อรรถกถาเล่มที่ ๑๑ หน้าที่ ๑๕๒.

วจสายตฺเถ ^๑- นิปาโต. อปฺปมาทํ ปสํสนฺตีติ อปฺปมาทํ วณฺณยนฺติ, ตสฺมา อปฺปมาโท กาตพฺโพ. อตฺถาภิสมยาติ อตฺถปฏิลาภา. อฏฺฐมํ. ๙. ปฐมอปุตฺตกสุตฺตวณฺณนา [๑๓๐] นวเม ทิวาทิวสฺสาติ ทิวสสฺส ทิวา, มชฺฌนฺติกสมเยติ อตฺโถ. สาปเตยฺยนฺติ ธนํ. โก ปน วาโท รูปิยสฺสาติ สุวณฺณรชตตมฺพโลห- กาฬโลหผาลกจฺฉกาทิเภทสฺส ฆนกตสฺส ^๒- เจว ปริโภคภาชนาทิเภทสฺส จ รูปิยภณฺฑสฺส โก ปน ^๓- วาโท, "เอตฺตกํ นามา"ติ กา ปริจฺเฉทกถาติ อตฺโถ. กาณาชกนฺติ ^๔- สโกณฺฑภตฺตํ. ^๕- พิลงฺคทุติยนฺติ กญฺชิกทุติยํ. สาณนฺติ สาณวากมยํ. ติปกฺขวสนนฺติ ตีณิ ขณฺฑานิ ทฺวีสุ ฐาเนสุ สิพฺพิตฺวา กตนิวาสนํ. อสปฺปุริโสติ ลามกปุริโส. อุทฺธคฺคิกนฺติอาทีสุ อุปรูปริภูมีสุ ผลทานวเสน อุทฺธํ อคฺคมสฺสาติ อุทฺธคฺคิกา. สคฺคสฺส หิตา ตตฺรุปปตฺติชนนโตติ โสวคฺคิกา. นิพฺพตฺตนิพฺพฏฺฐาเนสุ ^๖- สุโข วิปาโก อสฺสาติ สุขวิปากา. สุฏฺฐุ อคฺคานํ ทิพฺพวณฺณาทีนํ วิเสสานํ นิพฺพตฺตนโต สคฺคสํวตฺตนิกา. เอวรูปํ ทกฺขิณทานํ น ปติฏฺฐเปตีติ. สาโตทกาติ มธุโรทกา. เสตกาติ ^๗- วีจีนํ ภินฺนฏฺฐาเน อุทกสฺส เสตตาย เสตกา. ^๗- สุปติตฺถาติ สุนฺทรติตฺถา. ตญฺชโนติ เยน อุทเกน สา ^๘- สาโตทกา, ตํ อุทกํ ชโน ภาชนานิ ปูเรตฺวา เนว หเรยฺย. น ยถาปจฺจยํ วา กเรยฺยาติ ยํ ยํ อุทเกน อุทกกิจฺจํ กาตพฺพํ, ตํ ตํ น กเรยฺย. ตทเปยฺยมานนฺติ ตํ อเปยฺยมานํ. กิจฺจกโร จ โหตีติ อตฺตโน กมฺมนฺตกิจฺจกโร ^๙- เจว กุสลกิจฺจกโร จ, ภุญฺชติ จ, กมฺมนฺเต จ ปโยเชติ, ทานญฺจ เทตีติ อตฺโถ. นวมํ. ๑๐. ทุติยอปุตฺตกสุตฺตวณฺณนา [๑๓๑] ทสเม ปิณฺฑปาเตน ปฏิปาเทสีติ ปิณฺฑปาเตน สทฺธึ สํโยเชสิ, ปิณฺฑปาตํ อทาสีติ อตฺโถ. ปกฺกามีติ เกนจิเทว ราชูปฏฺฐานาทิกิจฺเจน คโต. @เชิงอรรถ: ^๑ ฉ.ม. ววสฺสคฺคตฺเถ ^๒ สี. ฆนกสฺส ^๓ ฉ.ม., อิ. ปน โก ^๔ ฉ.ม., อิ. กณาชกนฺติ @^๕ ฉ.ม., อิ. สกุณฺฑกภตฺตํ ^๖ ฉ.ม., อิ. นิพฺพตฺตฏฺฐาเนสุ ^๗ ฉ.ม. เสโตทกา @^๘ ฉ.ม. อยํ ปาโฐ น ทิสฺสติ ^๙ ฉ.ม. อตฺตนา กตฺตพฺพกิจฺจกโร

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๕๒. http://84000.org/tipitaka/read/attha_page.php?book=11&page=152&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3965&modeTY=2&pagebreak=1 http://84000.org/tipitaka/atthapali/th_line.php?B=11&A=3965&modeTY=2&pagebreak=1#p152