PaliRoman Vol.17

[125] Savatthi . tatra kho . tathagato bhikkhave araham sammasambuddho rupassa nibbida viraga nirodha anupada vimutto sammasambuddhoti vuccati . bhikkhupi bhikkhave pannavimutto rupassa nibbida viraga nirodha anupada vimutto pannavimuttoti vuccati . Tathagato bhikkhave araham sammasambuddho vedanaya nibbida viraga nirodha anupada vimutto sammasambuddhoti vuccati . bhikkhupi bhikkhave pannavimutto vedanaya nibbida .pe. pannavimuttoti vuccati . tathagato bhikkhave araham sammasambuddho sannaya . Sankharanam . vinnanassa nibbida viraga nirodha anupada vimutto sammasambuddhoti vuccati . bhikkhupi bhikkhave pannavimutto vinnanassa nibbida viraga nirodha anupada vimutto pannavimuttoti vuccati. [126] Tatra ^[1]- bhikkhave ko viseso ko adhippayaso kim nanakaranam tathagatassa arahato sammasambuddhassa pannavimuttena bhikkhunati . bhagavammulaka no bhante dhamma bhagavamnettika bhagavampatisarana sadhu vata bhante bhagavantanneva patibhatu etassa bhasitassa attho bhagavato sutva bhikkhu dharessantiti . tenahi @Footnote: ¹ Po. Ma. Yu. etthantare khosaddo dissati. Bhikkhave sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . bhagava etadavoca tathagato bhikkhave araham sammasambuddho anuppannassa maggassa uppadeta asanjatassa maggassa sanjaneta anakkhatassa maggassa akkhata maggannu maggavidu maggakovido ^1- . magganuga ca bhikkhave etarahi savaka viharanti paccha samannagata . ayam kho bhikkhave viseso ayam adhippayaso idam nanakaranam tathagatassa arahato sammasambuddhassa pannavimuttena bhikkhunati.

The Pali Tipitaka in Roman Character Volume 17 page 81-82. https://84000.org/tipitaka/pitaka_item/roman_read.php?B=17&A=1623&modeTY=2 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=17&A=1623&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=125&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=58 Study Atthakatha :- https://84000.org/tipitaka/attha/attha.php?b=17&i=125 The Pali Atthakatha in Thai :- https://84000.org/tipitaka/atthapali/read_th.php?B=12&A=6716 The Pali Atthakatha in Roman :- https://84000.org/tipitaka/atthapali/read_rm.php?B=12&A=6716 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17