อรรถกถาเล่มที่ ๑๑ หน้าที่ ๓๒๗.

วิรวึสุ. สกฺโก ตํ สุตฺวา "กสฺส สทฺโท ตาตา"ติ มาตลึ ปุจฺฉิ. รถสทฺทํ เต เทว สุตฺวา สุปณฺณา ปลายิตุํ อสกฺโกนฺตา วิรวนฺตีติ. ตํ สุตฺวา กรุณาสมาปชฺชิตทหโย ^๑- อภาสิ. อีสามุเขนาติ รถสฺส อีสามุเขน. ยถา กุลาวเก อีสามุขํ น สญฺจุณฺเณติ, เอวํ อิมินา อีสามุเขน เต ปริวชฺชย. โส หิ รโถ ปุญฺญปจฺจยนิพฺพตฺโต จกฺกวาฬปพฺพเตปิ สิเนรุมฺหิปิ สมฺมุขีภูเต นิพฺพิชฺฌิตฺวาว ^๒- คจฺฉติ น สชฺชติ, อากาเส คมนวเสเนว ^๓- คจฺฉติ. สเจ เตน สิมฺพลิวเนน คโต ภเวยฺย, ยถา มหาสกเฏ กทลิวนมชฺเฌน วา เอรณฺฑวนมชฺเฌน วา คจฺฉนฺเต สพฺพํ วนํ วิภคฺคํ นิมฺมถิตํ โหติ, เอวํ ตํปิ สิมฺพลิวนํ ภเวยฺย. ฉฏฺฐํ. ๗. นทุพฺภิยสุตฺตวณฺณนา [๒๕๓] สตฺตเม อุปสงฺกมีติ "อยํ สกฺโก `โยปิ เม อสฺส สุปจฺจตฺถิโก, ตสฺสปาหํ น ทุพฺเภยฺยนฺ'ติ จินฺเตติ, มยา ตสฺส ปจฺจตฺถิกตโร นาม นตฺถิ, วีมํสิสฺสามิ ตาว นํ, กึ นุ โข มํ ปสฺสิตฺวา ทุพฺภติ, น ทุพฺภตี"ติ จินฺเตตฺวา อุปสงฺกมิ. ติฏฺฐ เวปจิตฺติ คหิโตสีติ เวปจิตฺติ เอตฺเถว ^๔- ติฏฺฐ, คหิโต ตฺวํ มยาติ วทติ. สห วจเนน จสฺส ^๕- โส กณฺฐปญฺจเมหิ พนฺธเนหิ พทฺโธว อโหสิ. สปสฺสุ จ เมติ มยิ อทุพฺภตฺถาย ^๖- สปถํ กโรหีติ วทติ. ยํ มุสา ภณโต ปาปนฺติ อิมสฺมึ กปฺเป ปฐมกปฺปิเกสุ เจติยรญฺโญ ปาปํ สนฺธายาห. อริยูปวาทิโนติ โกกาลิกสฺส วิย ปาปํ. มิตฺตทฺทุโน จ ยํ ปาปนฺติ มหากปิชาตเก มหาสตฺเต ทุฏฺฐจิตฺตสฺส ปาปํ. อกตญฺญุโนติ เทวทตฺตสทิสสฺส อกตญฺญุโน ปาปํ. อิมานิ กิร อิมสฺมึ กปฺเป จตฺตาริ มหากปฺปานิ. ^๗- สตฺตมํ. ๘. เวโรจนอสุรินฺทสุตฺตวณฺณนา [๒๕๔] อฏฺฐเม อฏฺฐํสูติ ทฺวารปาลรูปกานิ วิย ฐิตา. นิปฺปทาติ ^๘- นิปฺผตฺติ, ยาว อตฺโถ นิปฺปชฺชติ, ตาว วายเมเถวาติ วทติ. ทุติยคาถา สกฺกสฺส. @เชิงอรรถ: ^๑ สี., อิ. กรุณาสมปฺปิตหทโย, ฉ.ม. กรุณาสมาวชฺชิตหทโย @^๒ ฉ.ม., อิ. วินิวิชฺฌิตฺวาว ^๓ ฉ.ม., อิ. อากาสคตสทิเสเนว ^๔ สี. เอตฺโตว @^๕ ฉ.ม. สห วจเนเนวสฺส ^๖ สี. อทุพฺภนตาย, ม. อทฺรุพฺภตฺตาย, อิ. อทพฺภตฺตาย @^๗ ฉ.ม. มหาปาปานิ, อิ. มหาปาปานีติ ^๘ ฉ.ม., อิ. นิปฺผทาติ

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๒๗. http://84000.org/tipitaka/read/attha_page.php?book=11&page=327&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8438&modeTY=2&pagebreak=1 http://84000.org/tipitaka/atthapali/th_line.php?B=11&A=8438&modeTY=2&pagebreak=1#p327