ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 9 : PALI ROMAN Sutta Pitaka Vol 1 : Sutta. Tī. Sī
                      Mahalisuttam chattham
     [239]  Evamme  sutam  .  ekam  samayam  bhagava  vesaliyam  viharati
mahavane   kutagarasalayam   .   tena   kho   pana  samayena  sambahula
kosalaka   ca   brahmanaduta   magadhaka   ca   brahmanaduta  vesaliyam
pativisanti   kenacideva   karaniyena   .  assosum  kho  te  kosalaka  ca
brahmanaduta    magadhaka    ca    brahmanaduta    samano   khalu   bho
gotamo   sakyaputto   sakyakula   pabbajito  vesaliyam  viharati  mahavane
kutagarasalayam   tam  kho  pana  bhavantam  gotamam  evamkalyano  kittisaddo
abbhuggato   itipi  so  bhagava  .pe.  buddho  bhagavati  so  imam  lokam
sadevakam   samarakam  .pe.  tatharupanam  arahatam  dassanam  hotiti  .  athakho
te   kosalaka   ca   brahmanaduta   magadhaka  ca  brahmanaduta  yena
mahavanam kutagarasala tenupasankamimsu.
     [240]  Tena  kho pana samayena ayasma nagito bhagavato upatthako
hoti   .   athakho   te   kosalaka   ca   brahmanaduta  magadhaka  ca
brahmanaduta    yenayasma    nagito    tenupasankamimsu   upasankamitva
ayasmantam  nagitam  etadavocum  kaham  nu  kho  bho  nagita etarahi so bhavam
gotamo  viharati  dassanakama  hi  mayam  tam  bhavantam  gotamanti  .  akalo
kho   avuso   bhagavantam  dassanaya  patisallino  bhagavati  .  athakho  te
kosalaka   ca   brahmanaduta   magadhaka   ca   brahmanaduta   tattheva
Ekamantam nisidimsu disva va mayam tam bhavantam gotamam gacchissamati.
     [241]   Otthaddhopi   kho  licchavi  mahatiya  licchaviparisaya  saddhim
yena    mahavanam   kutagarasala   yenayasma   nagito   tenupasankami
upasankamitva   ayasmantam   nagitam  abhivadetva  ekamantam  atthasi .
Ekamantam  thito  kho  otthaddhopi  licchavi  ayasmantam  nagitam  etadavoca
kahannu   kho   bhante   nagita   etarahi   so   bhagava   viharati  araham
sammasambuddho    dassanakama    hi    mayam    tam    bhagavantam   arahantam
sammasambuddhanti    .    akalo    kho   mahali   bhagavantam   dassanaya
patisallino    bhagavati   .   otthaddhopi   licchavi   tattheva   ekamantam
nisidi disva vaham tam bhagavantam gamissami arahantam sammasambuddhanti.
     [242]  Athakho  siho  samanuddeso yenayasma nagito tenupasankami
upasankamitva   ayasmantam   nagitam  abhivadetva  ekamantam  atthasi .
Ekamantam   thito  kho  siho  samanuddeso  ayasmantam  nagitam  etadavoca
ete   bhante  kassapa  sambahula  kosalaka  ca  brahmanaduta  magadhaka
ca    brahmanaduta    idhupasankanta   bhagavantam   dassanaya   otthaddhopi
licchavi   mahatiya   licchaviparisaya  saddhim  idhupasankanto  bhagavantam  dassanaya
sadhu   bhante   kassapa   labhatam  esa  janata  bhagavantam  dassanayati .
Tenahi   siha   tvanneva   bhagavato  arocehiti  .  evam  bhanteti  kho
siho   samanuddeso   ayasmato   nagitassa   patissutva   yena  bhagava
tenupasankami  upasankamitva  bhagavantam  abhivadetva  ekamantam  atthasi .
Ekamantam  thito  kho  siho  samanuddeso  bhagavantam etadavoca ete bhante
sambahula   kosalaka   ca   brahmanaduta   magadhaka   ca  brahmanaduta
idhupasankanta    bhagavantam    dassanaya    otthaddhopi   licchavi   mahatiya
licchaviparisaya   saddhim   idhupasankanto   bhagavantam   dassanaya  sadhu  bhante
labhatam  esa  janata  bhagavantam  dassanayati . Tenahi siha viharapacchayayam
asanam    pannapehiti   .   evam   bhanteti   kho   siho   samanuddeso
bhagavato   patissutva   viharapacchayayam   asanam   pannapesi   .  athakho
bhagava   vihara   nikkhamma   viharapacchayayam   pannattasane   nisidi .
Athakho   te   kosalaka   ca  brahmanaduta  magadhaka  ca  brahmanaduta
yena   bhagava   tenupasankamimsu   upasankamitva   bhagavata  saddhim  sammodimsu
sammodaniyam katham saraniyam vitisaretva ekamantam nisidimsu.
     [243]   Otthaddhopi  licchavi  mahatiya  licchaviparisaya  saddhim  yena
bhagava   tenupasankami   upasankamitva   bhagavantam   abhivadetva  ekamantam
nisidi   .   ekamantam   nisinno   kho   otthaddhopi   licchavi   bhagavantam
etadavoca  purimani  bhante  divasani  purimatarani  sunakkhatto  licchaviputto
yenaham   tenupasankami   upasankamitva   mam   etadavoca   yadagge   aham
mahali  bhagavantam  upanissaya  viharami  na  ciram  tini  vassani  dibbani  hi
kho   rupani   passami   piyarupani   kamupasanhitani   rajaniyani  no  ca
kho   dibbani   saddani   sunami   piyarupani   kamupasanhitani  rajaniyani
santaneva   nu   kho  bhante  sunakkhatto  licchaviputto  dibbani  saddani
Nassosi    piyarupani    kamupasanhitani    rajaniyani    tani    udahu
asantaniti.
     {243.1}  Santaneva  kho  mahali  sunakkhatto licchaviputto dibbani
saddani    nassosi    piyarupani    kamupasanhitani    rajaniyani    no
asantaniti  .  ko  nu  kho  bhante  hetu  ko  paccayo yena sunakkhatto
licchaviputto   santaneva   dibbani   saddani   na   assosi   piyarupani
kamupasanhitani rajaniyani no asantaniti.
     [244]   Idha   mahali  bhikkhuno  puratthimaya  disaya  ekamsabhavito
samadhi   hoti   dibbanam   rupanam   dassanaya   piyarupanam  kamupasanhitanam
rajaniyanam    no    ca   kho   dibbanam   saddanam   savanaya   piyarupanam
kamupasanhitanam    rajaniyanam    so   puratthimaya   disaya   ekamsabhavite
samadhimhi    dibbanam    rupanam    dassanaya   piyarupanam   kamupasanhitanam
rajaniyanam    no    ca   kho   dibbanam   saddanam   savanaya   piyarupanam
kamupasanhitanam    rajaniyanam    puratthimaya    disaya    dibbani   rupani
passati   piyarupani   kamupasanhitani   rajaniyani   no   ca  kho  dibbani
saddani    sunati    piyarupani   kamupasanhitani   rajaniyani   tam   kissa
hetu  evam  hetam  mahali  hoti  bhikkhuno  puratthimaya disaya ekamsabhavite
samadhimhi    dibbanam    rupanam    dassanaya   piyarupanam   kamupasanhitanam
rajaniyanam    no    ca   kho   dibbanam   saddanam   savanaya   piyarupanam
kamupasanhitanam rajaniyanam.
     [245]   Puna   caparam   mahali  bhikkhuno  dakkhinaya  disaya  .pe.
Pacchimaya    disaya    .pe.    uttaraya   disaya   .pe.   uddhamadho
tiriyam   ekamsabhavito  samadhi  hoti  dibbanam  rupanam  dassanaya  piyarupanam
kamupasanhitanam    rajaniyanam    no    ca    kho    dibbanam    saddanam
savanaya    piyarupanam    kamupasanhitanam    rajaniyanam    so    uddhamadho
tiriyam   ekamsabhavite   samadhimhi   dibbanam   rupanam  dassanaya  piyarupanam
kamupasanhitanam   rajaniyanam   no   ca   kho   dibbanam  saddanam  savanaya
piyarupanam    kamupasanhitanam    rajaniyanam    uddhamadho    tiriyam   dibbani
rupani   passati   piyarupani   kamupasanhitani   rajaniyani   no   ca  kho
dibbani    saddani    sunati    piyarupani    kamupasanhitani   rajaniyani
tam   kissa   hetu   evam  hetam  mahali  hoti  bhikkhuno  uddhamadho  tiriyam
ekamsabhavite    samadhimhi    dibbanam    rupanam    dassanaya   piyarupanam
kamupasanhitanam   rajaniyanam   no   ca   kho   dibbanam  saddanam  savanaya
piyarupanam kamupasanhitanam rajaniyanam.
     [246]   Idha   mahali  bhikkhuno  puratthimaya  disaya  ekamsabhavito
samadhi   hoti   dibbanam   saddanam   savanaya   piyarupanam  kamupasanhitanam
rajaniyanam    no    ca   kho   dibbanam   rupanam   dassanaya   piyarupanam
kamupasanhitanam    rajaniyanam    so   puratthimaya   disaya   ekamsabhavite
samadhimhi    dibbanam    saddanam    savanaya   piyarupanam   kamupasanhitanam
rajaniyanam    no    ca   kho   dibbanam   rupanam   dassanaya   piyarupanam
kamupasanhitanam    rajaniyanam    puratthimaya    disaya   dibbani   saddani
Sunati   piyarupani   kamupasanhitani   rajaniyani   no   ca  kho  dibbani
rupani    passati    piyarupani    kamupasanhitani   rajaniyani   tam   kissa
hetu  evam  hetam  mahali  hoti  bhikkhuno  puratthimaya disaya ekamsabhavite
samadhimhi    dibbanam    saddanam    savanaya   piyarupanam   kamupasanhitanam
rajaniyanam  no  ca  kho  dibbanam  rupanam dassanaya piyarupanam kamupasanhitanam
rajaniyanam.
     [247]   Puna   caparam   mahali  bhikkhuno  dakkhinaya  disaya  .pe.
Pacchimaya    disaya    .pe.   uttaraya   disaya   .pe.    uddhamadho
tiriyam   ekamsabhavito  samadhi  hoti  dibbanam  saddanam  savanaya  piyarupanam
kamupasanhitanam   rajaniyanam   no   ca   kho   dibbanam  rupanam  dassanaya
piyarupanam   kamupasanhitanam  rajaniyanam  so  uddhamadho  tiriyam  ekamsabhavite
samadhimhi    dibbanam    saddanam    savanaya   piyarupanam   kamupasanhitanam
rajaniyanam    no    ca   kho   dibbanam   rupanam   dassanaya   piyarupanam
kamupasanhitanam   rajaniyanam   uddhamadho   tiriyam   dibbani  saddani  sunati
piyarupani   kamupasanhitani   rajaniyani   no   ca   kho  dibbani  rupani
passati   piyarupani   kamupasanhitani   rajaniyani   tam   kissa  hetu  evam
hetam   mahali   hoti  bhikkhuno  uddhamadho  tiriyam  ekamsabhavite  samadhimhi
dibbanam   saddanam  savanaya  piyarupanam  kamupasanhitanam  rajaniyanam  no  ca
kho dibbanam rupanam dassanaya piyarupanam kamupasanhitanam rajaniyanam.
     [248]   Idha   mahali  bhikkhuno  puratthimaya  disaya  ubhayamsabhavito
samadhi   hoti   dibbananca   rupanam  dassanaya  piyarupanam  kamupasanhitanam
rajaniyanam    dibbananca   saddanam   savanaya   piyarupanam   kamupasanhitanam
rajaniyanam   so   puratthimaya  disaya  ubhayamsabhavite  samadhimhi  dibbananca
rupanam    dassanaya    .pe.   dibbananca   saddanam   savanaya   .pe.
Puratthimaya  disaya  dibbani  ca  rupani  passati  piyarupani  kamupasanhitani
rajaniyani   dibbani   ca   saddani   sunati   piyarupani   kamupasanhitani
rajaniyani  tam  kissa  hetu  evam  hetam  mahali  hoti  bhikkhuno puratthimaya
disaya   ubhayamsabhavite   samadhimhi   dibbananca  rupanam  dassanaya  .pe.
Dibbananca saddanam savanaya piyarupanam kamupasanhitanam rajaniyanam.
     [249]   Puna   caparam   mahali  bhikkhuno  dakkhinaya  disaya  .pe.
Pacchimaya   disaya   .pe.   uttaraya   disaya  .pe.  uddhamadho  tiriyam
ubhayamsabhavito   samadhi   hoti   dibbananca   rupanam  dassanaya  piyarupanam
kamupasanhitanam    rajaniyanam   dibbananca   saddanam   savanaya   piyarupanam
kamupasanhitanam    rajaniyanam    so    uddhamadho    tiriyam   ubhayamsabhavite
samadhimhi    dibbananca   rupanam   dassanaya   piyarupanam   kamupasanhitanam
rajaniyanam    dibbananca   saddanam   savanaya   piyarupanam   kamupasanhitanam
rajaniyanam    uddhamadho    tiriyam    dibbani   rupani   passati   piyarupani
kamupasanhitani     rajaniyani     dibbani     ca     saddani    sunati
Piyarupani   kamupasanhitani   rajaniyani   tam   kissa   hetu   evam  hetam
mahali    hoti   bhikkhuno   uddhamadho   tiriyam   ubhayamsabhavite   samadhimhi
dibbananca    rupanam   dassanaya   piyarupanam   kamupasanhitanam   rajaniyanam
dibbananca    saddanam   savanaya   piyarupanam   kamupasanhitanam   rajaniyanam
ayam  kho  mahali  hetu ayam paccayo yena santaneva sunakkhatto licchaviputto
dibbani   saddani   na   assosi   piyarupani   kamupasanhitani  rajaniyani
no asantaniti.
     [250]  Etasam  nuna  bhante  samadhibhavananam  sacchikiriyahetu bhikkhu
bhagavati  brahmacariyam  carantiti  .  na  kho  mahali  etasam  samadhibhavananam
sacchikiriyahetu   bhikkhu   mayi   brahmacariyam   caranti   atthi   kho  mahali
anne   dhamma   uttaritara   ca   panitatara   ca  yesam  sacchikiriyahetu
bhikkhu mayi brahmacariyam carantiti.
     {250.1}  Katame  pana  bhante  dhamma  uttaritara  ca panitatara ca
yesam  sacchikiriyahetu  bhikkhu  bhagavati  brahmacariyam  carantiti  .  idha  mahali
bhikkhu   tinnam   sannojananam  parikkhaya  sotapanno  hoti  avinipatadhammo
niyato  sambodhiparayano  ayam  kho  mahali  dhammo  uttaritaro ca panitataro
ca yassa sacchikiriyahetu bhikkhu mayi brahmacariyam caranti.
     [251]   Puna   caparam  mahali  bhikkhu  tinnam  sannojananam  parikkhaya
ragadosamohanam    tanutta   sakadagami   hoti   sakideva   imam   lokam
agantva   dukkhassantam  karoti  ayam  kho  mahali  dhammo  uttaritaro  ca
Panitataro ca yassa sacchikiriyahetu bhikkhu mayi brahmacariyam caranti.
     [252]   Puna   caparam   mahali   bhikkhu   pancannam   orambhagiyanam
sannojananam    parikkhaya    opapatiko    hoti    tattha    parinibbayi
anavattidhammo   tasma  loka  ayam  kho  mahali  dhammo  uttaritaro  ca
panitataro ca yassa sacchikiriyahetu bhikkhu mayi brahmacariyam caranti.
     [253]   Puna   caparam   mahali   bhikkhu   asavanam  khaya  anasavam
cetovimuttim    pannavimuttim    ditthe    va    dhamme    sayam   abhinna
sacchikatva   upasampajja   viharati   ayampi  kho  mahali  dhammo  uttaritaro
ca    panitataro   ca   yassa   sacchikiriyahetu   bhikkhu   mayi   brahmacariyam
caranti   ime   kho   te  mahali  dhamma  uttaritara  ca  panitatara  ca
yesam sacchikiriyahetu bhikkhu mayi brahmacariyam carantiti.
     [254]   Atthi   nu  kho  bhante  maggo  atthi  patipada  etesam
dhammanam   sacchikiriyayati   .  atthi  kho  mahali  maggo  atthi  patipada
etesam   dhammanam   sacchikiriyayati   .   katamo   pana   bhante  maggo
katama    patipada    etesam   dhammanam   sacchikiriyayati   .   ayameva
ariyo    atthangiko    maggo   seyyathidam   sammaditthi   sammasankappo
sammavaca      sammakammanto      sammaajivo      sammavayamo
sammasati    sammasamadhi   ayam   kho   mahali   maggo   ayam   patipada
etesam dhammanam sacchikiriyaya.
     [255]  Ekamidaham  mahali  samayam kosambiyam viharami ghositarame.
Athakho    dve    pabbajita    mandiyo    ca    paribbajako   jaliyo
ca   darupattikantevasi   yenaham   tenupasankamimsu   upasankamitva   maya
saddhim   sammodimsu   sammodaniyam   katham   saraniyam  vitisaretva  ekamantam
atthamsu   .   ekamantam  thita  kho  te  dve  pabbajita  mam  etadavocum
kinnu  kho  avuso  gotama  tam  jivam  tam  sariram  udahu  annam  jivam  annam
sariranti.
     {255.1}  Tenahavuso  sunatha  sadhukam  manasikarotha  bhasissami .
Idhavuso  tathagato  loke  uppajjati  araham  sammasambuddho .pe. (yatha
samannaphale   evam   vittharetabbam)   .pe.  evam  kho  avuso  bhikkhu
silasampanno hoti .pe. Pathamam jhanam upasampajja viharati.
     {255.2}  Yo  nu  kho  avuso  bhikkhu  evam janati evam passati
kallannu   kho   tassetam  vacanaya  tam  jivam  tam  sariranti  va  annam  jivam
annam  sariranti  vati  .  yo  so  avuso  bhikkhu  evam  janati  evam
passati   na   kallam   tassetam  vacanaya  tam  jivam  tam  sariranti  va  annam
jivam   annam  sariranti  va  .  aham  kho  panetam  avuso  evam  janami
evam  passami  atha  ca  panaham  na  vadami  tam  jivam  tam sariranti va annam
jivam   annam  sariranti  vati  .  dutiyam  jhanam  .  tatiyam  jhanam  .  catuttham
jhanam  upasampajja  viharati  .  yo  nu kho avuso bhikkhu evam janati evam
passati  kallannu  kho  tassetam  vacanaya  tam  jivam  tam  sariranti  va  annam
jivam  annam  sariranti  vati  .  yo  so  avuso bhikkhu evam janati evam
Passati   na   kallam   tassetam  vacanaya  tam  jivam  tam  sariranti  va  annam
jivam   annam   sariranti   vati   .   aham   kho   panetam  avuso  evam
janami  evam  passami  atha  ca  panaham  na  vadami  tam  jivam  tam sariranti
va   annam   jivam   annam   sariranti   vati   .   nanadassanaya   cittam
abhiniharati  abhininnameti  .  yo  nu  kho  avuso  bhikkhu  .pe.  naparam
itthattayati pajanati.
     {255.3}  Yo  nu  kho  avuso  bhikkhu  evam janati evam passati
kallam   nu  kho  tassetam  vacanaya  tam  jivam  tam  sariranti  va  annam  jivam
annam  sariranti  vati  .  yo  so  avuso  bhikkhu  evam  janati  evam
passati   na   kallam   tassetam  vacanaya  tam  jivam  tam  sariranti  va  annam
jivam  annam  sariranti  vati  .  aham  kho  panetam  avuso  evam  janami
evam  passami  atha  ca  panaham  na  vadami  tam  jivam  tam sariranti va annam
jivam   annam   sariranti   vati   .   idamavoca   bhagava   .   attamano
otthaddho licchavi bhagavato bhasitam abhinanditi.
                  Mahalisuttam chattham nitthitam.
                            --------------



             The Pali Tipitaka in Roman Character Volume 9 page 192-202. http://84000.org/tipitaka/pitaka_item/roman_item_s.php?book=9&item=239&items=17&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=9&item=239&items=17&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=9&item=239&items=17&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=9&item=239&items=17&modeTY=2              Study Atthakatha :- http://84000.org/tipitaka/attha/attha.php?b=9&i=239              The Pali Atthakatha in Thai :- http://84000.org/tipitaka/atthapali/read_th.php?B=4&A=7282              The Pali Atthakatha in Roman :- http://84000.org/tipitaka/atthapali/read_rm.php?B=4&A=7282              Contents of The Tipitaka Volume 9 http://84000.org/tipitaka/read/?index_9

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :