbam      patinivasanam      databbam     nivasanam
patiggahetabbam   sace   civaram   sinnam  hoti  muhuttam  unhe  otapetabbam
na  ca  unhe  civaram  nidahitabbam  civaram  samharitabbam  1- civaram samharantena 2-
caturangulam   kannam   ussadetva   3-   civaram   samharitabbam   ma  majjhe
bhango   ahositi   obhoge   kayabandhanam   katabbam   sace   pindapato
hoti     upajjhayo     ca    bhunjitukamo    hoti    udakam    datva
@Footnote: 1 Ma. Ra. sangharitabbam. 2 Ma. Ra. sangharantena. 3 Ma. Yu. ussaretva.
Pindapato     upanametabbo     upajjhayo    paniyena    pucchitabbo
bhuttavissa   udakam   datva   pattam   patiggahetva   nicam  katva  sadhukam
aparighamsantena   dhovitva   vodakam  katva  muhuttam  unhe  otapetabbo
na    ca   unhe   patto   nidahitabbo   pattacivaram   nikkhipitabbam   pattam
nikkhipantena   ekena   hatthena   pattam   gahetva   ekena   hatthena
hetthamancam   va   hetthapitham   va   paramasitva  patto  nikkhipitabbo
na   ca   anantarahitaya   bhumiya  patto  nikkhipitabbo  civaram  nikkhipantena
ekena   hatthena   civaram   gahetva   ekena   hatthena  civaravamsam  va
civararajjum   va   pamajjitva   parato   antam   orato   bhogam  katva
civaram     nikkhipitabbam    upajjhayamhi    vutthite    asanam    uddharitabbam
padodakam    padapitham   padakathalikam   patisametabbam   sace   so   deso
uklapo hoti so deso sammajjitabbo
     {439.3}    sace    upajjhayo   nahayitukamo   hoti   nahanam
patiyadetabbam   sace   sitena   attho   hoti  sitam  patiyadetabbam  sace
unhena    attho    hoti    unham   patiyadetabbam   sace   upajjhayo
jantagharam     pavisitukamo     hoti     cunnam    sannetabbam    mattika
temetabba      jantagharapitham     adaya     upajjhayassa     pitthito
pitthito     gantva    jantagharapitham    datva    civaram    patiggahetva
ekamantam        nikkhipitabbam       cunnam       databbam       mattika
databba     sace     ussahati     jantagharam    pavisitabbam    jantagharam
pavisantena    mattikaya   mukham   makkhetva   purato   ca   pacchato   ca
Paticchadetva    jantagharam   pavisitabbam   na   there   bhikkhu   anupakhajja
nisiditabbam    na    nava   bhikkhu   asanena   patibahitabba   jantaghare
upajjhayassa      parikammam      katabbam     jantaghara     nikkhamantena
jantagharapitham    adaya    purato    ca   pacchato   ca   paticchadetva
jantaghara nikkhamitabbam
     {439.4}   udakepi   upajjhayassa   parikammam   katabbam  nahatena
pathamataram    uttaritva   attano   gattam   vodakam   katva   nivasetva
upajjhayassa     gattato     udakam    pamajjitabbam    nivasanam    databbam
sanghati    databba    jantagharapitham    adaya    pathamataram   agantva
asanam   pannapetabbam   padodakam   padapitham   padakathalikam   upanikkhipitabbam
upajjhayo    paniyena    pucchitabbo   sace   uddisapetukamo   hoti
uddisapetabbo sace paripucchitukamo hoti paripucchitabbo
     {439.5}  yasmim  vihare  upajjhayo  viharati  sace  so  viharo
uklapo   hoti  sace  ussahati  sodhetabbo  viharam  sodhentena  pathamam
pattacivaram     niharitva     ekamantam     nikkhipitabbam    nisidanapaccattharanam
niharitva    ekamantam   nikkhipitabbam   bhisibimbohanam   niharitva   ekamantam
nikkhipitabbam   manco   nicam   katva  sadhukam  aparighamsantena  asanghattantena
kavatapittham    niharitva    ekamantam   nikkhipitabbo   pitham   nicam   katva
sadhukam     aparighamsantena     asanghattantena     kavatapittham    niharitva
ekamantam     nikkhipitabbam     mancapatipadaka     niharitva     ekamantam
nikkhipitabba     khelamallako     niharitva     ekamantam    nikkhipitabbo
Apassenaphalakam     niharitva     ekamantam     nikkhipitabbam     bhummattharanam
yathapannattam     sallakkhetva     niharitva     ekamantam    nikkhipitabbam
sace    vihare    santanakam   hoti   ulloka   pathamam   oharetabbam
alokasandhikannabhaga      pamajjitabba      sace     gerukaparikammakata
bhitti   kannakita   hoti   colakam   temetva   piletva   pamajjitabba
sace    kalavannakata    bhumi    kannakita   hoti   colakam   temetva
piletva pamajjitabba
     {439.6}   sace   akata   hoti   bhumi   udakena  paripphositva
sammajjitabba    ma   viharo   rajena   uhanniti   sankaram   vicinitva
ekamantam     chaddetabbam     bhummattharanam     otapetva    sodhetva
pappotetva        atiharitva       yathapannattam       pannapetabbam
mancapatipadaka    otapetva    pamajjitva    atiharitva   yathathane
thapetabba    manco    otapetva   sodhetva   pappotetva   nicam
katva   sadhukam   aparighamsantena   asanghattantena   kavatapittham  atiharitva
yathapannattam     pannapetabbo     pitham     otapetva    sodhetva
pappotetva    nicam    katva   sadhukam   aparighamsantena   asanghattantena
kavatapittham    atiharitva    yathapannattam    pannapetabbam    bhisibimbohanam
otapetva    sodhetva    pappotetva    atiharitva   yathapannattam
pannapetabbam       nisidanapaccattharanam      otapetva      sodhetva
pappotetva    atiharitva    yathapannattam   pannapetabbam   khelamallako
Otapetva  pamajjitva  atiharitva  yathathane  thapetabbo apassenaphalakam
otapetva     pamajjitva     atiharitva     yathathane    thapetabbam
pattacivaram   nikkhipitabbam   pattam   nikkhipantena   ekena   hatthena   pattam
gahetva  ekena  hatthena  hetthamancam  va  hetthapitham va paramasitva
patto    nikkhipitabbo    na    ca    anantarahitaya    bhumiya    patto
nikkhipitabbo   civaram   nikkhipantena   ekena   hatthena   civaram  gahetva
ekena   hatthena   civaravamsam   va   civararajjum  va  pamajjitva  parato
antam orato bhogam katva civaram nikkhipitabbam
     {439.7}   sace   puratthima   saraja  vata  vayanti  puratthima
vatapana   thaketabba  sace  pacchima  saraja  vata  vayanti  pacchima
vatapana   thaketabba  sace  uttara  saraja  vata  vayanti  uttara
vatapana   thaketabba  sace  dakkhina  saraja  vata  vayanti  dakkhina
vatapana  thaketabba  sace  sitakalo  hoti  diva vatapana vivaritabba
rattim   thaketabba  sace  unhakalo  hoti  diva  vatapana  thaketabba
rattim vivaritabba
     {439.8}   sace   parivenam  uklapam  hoti  parivenam  sammajjitabbam
sace    kotthako   uklapo   hoti   kotthako   sammajjitabbo   sace
upatthanasala     uklapa    hoti    upatthanasala    sammajjitabba
sace   aggisala   uklapa   hoti   aggisala   sammajjitabba  sace
vaccakuti    uklapa    hoti   vaccakuti   sammajjitabba   sace   paniyam
na    hoti    paniyam   upatthapetabbam   sace   paribhojaniyam   na   hoti
Paribhojaniyam   upatthapetabbam   sace   acamanakumbhiya   udakam   na   hoti
acamanakumbhiyam udakam asincitabbam
     {439.9}    sace    upajjhayassa    anabhirati   uppanna   hoti
saddhiviharikena    vupakasetabbo    vupakasapetabbo    1-   dhammakatha
vassa     katabba     sace     upajjhayassa     kukkuccam    uppannam
hoti     saddhiviharikena     vinodetabbam    vinodapetabbam    dhammakatha
vassa    katabba    sace    upajjhayassa   ditthigatam   uppannam   hoti
saddhiviharikena     vivecetabbam    vivecapetabbam    dhammakatha    vassa
katabba     sace     upajjhayo     garudhammam    ajjhapanno    hoti
parivasaraho    saddhiviharikena    ussukkam   katabbam   kinti   nu   kho
sangho   upajjhayassa   parivasam   dadeyyati   sace   upajjhayo  mulaya
patikassanaraho    hoti    saddhiviharikena    ussukkam    katabbam   kinti
nu   kho   sangho   upajjhayam   mulaya  patikasseyyati  sace  upajjhayo
manattaraho   hoti   saddhiviharikena   ussukkam  katabbam  kinti  nu  kho
sangho  upajjhayassa  manattam  dadeyyati  sace  upajjhayo  abbhanaraho
hoti  saddhiviharikena  ussukkam  katabbam  kinti  nu  kho  sangho  upajjhayam
abbheyyati    sace   sangho   upajjhayassa   kammam   kattukamo   hoti
tajjaniyam   va  niyassam  va  pabbajaniyam  va  patisaraniyam  va  ukkhepaniyam
va    saddhiviharikena    ussukkam   katabbam   kinti   nu   kho   sangho
upajjhayassa    kammam    na    kareyya   lahukaya   va   parinameyyati
@Footnote: 1 Yu. Ra. vupakasetabba vupakasapetabba.
Katam   va   panassa   hoti   sanghena   kammam  tajjaniyam  va  niyassam  va
pabbajaniyam   va   patisaraniyam   va   ukkhepaniyam   va   saddhiviharikena
ussukkam    katabbam   kinti   nu   kho   upajjhayo   samma   vatteyya
lomam pateyya nettharam vatteyya sangho tam kammam patippassambheyyati
     {439.10}  sace  upajjhayassa  civaram dhovitabbam hoti saddhiviharikena
dhovitabbam   ussukkam   va   katabbam   kinti  nu  kho  upajjhayassa  civaram
dhoviyethati   sace   upajjhayassa   civaram  katabbam  hoti  saddhiviharikena
katabbam   ussukkam   va   katabbam   kinti   nu  kho  upajjhayassa  civaram
kariyethati  sace  upajjhayassa  rajanam  pacitabbam  1-  hoti  saddhiviharikena
pacitabbam   1-  ussukkam  va  katabbam  kinti  nu  kho  upajjhayassa  rajanam
paciyethati  sace  upajjhayassa  civaram  rajetabbam  2-  hoti saddhiviharikena
rajetabbam  2-  ussukkam  va  katabbam  kinti  nu  kho  upajjhayassa  civaram
rajiyethati   civaram   rajentena   3-   sadhukam  samparivattakam  samparivattakam
rajetabbam 2- na ca acchinne theve pakkamitabbam
     {439.11}    na    upajjhayam   anapuccha   ekaccassa   patto
databbo    na   ekaccassa   patto   patiggahetabbo   na   ekaccassa
civaram   databbam   na   ekaccassa   civaram   patiggahetabbam  na  ekaccassa
parikkharo    databbo    na   ekaccassa   parikkharo   patiggahetabbo
na     ekaccassa    kesa    chedetabba    4-    na    ekaccena
@Footnote: 1 Ma. rajana pacitabba. 2 Ma. rajitabbam. 3 Ma. rajantena. 4 Yu. chedatabba.
Kesa    chedapetabba    na    ekaccassa    parikammam   katabbam   na
ekaccena    parikammam    karapetabbam   na   ekaccassa   veyyavacco
katabbo   na   ekaccena  veyyavacco  karapetabbo  na  ekaccassa
pacchasamanena    hotabbam    na    ekacco   pacchasamano   adatabbo
na   ekaccassa   pindapato   niharitabbo   na   ekaccena   pindapato
niharapetabbo
     {439.12}    na    upajjhayam   anapuccha   gamo   pavisitabbo
na    susanam    gantabbam   na   disa   pakkamitabba   sace   upajjhayo
gilano hoti yavajivam upatthatabbo vutthanassa agametabbam
     {439.13}  idam  kho  bhikkhave  saddhiviharikanam  upajjhayesu  vattam
yatha saddhiviharikehi upajjhayesu samma vattitabbanti.



             The Pali Tipitaka in Roman Character Volume 7 page 245-253. http://84000.org/tipitaka/pitaka_item/roman_item_s.php?book=7&item=438&items=2&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=7&item=438&items=2&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=438&items=2&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=438&items=2&modeTY=2              Study Atthakatha :- http://84000.org/tipitaka/attha/attha.php?b=7&i=438              Contents of The Tipitaka Volume 7 http://84000.org/tipitaka/read/?index_7

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :