อรรถกถาเล่มที่ ๑๐ หน้าที่ ๒๕๐.

ปฏฺเปนฺเตน สทฺธึ ปตฺถนํ ปฏฺปิตเทวตาเยว. ตาสุ ปน กาจิ ภูมฏฺกา เทวตา, กาจิ อนฺตลิกฺขกา, กาจิ จาตุมหาราชิกา, กาจิ เทวโลเก, กาจิ พฺรหฺมโลเก นิพฺพตฺตา, อิมสฺมึ ปน ทิวเส สพฺพา เอกฏฺาเน อนฺธวนสฺมิญฺเว สนฺนิปติตา. ธมฺมจกฺขุนฺติ อุปาลิโอวาท ^๑- ทีฆนขสุตฺเตสุ ^๒- (๓)- ปมมคฺโค ธมฺมจกฺขุนฺติ วุตฺโต, พฺรหฺมายุสุตฺเต ^๔- ตีณิ ผลานิ, อิมสฺมึ สุตฺเต จตฺตาโร มคฺคา จตฺตาริ จ ผลานิ ธมฺมจกฺขุนฺติ เวทิตพฺพานิ. ตตฺถ หิ กาจิ เทวตา โสตาปนฺนา อเหสุํ, กาจิ สกทาคามี, อนาคามี, ขีณาสวา. ตาสญฺจ ปน เทวตานํ เอตฺตกาติ คณนวเสน ปริจฺเฉโท นตฺถิ. เสสํ สพฺพตฺถ อุตฺตานเมวาติ. ปปญฺจสูทนิยา มชฺฌิมนิกายฏฺกถาย ราหุโลวาทสุตฺตวณฺณนา นิฏฺิตา. --------------- ๖. ฉฉกฺกสุตฺตวณฺณนา [๔๒๐] เอวมฺเม สุตนฺติ ฉฉกฺกสุตฺตํ. ตตฺถ อาทิกลฺยาณนฺติ อาทิมฺหิ กลฺยาณํ ภทฺทกํ นิทฺโทสํ กตฺวา เทเสสฺสามิ. มชฺฌปริโยสาเนสุปิ เอเสว นโย. อิติ ภควา อริยวํสํ นวหิ, มหาสติปฏฺานํ สตฺตหิ, มหาอสฺสปุรํ สตฺตหิ ปเทหิ โถเมสิ, อิมํ ปน สุตฺตํ นวหิ ปเทหิ โถเมสิ. เวทิตพฺพานีติ สห วิปสฺสนามคฺเคน ชานิตพฺพานิ. มนายตเนน เตภูมกจิตฺตเมว กถิตํ, ธมฺมายตเนน พหิทฺธา เตภูมกธมฺมา จ, มโนวิญฺาเณเนว เปตฺวา ทฺวิปญฺจวิญฺาณานิ เสสํ พาวีสติวิธํ โลกิยวิปากจิตฺตํ. ผสฺสเวทนา ยถาวุตฺตวิปากวิญฺาณสมฺปยุตฺตาว. ตณฺหาติ วิปากเวทนาปจฺจยา ชวนกฺขเณ อุปฺปนฺนตณฺหา. [๔๒๒] จกฺขุ อตฺตาติ ปาฏิเยกฺโก อนุสนฺธิ. เหฏฺา กถิตานํ หิ ทฺวินฺนํ สจฺจานํ อนตฺตภาวทสฺสนตฺถํ อยํ เทสนา อารทฺธา. ตตฺต น อุปปชฺชตีติ น ยุชฺชติ. เวตีติ วิคจฺฉติ นิรุชฺฌติ. @เชิงอรรถ: ^๑ ม.ม. ๑๓/๖๙/๔๖ ^๒ ม.ม. ๑๓/๒๐๖/๑๘๒ ^๓ ม. (อาสิวิสูปมสุตฺเตสุ) @^๔ ม.ม. ๑๓/๓๙๕/๓๗๘

เนื้อความอรรถกถาฉบับภาษาบาลี อักษรไทย เล่มที่ ๑๐ หน้าที่ ๒๕๐. http://84000.org/tipitaka/read/attha_page.php?book=10&page=250&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=10&A=6360&pagebreak=1 http://84000.org/tipitaka/atthapali/th_line.php?B=10&A=6360&pagebreak=1#p250