บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑ ภาษาบาลี อักษรไทย วินย.อ. (สมนฺต.๑) หน้าที่ ๒๖๘.
อุปฺปชฺชติ ฯ อญฺตฺร อธิมานา อญฺตฺร สุปินนฺตาติ อยํ ปน วีติกฺกมาภาวา อพฺโพหาริกตฺตา จ วุตฺตา ฯ ปณฺณตฺติวชฺเช อกเต วีติกฺกมา อุปฺปชฺชมานา สิถิลํ กโรนฺตี โมเจนฺตี ทฺวารํ ททมานา อปราปรํ อนาปตฺตึ กุรุมานา อุปฺปชฺชติ คณโภชนปรมฺปรโภชนาทีสุ อนุปฺปญฺตฺติโย วิย ฯ อนฺตมโส ตํขณิกายปีติ เอวรูปา ปน กเต วีติกฺกเม อุปฺปนฺนตฺตา ปญฺตฺติคติกาว โหติ ฯ อิทํ ปน ปมสิกฺขาปทํ ยสฺมา โลกวชฺชํ น ปณฺณตฺติวชฺชํ ตสฺมา อยมนุปฺปญฺตฺติ รุนฺธนฺตี ทฺวารํ ปิทหนฺตี โสตํ ปจฺฉินฺทมานา คาฬฺหตรํ กโรนฺตี อุปฺปชฺชติ ฯ เอวํ เทฺวปิ วตฺถูนิ สมฺปิณฺเฑตฺวา มูลจฺเฉชฺชวเสน ทฬฺหตรํ กตฺวา ปมปาราชิเก ปญฺตฺเต อปรมฺปิ อนุปญฺตฺตตฺถาย วชฺชิปุตฺตกวตฺถุ อุทปาทิ ฯ ตสฺสุปฺปตฺติทสฺสนตฺถเมตํ วุตฺตํ เอวญฺจิทํ ภควตา ภิกฺขูนํ สิกฺขาปทํ ปญฺตฺตํ โหตีติ ฯ ตสฺสตฺโถ ภควตา ภิกฺขูนํ อิทํ สิกฺขาปทํ เอวํ ปญฺตฺตํ โหติ จ อิทญฺจ อญฺมฺปิ วตฺถุ อุทปาทีติ ฯ มกฺกฏีวตฺถุกถา นิฏฺิตา ฯ {๔๓-๔๔} อิทานิ ยนฺตํ อญฺมฺปิ วตฺถุ อุปฺปนฺนํ ตํ ทสฺเสตุํ เตน โข ปน สมเยนาติอาทิมาห ฯ ตตฺราปิ อยมนุตฺตานปทวณฺณนา ฯ เวสาลิกาติ เวสาลิวาสิโน ฯ วชฺชิปุตฺตกาติ วชฺชิรฏฺเ เวสาลิยํ กุลานํ ปุตฺตา ฯ สาสเน กิร โย โส อุปทฺทโว อาทีนโว อพฺพุทมุปฺปชฺชิ สพฺพนฺตํ วชฺชิปุตฺตเก นิสฺสาย ฯ ตถาหิ เทวทตฺโตปิ วชฺชิปุตฺตเก ปกฺเข ลภิตฺวา สงฺฆํ ภินฺทิ ฯ วชฺชิปตฺตกาเอว จเนื้อความอรรถกถาฉบับภาษาบาลี อักษรไทย เล่มที่ ๑ หน้าที่ ๒๖๘. http://84000.org/tipitaka/read/attha_page.php?book=1&page=268&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=1&A=5634&pagebreak=1 http://84000.org/tipitaka/atthapali/th_line.php?B=1&A=5634&pagebreak=1#p268
จบการแสดงผล หน้าที่ ๒๖๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]