บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 10 : PALI ROMAN Ma.A. (papaca.4) Page 256.
Pajanati. Nivaranadisupi eseva nayo. Etesam pana arahattamaggena pahanadini honti, evam ekabhikkhussa nanapaccavekkhana hoti. Etasu pana paccavekkhanasu anno bhikkhu ekam paccavekkhanam paccavekkhati. Anno ekanti evam nanabhikkhunam nanapaccavekkhana hoti. Sesam sabbattha uttanamevati. Papancasudaniya majjhimanikayatthakathaya pindapataparisuddhisuttavannana nitthita. ------------------ 10. Indriyabhavanasuttavannana [453] Evamme sutanti indriyabhavanasuttam. Tattha gajangalayanti 1- evamnamake nigame. Suveluvaneti suvelu nama eka rukkhajati, tehi sanchanno mahavanasando, tattha viharati. Cakkhuna rupam na passati, sotena saddam na sunatiti cakkhuna rupam na passitabbam, sotena saddo na sotabboti evam desetiti adhippayena vadati. Annatha ca ariyassa vinayeti imina bhagava attano sasane asadisaya indriyabhavanaya kathanattham alayam akasi. Athayasma anando "sattha alayam dasseti, handaham imissam parisati bhikkhusamghassa indriyabhavanakatham karemi"ti sattharam yacanto etassa bhagavatiadimaha. Athassa bhagava indriyabhavanam kathento tena hanandatiadimaha. [454] Tattha yadidam upekkhati ya esa vipassanupekkha nama, esa santa esa panita, atappikati attho. Iti ayam bhikkhu cakkhudvare ruparammanamhi itthe arammane manapam, anitthe amanapam, majjhatte manapamanapanca cittam, tassa rajjitum va dussitum va muyhitum va adatvava pariggahetva vipassanam majjhatte thapeti. Cakkhumati sampannacakkhu visuddhanetto. Cakkhabadhikassa hi uddham ummilananimmilanam na hoti, tasma so na gahito. @Footnote: 2 Si. kajangalayantiThe Pali Atthakatha in Roman Character Volume 10 Page 256. http://84000.org/tipitaka/read/attha_page.php?book=10&page=256&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=10&A=6512&modeTY=2&pagebreak=1 http://84000.org/tipitaka/atthapali/rm_line.php?B=10&A=6512&modeTY=2&pagebreak=1#p256
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]