Silakkhandhavagge ambatthasuttam tatiyam
[141] Evamme sutam. Ekam samayam bhagava kosalesu carikancaramano
mahata bhikkhusamghena saddhim pancamattehi bhikkhusatehi yena
icchanangalannama 1- kosalanam brahmanagamo tadavasari . tatra
sudam bhagava icchanangale viharati icchanangalavanasande.
[142] Tena kho pana samayena brahmano pokkharasati ukkattham
ajjhavasati sattussadam satinakatthodakam sadhannam rajabhoggam ranna
pasenadikosalena dinnam rajadayam brahmadeyyam . assosi kho
brahmano pokkharasati samano khalu bho gotamo sakyaputto
sakyakula pabbajito kosalesu carikancaramano mahata bhikkhusamghena
saddhim pancamattehi bhikkhusatehi icchanangalam anuppatto icchanangale
viharati icchanangalavanasande tam kho pana bhavantam gotamam evamkalyano
kittisaddo abbhuggato itipi so bhagava araham sammasambuddho
vijjacaranasampanno sugato lokavidu anuttaro purisadammasarathi
sattha devamanussanam buddho bhagavati so imam lokam sadevakam
samarakam sabrahmakam sassamanabrahmanim pajam sadevamanussam sayam abhinna
sacchikatva pavedeti so dhammam deseti adikalyanam majjhekalyanam
pariyosanakalyanam sattham sabyanjanam kevalaparipunnam parisuddham brahmacariyam
@Footnote: 1 Si. icchanankalam nama.
Pakaseti sadhu kho pana tatharupanam arahatam dassanam hotiti.
[143] Tena kho pana samayena brahmanassa pokkharasatissa
ambattho nama manavo antevasi hoti ajjhayako mantadharo
tinnam vedanam paragu sanighanduketubhanam sakkharappabhedanam
itihasapancamanam padako veyyakarano lokayatamahapurisalakkhanesu
anavayo anunnatapatinnato sake acariyake tevijjake pavacane
yamaham janami tam tvam janasi yam tvam janasi tamaham janamiti.
{143.1} Athakho brahmano pokkharasati ambattham manavam
amantesi ayam tata ambattha samano gotamo sakyaputto sakyakula
pabbajito kosalesu carikancaramano mahata bhikkhusamghena saddhim
pancamattehi bhikkhusatehi icchanangalam anuppatto icchanangale
viharati icchanangalavanasande tam kho pana bhavantam gotamam evamkalyano
kittisaddo abbhuggato itipi so bhagava araham sammasambuddho
vijjacaranasampanno sugato lokavidu anuttaro purisadammasarathi
sattha devamanussanam buddho bhagavati so imam lokam sadevakam samarakam
sabrahmakam sassamanabrahmanim pajam sadevamanussam sayam abhinna
sacchikatva pavedeti so dhammam deseti adikalyanam majjhekalyanam
pariyosanakalyanam sattham sabyanjanam kevalaparipunnam parisuddham brahmacariyam
pakaseti sadhu kho pana tatharupanam arahatam dassanam hotiti ehi tvam
tata ambattha manava yena samano gotamo tenupasankama
Upasankamitva samanam gotamam janahi yadi va tam bhavantam gotamam
tathasantamyeva saddo abbhuggato yadi va no tatha yadi va
so bhavam gotamo tadiso yadi va na tadiso tatha mayantam
bhavantam gotamam vedissamati.
{143.2} Yathakatham panaham bho tam bhavantam gotamam janissami
yadi va tam bhavantam gotamam tathasantamyeva saddo abbhuggato yadi
va no tatha yadi va so bhavam gotamo tadiso yadi va na tadisoti.
Agatani kho tata ambattha amhakam mantesu dvattimsamahapurisalakkhanani
yehi samannagatassa mahapurisassa dve va gatiyo bhavanti ananna
sace agaram ajjhavasati raja hoti cakkavatti dhammiko dhammaraja
caturanto vijitavi janapadatthavariyappatto sattaratanasamannagato
tassimani satta ratanani bhavanti seyyathidam cakkaratanam hatthiratanam
assaratanam maniratanam itthiratanam gahapatiratanam parinayakaratanameva sattamam
parosahassam kho panassa putta bhavanti sura virangarupa parasenappamaddana
so imam pathavim sagarapariyantam adandena asatthena dhammena abhivijiya
ajjhavasati sace pana agarasma anagariyam pabbajati araham hoti
sammasambuddho loke vivatacchado aham kho pana tata ambattha mantanam
data tvam mantanam patiggahitati.
{143.3} Evam bhoti kho ambattho manavo brahmanassa
pokkharasatissa patissutva utthayasana brahmanam
pokkharasatim abhivadetva padakkhinam katva valavarathamaruyha
Sambahulehi manavehi saddhim yena icchanangalavanasando tena
payasi yavatika yanassa bhumi yanena gantva yana paccorohitva
pattiko va aramam pavisi.
[144] Tena kho pana samayena sambahula bhikkhu abbhokase
cankamanti . athakho ambattho manavo yena te bhikkhu tenupasankami
upasankamitva te bhikkhu etadavoca kaham nu kho bho etarahi so bhavam
gotamo viharati tam hi mayam bhavantam gotamam dassanaya idhupasankantati.
Athakho tesam bhikkhunam etadahosi ayam kho ambattho manavo
abhinnatakolanno ceva abhinnatassa ca brahmanassa pokkharasatissa
antevasi agaru kho pana bhagavato evarupehi kulaputtehi
saddhim kathasallapo hotiti . te ambattham manavam etadavocum
eso ambattha viharo samvutadvaro tena appasaddo upasankamitva
ataramano alindam pavisitva ukkasitva aggalam akotehi
vivarissati te bhagava dvaranti . athakho ambattho manavo yena
so viharo samvutadvaro tena appasaddo upasankamitva ataramano
alindam pavisitva ukkasitva aggalam akotesi . vivari bhagava
dvaram . pavisi ambattho manavo . manavakapi kho pavisitva
bhagavata saddhim sammodimsu sammodaniyam katham saraniyam vitisaretva
ekamantam nisidimsu.
[145] Ambattho pana manavo cankamantopi nisinnena bhagavata
Kanci kanci katham saraniyam vitisareti thitopi nisinnena bhagavata
kanci kanci katham saraniyam vitisareti . athakho bhagava ambattham
manavam etadavoca evam nu te ambattha brahmanehi vuddhehi
mahallakehi acariyapacariyehi saddhim kathasallapo hoti yathayidam caram
tittham nisinnena maya kanci kanci katham saraniyam vitisaresiti.
{145.1} No hidam bho gotama gacchanto va hi bho gotama gacchantena
brahmano brahmanena saddhim sallapitumarahati thito va hi bho
gotama thitena brahmano brahmanena saddhim sallapitumarahati nisinno
va hi bho gotama nisinnena brahmano brahmanena saddhim
sallapitumarahati sayano va hi bho gotama sayanena brahmano
brahmanena saddhim sallapitumarahati ye ca kho bho gotama mundaka
samanaka ibbha kanha bandhupadapacca tehipi me saddhim evam
kathasallapo hoti yathariva bhota gotamenati . atthikavato kho pana
te ambattha idhagamanam ahosi yayeva kho panatthaya agaccheyyatha
tameva attham sadhukam manasikareyyatha avusitavayeva kho pana ambattho
manavo vusitamani kimannatra avusitattati.
{145.2} Athakho ambattho manavo bhagavata avusitavadena vuccamano
kupito anattamano bhagavantamyeva khumsento bhagavantamyeva vambhento
bhagavantamyeva vadamano samano ca me bho gotamo papito bhavissatiti bhagavantam
etadavoca canda bho gotama sakyajati pharusa bho gotama sakyajati lahusa
Bho gotama sakyajati rabhasa bho gotama sakyajati ibbha santa
ibbha samana na brahmane sakkaronti na brahmane garukaronti
na brahmane manenti na brahmane pujenti na brahmane
apacayanti tayidam bho gotama na channam 1- tayidam nappatirupam yadime
sakya ibbha santa ibbha samana na brahmane sakkaronti
na brahmane garukaronti na brahmane manenti na brahmane
pujenti na brahmane apacayantiti . itiha ambattho manavo
imam pathamam sakyesu ibbhavadam nipatesi.
[146] Kim pana te ambattha sakya aparaddhunti . ekamidaham
bho gotama samayam acariyassa brahmanassa pokkharasatissa kenacideva
karaniyena kapilavatthum agamasim yena sakyanam santhagaram tenupasankamim
tena kho pana samayena sambahula sakya ceva sakyakumara ca santhagare
uccesu asanesu nisinna honti annamannam angulipatodakehi 2-
sanjagghanta sankilanta annadatthum mamanneva manne anujagghanta
na mam koci asanenapi nimantesi tayidam bho gotama na channam tayidam
nappatirupam yadime sakya ibbha santa ibbha samana na brahmane
sakkaronti na brahmane garukaronti na brahmane manenti na
brahmane pujenti na brahmane apacayantiti . itiha ambattho
manavo idam dutiyam sakyesu ibbhavadam nipatesi.
@Footnote: 1 Si. na ca channam. 2 angulipatodakenatipi patho.
[147] Latukikapi kho ambattha sakunika sake kulavake kamalapini
hoti sakam kho panetam ambattha sakyanam yadidam kapilavatthum na arahatayasma
ambattho imaya appamattaya abhisajjitunti cattarome bho gotama
vanna khattiya brahmana vessa sudda . imesam hi bho
gotama catunnam vannanam tayo vanna khattiya ca vessa ca sudda
ca annadatthum brahmanasseva paricaraka sampajjanti tayidam bho
gotama na channam tayidam nappatirupam yadime sakya ibbha santa
ibbha samana na brahmane sakkaronti na brahmane garukaronti
na brahmane manenti na brahmane pujenti na brahmane
apacayantiti . itiha ambattho manavo idam tatiyam sakyesu
ibbhavadam nipatesi.
[148] Athakho bhagavato etadahosi atibalham kho ayam ambattho
manavo sakyesu ibbhavadena nimmadeti yannunaham gottam puccheyyanti.
Athakho bhagava ambattham manavam etadavoca kathamgottosi ambatthati .
Kanhayanohamasmi bho gotamati . poranam kho pana te ambattha
matapettikam nama gottam anussarato ayyaputta sakya bhavanti
dasiputto tvamasi sakyanam sakya kho pana ambattha rajanam
ukkakam 1- pitamaham dahanti 2-.
[149] Bhutapubbam ambattha raja ukkako ya sa mahesi
@Footnote: 1 Si. okkakam. 2 Si. dissanti.
Piya manapa tassa puttassa rajjam parinametukamo jetthakumare
ratthasma pabbajesi ukkamukham karakandum hatthinikamsinipuram . te
ratthasma pabbajita himavantapasse pokkharaniya tire mahasakavanasando
tattha vasam kappesum . te jatisambhedabhaya sakahi bhaganihi
saddhim samvasam kappesum.
{149.1} Athakho ambattha raja ukkako amacce parisajje
amantesi kaham nu kho bho etarahi kumara sammantiti . Atthi deva
himavantapasse pokkharaniya tire mahasakavanasando tatthetarahi
kumara sammanti te jatisambhedabhaya sakahi bhaginihi
saddhim samvasam kappentiti . athakho ambattha raja ukkako udanam
udanesi sakya vata bho kumara paramasakya vata bho kumarati .
Tadagge kho pana ambattha sakya pannayanti . so ca sakyanam
pubbapuriso . ranno kho pana ambattha ukkakassa disa nama
dasi ahosi sa kanham nama janesi . jato kanho pabyahasi
dhovatha mam amma nhapetha mam amma imasma mam amma asucisma
parimocetha atthaya te 1- bhavissamiti . yatha kho pana ambattha
etarahi manussa pisace pisacati sanjananti evameva kho ambattha
tena kho pana samayena manussa pisace kanhati sanjananti .
Te evamahamsu ayam jato pabyahasi kanho jato pisaco
jatoti . tadagge kho pana ambattha kanhayana pannayanti . so
@Footnote: 1 votipi patho.
Ca kanhayananam pubbapuriso . iti kho te ambattha poranam
matapettikam nama gottam anussarato ayyaputta sakya bhavanti
dasiputto tvamasi sakyananti.
[150] Evam vutte te manavaka bhagavantam etadavocum ma bhavam
gotamo ambattham manavam atibalham dasiputtavadena nimmadesi
sujato ca bho gotama ambattho manavo kulaputto ca ambattho
manavo bahussuto ca ambattho manavo kalyanavakkarano ca
ambattho manavo pandito ca ambattho manavo pahoti ca
ambattho manavo bhota gotamena saddhim asmim vacane patimantetunti.
{150.1} Athakho bhagava te manavake etadavoca sace kho tumhakam
manavakanam evam hoti dujjato ca ambattho manavo akulaputto ca
ambattho manavo appassuto ca ambattho manavo akalyana-
vakkarano ca ambattho manavo duppanno ca ambattho manavo
na ca pahoti ambattho manavo samanena gotamena saddhim asmim
vacane patimantetunti titthatu ambattho manavo tumhe maya saddhim
mantavho asmim vacane sace pana tumhakam manavakanam evam hoti
sujato ca ambattho manavo kulaputto ca ambattho manavo
bahussuto ca ambattho manavo kalyanavakkarano ca ambattho
manavo pandito ca ambattho manavo pahoti ca ambattho
manavo samanena gotamena saddhim asmim vacane patimantetunti
Titthatha tumhe ambattho manavo maya saddhim asmim vacane patimantetuti.
Sujato ca bho gotama ambattho manavo kulaputto ca ambattho
manavo bahussuto ca ambattho manavo kalyanavakkarano
ca ambattho manavo pandito ca ambattho manavo pahoti ca
ambattho manavo bhota gotamena saddhim asmim vacane patimantetum
tunhi mayam bhavissama ambattho manavo bhota gotamena saddhim
asmim vacane patimantetuti.
[151] Athakho bhagava ambattham manavam etadavoca ayam kho pana
te ambattha sahadhammiko panho agacchati akamapi byakatabbo
sace tvam na byakarissasi annena va annam paticarissasi tunhi
va bhavissasi pakkamissasi va ettheva te sattadha muddha phalissati
tam kim mannasi ambattha kinti te sutam brahmananam vuddhanam
mahallakanam acariyapacariyanam bhasamananam kutopabhutika kanhayana
ko ca kanhayananam pubbapurisoti.
{151.1} Evam vutte ambattho manavo tunhi ahosi .
Dutiyampi kho bhagava ambattham manavam etadavoca tam kim mannasi
ambattha kinti te sutam brahmananam vuddhanam mahallakanam
acariyapacariyanam bhasamananam kutopabhutika kanhayana
ko ca kanhayananam pubbapurisoti . dutiyampi kho ambattho
manavo tunhi ahosi . athakho bhagava ambattham manavam etadavoca
byakarohidani ambattha nadani te tunhibhavassa kalo
Yo kho ambattha tathagatena yavatatiyakam sahadhammikam panham puttho
na byakaroti etthevassa sattadha muddha phalissatiti.
[152] Tena kho pana samayena vajirapani yakkho mahantam
ayokutam adaya adittam sampajjalitam samjotibhutam ambatthassa
manavassa uparivehasam thito hoti sacayam ambattho manavo
bhagavata yavatatiyakam sahadhammikam panham puttho na byakarissati
etthevassa sattadha muddham phalessamiti . tam kho pana vajirapanim
yakkham bhagava ceva passati ambattho ca manavo . athakho
ambattho manavo bhito samviggo lomahatthajato bhagavantamyeva
tanam gavesi bhagavantamyeva lenam gavesi bhagavantamyeva saranam gavesi
upanisiditva bhagavantam etadavoca kimetam bhavam gotamo aha puna
bhavam gotamo brututi . tam kim mannasi ambattha kinti te sutam
brahmananam vuddhanam mahallakanam acariyapacariyanam bhasamananam
kutopabhutika kanhayana ko ca kanhayananam pubbapurisoti .
Evameva bho gotama sutam yadeva bhavam gotamo aha tatopabhutika
kanhayana so ca kanhayananam pubbapurisoti.
[153] Evam vutte te manavaka unnadino uccasadda
mahasadda ahesum dujjato kira bho ambattho manavo akulaputto
kira bho ambattho manavo dasiputto kira bho ambattho
manavo sakyanam ayyaputta kira bho ambatthassa manavassa
Sakya bhavanti dhammavadiyeva 1- kira mayam samanam gotamam apasadetabbam
amannimhati . athakho bhagavato etadahosi atibalham kho ime
manavaka ambattham manavam dasiputtavadena nimmadenti yannunaham
parimoceyyanti . athakho bhagava te manavake etadavoca ma
kho tumhe manavaka ambattham manavakam atibalham dasiputtavadena
nimmadetha ularo ca so kanho isi ahosi so dakkhinam janapadam
gantva brahmamante adhiyitva rajanam ukkakam upasankamitva
maddarupim 2- dhitaram yaci . tassa raja ukkako nevare mayham
dasiputto samano maddarupim dhitaram yacatiti kupito anattamano khurappam
sannayhi. So tam khurappam neva asakkhi muncitum no patisamharitum.
[154] Athakho manavaka amacca parisajja kanham isim
upasankamitva etadavocum sotthi bhadante hotu ranno sotthi
bhadante hotu rannoti . sotthi bhavissati ranno apica raja
yadi adho khurappam muncissati yavata ranno vijitam ettavata pathavi
udiyissatiti . sotthi bhadante hotu ranno sotthi janapadassati .
Sotthi bhavissati ranno sotthi janapadassa apica raja yadi uddham
khurappam muncissati yavata ranno vijitam ettavata satta vassani
devo na vassissatiti . sotthi bhadante hotu ranno sotthi
janapadassa devo pavassatuti . sotthi bhavissati ranno sotthi
@Footnote: 1 Si. dhammavadinneva. 2 Si. khuddarupim.
Janapadassa devo pavassissati apica raja jetthakumare khurappam
patitthapetu sotthikumaro pallomo bhavissatiti . athakho manavaka
raja ukkako jetthakumare khurappam patitthapesi sotthikumaro
pallomo bhavissatiti . athakho manavaka raja ukkako jetthakumare
khurappam patitthapesi . sotthikumaro pallomo samabhavi . tassa
raja ukkako bhito brahmadandena tajjito maddarupim dhitaram adasi.
Ma kho tumhe manavaka ambattham manavam atibalham dasiputtavadena
nimmadetha ularo so kanho isi ahositi.
[155] Athakho bhagava ambattham manavam amantesi tam kim
mannasi ambattha idha khattiyakumaro brahmanakannaya saddhim
samvasam kappeyya tesam samvasamanvaya putto jayetha yo so
khattiyakumarena brahmanakannaya putto uppanno apinu so
labhetha brahmanesu asanam va udakam vati . labhetha bho gotama.
Apinu nam brahmana bhojeyyum sadde va thalipake va yanne
va pahune vati . bhojeyyum bho gotama . apinu nam brahmana
mante vaceyyum va no vati . vaceyyum bho gotama . Apinussa
itthisu avatam va assa anavatam vati . anavatam hissa bho
gotama . apinu khattiyabhisekena abhisinceyyunti . no hidam bho
gotama. Tam kissa hetu. Matito hi bho gotama anupapannoti.
[156] Tam kimmannasi ambattha idha brahmanakumaro khattiyakannaya
Saddhim samvasam kappeyya tesam samvasamanvaya putto jayetha
yo so brahmanakumarena khattiyakannaya putto uppanno apinu
so labhetha brahmanesu asanam va udakam vati . labhetha bho
gotama . apinu nam brahmana bhojeyyum sadde va thalipake
va yanne va pahune vati . bhojeyyum bho gotama . apinu nam
brahmana mante vaceyyum va no vati . vaceyyum bho gotama.
Apinussa itthisu avatam va assa anavatam vati . anavatam hissa
bho gotama . apinu nam khattiyabhisekena abhisinceyyunti . no hidam
bho gotama. Tam kissa hetu. Pitito hi bho gotama anupapannoti.
[157] Iti kho ambattha itthiya va itthim karitva purisena
va purisam karitva khattiya va settha hina brahmana . tam
kim mannasi ambattha idha brahmana brahmanam kismincideva
pakarane khuramundam karitva bhassaputena vadhitva rattha va nagara
va pabbajeyyum apinu so labhetha brahmanesu asanam va udakam
vati . no hidam bho gotama . apinu nam brahmana bhojeyyum
sadde va thalipake va yanne va pahune vati . no hidam
bho gotama . apinu nam brahmana mante vaceyyum va no
vati . no hidam bho gotama . apinussa itthisu avatam va
assa anavatam vati. Avatam hissa bho gotama.
[158] Tam kim mannasi ambattha idha khattiya khattiyam kismincideva
Pakarane khuramundam karitva bhassaputena vadhitva rattha va nagara
va pabbajeyyum apinu so labhetha brahmanesu asanam va udakam
vati . labhetha bho gotama . apinu nam brahmana bhojeyyum
sadde va thalipake va yanne va pahune vati . bhojeyyum
bho gotama . apinu nam brahmana mante vaceyyum va no
vati . vaceyyum bho gotama . apinussa itthisu avatam va
assa anavatam vati . anavatanhissa bho gotama . ettavata
kho ambattha khattiyo paramanihinatappatto hoti yadidam khattiya
khuramundam karitva bhassaputena vadhitva rattha va nagara va
pabbajenti . iti kho ambattha yadapi khattiyo paramanihinatappatto
hoti tadapi khattiya va settha hina brahmana . brahmuna
cesa ambattha sanankumarena gatha bhasita
[159] Khattiyo settho janetasmim ye gottapatisarino
vijjacaranasampanno so settho devamanuseti.
[160] Sa kho panesa ambattha brahmuna sanankumarena gatha
sugita na duggita subhasita na dubbhasita atthasanhita no
anatthasanhita anumata maya ahampi ambattha evam vadami
[161] Khattiyo settho janetasmim ye gottapatisarino
vijjacaranasampanno so settho devamanuseti.
Bhanavaram pathamam.
[162] Katamam pana tam bho gotama caranam katama sa vijjati.
Na kho ambattha anuttaraya vijjacaranasampadaya jativado va
vuccati gottavado va vuccati manavado va vuccati arahasi va
mam tvam na va mam tvam arahasiti yattha kho ambattha avaho va
hoti vivaho va hoti avahavivaho va hoti etthetam vuccati
jativado va itipi gottavado va itipi manavado va itipi
arahasi va mam tvam na va mam tvam arahasiti ye hi keci ambattha
jativadavinibaddha va gottavadavinibaddha va manavadavinibaddha
va avahavivahavinibaddha va araka te anuttaraya vijjacarana-
sampadaya pahaya kho ambattha jativadavinibaddhanca gottavada-
vinibaddhanca manavadavinibaddhanca avahavivahavinibaddhanca
anuttaraya vijjacaranasampadaya sacchikiriya hotiti.
[163] Katamam pana tam bho gotama caranam katama sa vijjati.
Idha ambattha tathagato loke uppajjati araham sammasambuddho
.pe. (yatha samannaphale 1- evam vittharetabbam) .pe. evam kho
ambattha bhikkhu silasampanno hoti .pe. pathamam jhanam upasampajja
viharati idampissa hoti caranasmim .pe. vitakkavicaranam vupasama
dutiyam jhanam tatiyam jhanam catuttham jhanam upasampajja viharati .
Idampissa hoti caranasmim . idampi kho tam ambattha caranam .
@Footnote: 1 Si. samannaphalam.
Nanadassanaya cittam abhiniharati abhininnameti .pe. idampissa
hoti vijjaya .pe. naparam itthattayati pajanati . idampissa
hoti vijjaya . ayam kho sa ambattha vijja . Ayam vuccati ambattha
vijjasampanno itipi caranasampanno itipi vijjacaranasampanno
itipi . imaya ca ambattha vijjasampadaya caranasampadaya anna
vijjasampada caranasampada uttaritara va panitatara va natthi.
{163.1} Imaya kho ambattha anuttaraya vijjacaranasampadaya
cattari apayamukhani bhavanti . katamani cattari. Idha ambattha ekacco
samano va brahmano va imamyeva anuttaram vijjacaranasampadam
anabhisambhunamano kharivividhamadaya arannavanamajjhogahati
pavattaphalabhojano bhavissamiti . so annadatthum vijjacaranasampannasseva
paricarako sampajjati . imaya kho ambattha anuttaraya vijjacaranasampadaya
idam pathamam apayamukham bhavati.
[164] Puna caparam ambattha idhekacco samano va brahmano va
imanceva anuttaram vijjacaranasampadam anabhisambhunamano
pavattaphalabhojanattanca anabhisambhunamano kuddalapitakam adaya
arannavanamajjhogahati kandamulaphalabhojano bhavissamiti . so
annadatthum vijjacaranasampannasseva paricarako sampajjati . imaya
kho ambattha anuttaraya vijjacaranasampadaya idam dutiyam apayamukham bhavati.
[165] Puna caparam ambattha idhekacco samano va brahmano
Va imanceva anuttaram vijjacaranasampadam anabhisambhunamano
pavattaphalabhojanattanca anabhisambhunamano kandamulaphalabhojanattanca
anabhisambhunamano gamasamantam va nigamasamantam va agyagaram karitva
aggim paricaranto acchati . so annadatthum vijjacaranasampannasseva
paricarako sampajjati . imaya kho ambattha anuttaraya vijjacaranasampadaya
idam tatiyam apayamukham bhavati.
[166] Puna caparam ambattha idhekacco samano va brahmano
va imanceva anuttaram vijjacaranasampadam anabhisambhunamano
pavattaphalabhojanattanca anabhisambhunamano kandamulaphalabhojanattanca
anabhisambhunamano aggiparicariyanca anabhisambhunamano catummahapathe
catudvaram agaram karitva acchati yo imahi catuhi disahi agamissati
samano va brahmano va tamaham yathasatti yathabalam patipujissamiti .
So annadatthum vijjacaranasampannasseva paricarako sampajjati .
Imaya kho ambattha anuttaraya vijjacaranasampadaya idam catuttham
apayamukham bhavati . imaya kho ambattha anuttaraya vijjacaranasampadaya
imani cattari apayamukhani bhavanti.
[167] Tam kim mannasi ambattha apinu tvam imaya anuttaraya
vijjacaranasampadaya sandissasi sacariyakoti . no hidam bho gotama
ko caham bho gotama sacariyako ka ca anuttara vijjacaranasampada
arakaham bho gotama imaya anuttaraya vijjacaranasampadaya
Sacariyakoti . tam kim mannasi ambattha apinu tvam imamyeva anuttaram
vijjacaranasampadam anabhisambhunamano kharivividhamadaya
arannavanamajjhogahasi sacariyako pavattaphalabhojana bhavissamati .
No hidam bho gotama . tam kim mannasi ambattha apinu tvam imanceva
anuttaram vijjacaranasampadam anabhisambhunamano pavattaphalabhojanattanca
anabhisambhunamano kuddalapitakam adaya arannavanamajjhogahasi
sacariyako kandamulaphalabhojana bhavissamati. No hidam bho gotama.
{167.1} Tam kim mannasi ambattha apinu tvam imanceva anuttaram
vijjacaranasampadam anabhisambhunamano pavattaphalabhojanattanca
anabhisambhunamano kandamulaphalabhojanattanca anabhisambhunamano
gamasamantam va nigamasamantam va agyagaram karitva aggim paricaranto
acchasi sacariyakoti . no hidam bho gotama . tam kim mannasi ambattha
apinu tvam imanceva anuttaram vijjacaranasampadam anabhisambhunamano
pavattaphalabhojanattanca anabhisambhunamano kandamulaphalabhojanattanca
anabhisambhunamano aggiparicariyanca anabhisambhunamano catummahapathe
catudvaram agaram karitva acchasi sacariyako yo imahi catuhi disahi
agamissati samano va brahmano va tamaham yathasatti yathabalam
patipujissamiti. No hidam bho gotama.
{167.2} Iti kho ambattha imaya ceva tvam anuttaraya
vijjacaranasampadaya parihino sacariyako ye hi kecime
anuttaraya vijjacaranasampadaya cattari apayamukhani
Bhavanti tato ca parihino sacariyako.
[168] Bhasita kho pana te esa ambattha acariyena
brahmanena pokkharasatina vaca keci mundaka samanaka ibbha
kanha bandhupadapacca ka ca te vijjanam brahmananam sakacchati.
Attana apayikopi aparipuramano . passa ambattha yava aparaddhanca
te idam acariyassa brahmanassa pokkharasatissa.
{168.1} Brahmano kho pana ambattha pokkharasati ranno
pasenadikosalassa dattikam bhunjati tassa raja pasenadikosalo
sammukhibhavampi na dadati yadapi tena manteti tirodussantena
manteti . yassa kho pana ambattha dhammikam payatam bhikkham patigganheyya
katham tassa raja pasenadikosalo sammukhibhavampi na dadeyya . passa
ambattha yava aparaddhanca te idam acariyassa brahmanassa
pokkharasatissa.
[169] Tam kim mannasi ambattha idha raja pasenadikosalo
hatthigivayam va nisinno rathupatthare va thito uggehi va rajannehi
va kincideva mantanam manteyya . so tamha padesa apakkamma
ekamantam tittheyya atha agaccheyya suddo va suddadaso
va so tasmim padese thito mantanam manteyya evampi raja
pasenadikosalo aha evampi raja pasenadikosalo ahati .
Apinu kho rajabhanitam va bhanati rajamantanam va manteti tavata
So assa raja va rajamahamatto vati . no hidam bho gotama.
Evameva kho tvam ambattha ye tepi ahesum brahmananam pubbaka
isayo mantanam kattaro mantanam pavattaro yesamidam etarahi
brahmana poranam mantapadam gitam pavuttam samihitam tadanugayanti
tadanubhasanti bhasitamanubhasanti vacitamanuvacenti seyyathidam
atthako vamako vamadevo vessamitto yamataggi angiraso
bharadvajo vasettho kassapo bhagu tyaham mante adhiyami
sacariyako tavata tvam bhavissasi isi va isitaya va patipannoti
netam thanam vijjati.
{169.1} Tam kim mannasi ambattha kinti te sutam brahmananam
vuddhanam mahallakanam acariyapacariyanam bhasamananam ye te ahesum
brahmananam pubbaka isayo mantanam kattaro mantanam pavattaro
yesamidam etarahi brahmana poranamantapadam gitam pavuttam samihitam
tadanugayanti tadanubhasanti bhasitamanubhasanti vacitamanuvacenti
seyyathidam atthako vamako vamadevo vessamitto yamataggi angiraso
bharadvajo vasettho kassapo bhagu evam su te sunhata suvilitta
kappitakesamassu amuttamalabharana odatavatthavasana pancahi
kamagunehi samappita samangibhuta paricarenti seyyathapi tvam etarahi
sacariyakoti. No hidam bho gotama .pe. Evam su te salinam odanam vicittakalakam
anekasupam anekabyanjanam paribhunjanti seyyathapi tvam etarahi
Sacariyakoti . no hidam bho gotama .pe. Evam su te vetthakanatapassahi
narihi paricarenti seyyathapi tvam etarahi sacariyakoti . no hidam
bho gotama .pe. evam su te kuttavalehi valavarathehi dighahi
patodalatthihi vahane vitudanta vicarissanti seyyathapi tvam etarahi
sacariyakoti . no hidam bho gotama .pe. Evam su te ukkinnaparikkhasu
ukkhittapalighasu nagarupakarikasu dighasibaddhehi purisehi rakkhapenti
seyyathapi tvam etarahi sacariyakoti. No hidam bho gotama .pe. Iti kho
ambattha neva tvam isi na pana isitaya patipanno sacariyako yassa kho
pana ambattha mayi kankha va vimati va so mam panhena aham veyyakaranena
sodhissamiti.
[170] Athakho bhagava vihara nikkhamma cankamam abbhutthasi .
Ambatthopi manavo vihara nikkhamma cankamam abbhutthasi .
Athakho ambattho manavo bhagavantam cankamantam anucankamamano
bhagavato kaye dvattimsamahapurisalakkhanani sammannesi . addasa
kho ambattho manavo bhagavato kaye dvattimsamahapurisalakkhanani
yebhuyyena thapetva dve dvisu mahapurisalakkhanesu kankhati vicikicchati
nadhimuccati na sampasidati kosohite ca vatthaguyhe pahutajivhataya
ca . athakho bhagavato etadahosi passati kho me ayam ambattho
manavo dvattimsamahapurisalakkhanani yebhuyyena thapetva dve
Dvisu mahapurisalakkhanesu ambattho kankhati vicikicchati nadhimuccati
na sampasidati kosohite ca vatthaguyhe pahutajivhataya cati .
Athakho bhagava tatharupam iddhabhisamkharam abhisamkharesi yatha addasa
ambattho manavo bhagavato kosohitavatthaguyham . athakho bhagava
jivham ninnametva ubhopi kannasotani anumasi patimasi ubhopi
nasikasotani anumasi patimasi kevalampi nalatamandalam jivhaya
chadesi.
[171] Athakho ambatthassa manavassa etadahosi samannagato
kho samano gotamo dvattimsamahapurisalakkhanehi paripunnehi no
aparipunnehiti . bhagavantam etadavoca handa cadani mayam bho gotama
gacchama bahukicca mayam bahukaraniyati . yassadani tvam ambattha
kalam mannasiti . athakho ambattho manavo valavarathamaruyha
pakkami.
[172] Tena kho pana samayena brahmano pokkharasati utthaya
nikkhamitva mahata brahmanaganena saddhim sake arame nisinno
hoti ambatthamyeva manavam patimanento . athakho ambattho
manavo yena sako aramo tena payasi yavatika yanassa bhumi
yanena gantva yana paccorohitva pattiko va yena brahmano
pokkharasati tenupasankami upasankamitva brahmanam pokkharasatim
abhivadetva ekamantam nisidi . ekamantam nisinnam kho ambattham
Manavam brahmano pokkharasati etadavoca kacci tata ambattha
addasa tam bhavantam gotamanti . addasama kho mayam bho tam bhavantam
gotamanti . kacci tata ambattha tam bhavantam gotamam tathasantamyeva
saddo abbhuggato no annatha kacci pana bho so bhavam gotamo
tadiso no annadisoti . tathasantamyeva bho tam bhavantam gotamam
tathasaddo abbhuggato no annatha tadiso va bho so bhavam
gotamo no annadiso samannagato va bho so bhavam gotamo
dvattimsamahapurisalakkhanehi paripunnehi no aparipunnehiti . ahu
pana te tata ambattha samanena gotamena saddhim kocideva kathasallapoti.
Ahu kho me bho samanena gotamena saddhim kocideva kathasallapoti.
Yathakatham pana te tata ambattha ahu samanena gotamena saddhim kocideva
kathasallapoti . athakho ambattho manavo yavatako ahosi bhagavata
saddhim kathasallapo tam sabbam brahmanassa pokkharasatissa arocesi.
[173] Evam vutte brahmano pokkharasati ambattham manavam
etadavoca aho vata re amhakam panditaka aho vata re amhakam
bahussutaka aho vata re amhakam tevijjaka evarupena kira bho
puriso atthacarakena kayassa bheda param marana apayam duggatim
vinipatam nirayam upapajjeyya yadeva kho tvam ambattha tam bhavantam
gotamam evam asajja asajja avacasi athakho bhavam gotamo amhehi
Evam upaneyyam upaneyyam avaca aho vata re amhakam panditaka
ahosi vata re amhakam bahussutaka aho vata re amhakam tevijjaka
evarupena kira bho puriso atthacarakena kayassa bheda param marana
apayam duggatim vinipatam nirayam upapajjeyyati . kupito anattamano
ambattham manavam padasayeva pavattesi icchati ca tavadeva bhagavantam
dassanaya upasankamitum . athakho te brahmana brahmanam
pokkharasatim etadavocum ativikalo kho bho ajja samanam gotamam
dassanaya upasankamitum svedani bhavam pokkharasati samanam gotamam
dassanaya upasankamissatiti.
[174] Athakho brahmano pokkharasati sake nivesane panitam
khadaniyam bhojaniyam patiyadapetva yane aropetva ukkasu
dhariyamanasu ukkatthaya niyyasi yena icchanangalavanasando tena
payasi yavatika yanassa bhumi yanena gantva yana paccorohitva
pattiko va yena bhagava tenupasankami upasankamitva bhagavata saddhim
sammodi sammodaniyam katham saraniyam vitisaretva ekamantam nisidi .
Ekamantam nisinno kho brahmano pokkharasati bhagavantam etadavoca
agama nu khvidha bho gotama amhakam antevasi ambattho
manavoti . agama kho tedha brahmana antevasi ambattho
manavoti . ahu pana te bho gotama ambatthena manavena saddhim
kocideva kathasallapoti . ahu kho me brahmana ambatthena
Manavena saddhim kocideva kathasallapoti . yathakatham pana te bho
gotama ahu ambatthena manavena saddhim kocideva kathasallapoti .
Athakho bhagava yavatako ahosi ambatthena manavena saddhim kathasallapo
tam sabbam brahmanassa pokkharasatissa arocesi.
[175] Evam vutte brahmano pokkharasati bhagavantametadavoca
balo bho gotama ambattho manavo khamatu bhavam gotamo ambatthassa
manavassati . sukhi hotu brahmana ambattho manavoti . athakho
brahmano pokkharasati bhagavato kaye dvattimsamahapurisalakkhanani
sammannesi . addasa kho brahmano pokkharasati bhagavato kaye
dvattimsamahapurisalakkhanani yebhuyyena thapetva dve dvisu
mahapurisalakkhanesu kankhati vicikicchati nadhimuccati na sampasidati
kosohite ca vatthaguyhe pahutajivhataya ca.
{175.1} Athakho bhagavato etadahosi passati kho me ayam brahmano
pokkharasati dvattimsamahapurisalakkhanani yebhuyyena thapetva dve dvisu
mahapurisalakkhanesu kankhati vicikicchati nadhimuccati na sampasidati kosohite
ca vatthaguyhe pahutajivhataya cati . Athakho bhagava tatharupam iddhabhisamkharam
abhisamkharesi yatha addasa brahmano pokkharasati bhagavato kosohitam
vatthaguyham . athakho bhagava jivham ninnametva ubhopi kannasotani
anumasi patimasi ubhopi nasikasotani anumasi patimasi kevalampi
nalatamandalam jivhaya chadesi . athakho brahmanassa pokkharasatissa
Etadahosi samannagato kho samano gotamo dvattimsamahapurisalakkhanehi
paripunnehi no aparipunnehiti . bhagavantam etadavoca adhivasetu bhavam
gotamo ajjatanaya bhattam saddhim bhikkhusamghenati . adhivasesi bhagava
tunhibhavena . athakho brahmano pokkharasati bhagavato adhivasanam
viditva bhagavato kalam arocesi kalo bho gotama nitthitam bhattanti.
[176] Athakho bhagava pubbanhasamayam nivasetva pattacivaramadaya
saddhim bhikkhusamghena yena brahmanassa pokkharasatissa nivesanam
tenupasankami upasankamitva pannatte asane nisidi . athakho
brahmano pokkharasati bhagavantam panitena khadaniyena bhojaniyena
sahattha santappesi sampavaresi manavaka ca bhikkhusamgham . athakho
brahmano pokkharasati bhagavantam bhuttavim onitapattapanim annataram
nicam asanam gahetva ekamantam nisidi.
{176.1} Ekamantam nisinnassa kho brahmanassa pokkharasatissa
bhagava anupubbikatham kathesi seyyathidam danakatham silakatham saggakatham kamanam
adinavam okaram samkilesam nekkhamme anisamsam pakasesi . Yada bhagava
annasi brahmanam pokkharasatim kallacittam muducittam vinivaranacattam
udaggacittam pasannacittam athassa ya buddhanam samukkamsika dhammadesana tam
pakasesi dukkham samudayam nirodham maggam. Seyyathapi nama suddham vattham apagatakalakam
sammadeva rajanam patigganheyya evameva kho brahmanassa pokkharasatissa
Tasmimyeva asane virajam vitamalam dhammacakkhum udapadi yam kinci samudayadhammam
sabbantam nirodhadhammanti.
[177] Athakho brahmano pokkharasati ditthadhammo pattadhammo
viditadhammo pariyogalhadhammo tinnavicikiccho vigatakathamkatho
vesarajjappatto aparappaccayo satthu sasane bhagavantam etadavoca
abhikkantam bho gotama abhikkantam bho gotama seyyathapi bho gotama
nikkujjitam va ukkujjeyya paticchannam va vivareyya mulhassa va
maggam acikkheyya andhakare va telapajjotam dhareyya cakkhumanto
rupani dakkhantiti evameva kho bhota gotamena anekapariyayena
dhammo pakasito esaham bho gotama saputto sabhariyo sapariso
samacco bhavantam gotamam saranam gacchami dhammanca bhikkhusamghanca
upasakam mam bhavam gotamo dharetu ajjatagge panupetam saranangatam
yatha ca bhavam gotamo ukkatthayam annani upasakakulani upasankamati
evameva kho bhavam gotamo pokkharasatikulam upasankamatu tattha ye
te manavaka va manavika va bhavantam gotamam abhivadessanti
va paccutthissanti va asanam va udakam va dassanti cittam va
pasadessanti tesam tam bhavissati digharattam hitaya sukhayati . kalyanam
vuccati brahmanati.
Ambatthasuttam tatiyam nitthitam.
-------------
The Pali Tipitaka in Roman Character Volume 9 page 114-141.
http://84000.org/tipitaka/pitaka_item/roman_item_s.php?book=9&item=141&items=37&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=9&item=141&items=37&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=9&item=141&items=37&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=9&item=141&items=37&modeTY=2
Study Atthakatha :-
http://84000.org/tipitaka/attha/attha.php?b=9&i=141
The Pali Atthakatha in Thai :-
http://84000.org/tipitaka/atthapali/read_th.php?B=4&A=5643
The Pali Atthakatha in Roman :-
http://84000.org/tipitaka/atthapali/read_rm.php?B=4&A=5643
Contents of The Tipitaka Volume 9
http://84000.org/tipitaka/read/?index_9
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
