3. Annasuttavaṇṇanā
[43] Tatiye abhinandantīti patthenti. Bhajatīti upagacchati,
cittagahapatisīvalittherādike viya pacchato pacchato anubandhati. Tasmāti yasmā idhaloke
paraloke ca annadāyakameva anugacchati, tasmā. Sesaṃ uttānamevāti. Tatiyaṃ.
4. Ekamūlasuttavaṇṇanā
[44] Catutthe ekamūlanti avijjā taṇhāya mūlaṃ, taṇhā avijjāya. Idha pana
taṇhā adhippetā. Sā ca 1- dvīhi sassatucchedadiṭṭhīhi āvaṭṭatīti dvāvaṭṭā. 2-
Sā ca rāgādīhi tīhi malehi timalā. Tatrāssā moho sahajātakoṭiyā malaṃ
hoti, rāgadosā upanissayakoṭiyā. Pañca pana kāmaguṇā assā pattharā, 3- tesu
sā pattharatīti pañcapatthaRā. Sā ca apūraṇīyaṭṭhena samuddo. Ajjhattikabāhiresu
panesā dvādasasu āyatanesu āvaṭṭati parivaṭṭatīti dvādasāvaṭṭā apatiṭṭhaṭṭhena
pana pātāloti vuccatīti. Taṃ 4- ekamūlaṃ .pe. Pātālaṃ atari isi, uttari
samatikkamīti attho.
Catutthaṃ.
5. Anomasuttavaṇṇanā
[45] Pañcame anomanāmanti sabbaguṇasamannāgatattā avekallanāmaṃ,
paripūranāmanti attho. Nipuṇatthadassinti bhagavā saṇhasukhume khandhantarādayo atthe
passatīti nipuṇatthadasSī. Paññādadanti paññādhigamāya 5- paṭipadaṃ kathanavasena
paññādāyakaṃ. Kāmālaye asattanti pañcakāmaguṇālaye alaggaṃ. Kammānanti bhagavā
mahābodhimaṇḍeyeva ariyamaggena gato, na idāni gacchatīti, 6- atītaṃ pana upādāya
idaṃ vuttaṃ. Mahesinti mahantānaṃ sīlakkhandhādīnañca 7- esitāraṃ pariyesitāranti.
Pañcamaṃ.
@Footnote: * pāli. anomiyasutta 1 cha.Ma. sā cāti pāṭho na dissati 2 cha.Ma. dvirāvaṭṭā
@3 cha.Ma. pattharaṇaṭṭhānā, Sī. patthanā 4 cha.Ma. tanti pāṭho na dissati
@5 cha.Ma. anvayapaññādhigamāya 6 cha.Ma. gacchati 7 cha.Ma. sīlakkhandhādīnaṃ
The Pali Atthakatha in Roman Character Volume 11 Page 82.
http://84000.org/tipitaka/read/attha_page.php?book=11&page=82&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=2152&pagebreak=1
http://84000.org/tipitaka/atthapali/rm_line.php?B=11&A=2152&pagebreak=1#p82
