อรรถกถาเล่มที่ ๑๑ หน้าที่ ๑๔๗.

ปเสนทิโกสโล "อชาตสตฺตุนา มาตาปิตโร มาริตา, มยฺหํ ปิตุ สนฺตโก คาโม"ติ ตสฺสตฺถาย อฏฺฏํ กโรติ. อชาตสตฺตุปิ "มยฺหํ มาตุ สนฺตโก"ติ อิติ ^๑- ตสฺส คามสฺสตฺถาย เทฺวปิ มาตุลภาคิเนยฺยา ยุชฺฌึสุ. ปาปา เทวทตฺตาทโย มิตฺตา อสฺสาติ ปาปมิตฺโต. เตวสฺส ^๒- สหายาติ ปาปสหาโย. เตเสฺววสฺส จิตฺตํ นินฺนํ สมฺปวงฺกนฺติ ปาปสมฺปวงฺโก. ปเสนทิโกสลสฺส ^๓- สาริปุตฺตตฺเถราทีนํ วเสน กลฺยาณมิตฺตาทิตา เวทิตพฺพา. ทุกฺขํ เสสฺสตีติ ^๔- ชิตานิ หตฺถิอาทีนิ อนุโสจนฺโต ทุกฺขํ สยิสฺสติ. ^๕- อิทํ ภควา ปุน ตสฺส ชยการณํ ทิสฺวา อาห. ชยํ เวรํ ปสวตีติ ชินนฺโต เวรํ ปสวติ, เวริปุคฺคเล ^๖- ลภติ. จตุตฺถํ. ๕. ทุติยสงฺคามสุตฺตวณฺณนา [๑๒๖] ปญฺจเม อพฺภุยฺยาสีติ ปราชเย ครหปฺปตฺโต "อารามํ คนฺตฺวา ภิกฺขูนํ กถาสลฺลาปํ สุณถา"ติ ^๗- รตฺติภาเค พุทฺธรกฺขิเตน นาม วุฑฺฒปพฺพชิเตน ธมฺมรกฺขิตสฺส วุฑฺฒปพฺพชิตสฺส "สเจ ราชา อิมญฺจ อุปายํ กตฺวา คจฺเฉยฺย, ปุน ชิเนยฺยา"ติ วุตฺตชยการณํ สุตฺวา อภิอุยฺยาสิ. ยาวสฺส อุปกปฺปตีติ ยาว ตสฺส อุปกปฺปติ สยฺหํ โหติ. ยทา จญฺเญติ ยทา จญฺเญ. ^๘- วิลุมฺปนฺตีติ ตํ วิลุมฺปิตฺวา ฐิตปุคฺคลํ วิลุมฺปนฺติ. วิลุมฺปตีติ ^๙- วิลุมฺปิยติ. ฐานญฺหิ มญฺญตีติ "การณนฺ"ติ หิ มญฺญติ. ยทาติ ยสฺมึ กาเล. เชตารํ ลภเต ชยนฺติ ชยนฺโต ปุคฺคโล ปจฺฉา เชตารมฺปิ ลภติ. โรเสตารนฺติ ฆเฏตารํ. โรสโกติ ฆฏโก. ^๑๐- กมฺมวิวฏฺเฏนาติ กมฺมปริณาเมน, ตสฺส วิลุมฺปนกมฺมสฺส วิปากทาเนน. โส วิลุตฺโต วิลุมฺปตีติ โส วิลุมฺปโก วิลุมฺปิยติ. ปญฺจมํ. ๖. มลฺลิกาสุตฺตวณฺณนา [๑๒๗] ฉฏฺเฐ อุปสงฺกมีติ มลฺลิกาย เทวิยา คพฺภวุฏฺฐานกาเล ปสูติฆรํ ^๑๑- ปฏิชคฺคาเปตฺวา อารกฺขํ ทตฺวา อุปสงฺกมิ. อนตฺตมโน อโหสีติ "ทุคฺคตกุลสฺส @เชิงอรรถ: ^๑ ฉ.ม. อยํ สทฺโท น ทิสฺสติ ^๒ ฉ.ม. เตเยวสฺส ^๓ ฉ.ม. ปเสนทิสฺส @^๔ ฉ.ม. เสตีติ ^๕ ม. สยติ ^๖ ฉ.ม., อิ. เวริปุคฺคลํ ^๗ ฉ.ม., อิ. สุณาถาติ @^๘ ฉ.ม., อิ. อญฺเญ ^๙ ฉ.ม. วิลุปฺปตีติ ^๑๐ ฉ.ม., อิ. ฆฏฺฏโก ^๑๑ ฉ.ม. สูติฆรํ

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๔๗. http://84000.org/tipitaka/read/attha_page.php?book=11&page=147&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3834&modeTY=2&pagebreak=1 http://84000.org/tipitaka/atthapali/th_line.php?B=11&A=3834&modeTY=2&pagebreak=1#p147