PaliRoman Vol.25

Dhammapadagathaya ekavisatimo pakinnakavaggo [31] |31.290| 21 Mattasukhapariccaga passe ce vipulam sukham caje mattasukham dhiro sampassam vipulam sukham. |31.291| Paradukkhupadhanena yo ^1- attano sukhamicchati verasamsaggasamsattho vera so na parimuccati. @Footnote: ¹ Ma. Yu. ayam patho na dissati. |31.292| Yanhi kiccam tadapaviddham akiccam pana kayirati ^1- unnalanam pamattanam tesam vaddhanti asava. |31.293| Yesanca susamaraddha niccam kayagata sati akiccante na sevanti kicce sataccakarino satanam sampajananam attham gacchanti asava. |31.294| Mataram pitaram hantva rajano dve ca khattiye rattham sanucaram hantva anigho yati brahmano. |31.295| Mataram pitaram hantva rajano dve ca sotthiye veyyagghapancamam hantva anigho yati brahmano. |31.296| Suppabuddham pabujjhanti sada gotamasavaka yesam diva ca ratto ca niccam buddhagata sati. |31.297| Suppabuddham pabujjhanti sada gotamasavaka yesam diva ca ratto ca niccam dhammagata sati. |31.298| Suppabuddham pabujjhanti sada gotamasavaka yesam diva ca ratto ca niccam sanghagata sati. |31.299| Suppabuddham pabujjhanti sada gotamasavaka yesam diva ca ratto ca niccam kayagata sati. |31.300| Suppabuddham pabujjhanti sada gotamasavaka yesam diva ca ratto ca ahimsaya rato mano. |31.301| Suppabuddham pabujjhanti sada gotamasavaka @Footnote: ¹ Ma. kariyati. Yesam diva ca ratto ca bhavanaya rato mano. |31.302| Duppabbajjam durabhiramam duravasa ghara dukkha dukkho samanasamvaso dukkhanupatitaddhagu tasma na caddhagu siya na ca dukkhanupatito siya. |31.303| Saddho silena sampanno yasobhogasamappito yam yam padesam bhajati tattha tattheva pujito. |31.304| Dure santo pakasenti himavantova pabbato asantettha na dissanti rattikhitta ^1- yatha sara. |31.305| Ekasanam ekaseyyam eko caramatandito eko damayamattanam vanante ramito siya. Pakinnakavaggo ekavisatimo. -----------

The Pali Tipitaka in Roman Character Volume 25 page 53-55. https://84000.org/tipitaka/pitaka_item/roman_read.php?B=25&A=1035&modeTY=2 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=25&A=1035&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=31&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=30 Study Atthakatha :- https://84000.org/tipitaka/attha/attha.php?b=25&i=31 The Pali Atthakatha in Thai :- https://84000.org/tipitaka/atthapali/read_th.php?B=24&A=1721 The Pali Atthakatha in Roman :- https://84000.org/tipitaka/atthapali/read_rm.php?B=24&A=1721 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25