อรรถกถาเล่มที่ ๑๑ หน้าที่ ๘๘.

วตฺวา สิลาถมฺโภ วิย ขาณุโก วิย จ ถทฺโธ หุตฺวา ติฏฺฐติ, สามีจิมฺปิ น กโรติ. กทริยาติ อิทํ มจฺฉริโนติ ปทสฺเสว เววจนํ. มุทุกํปิ หิ มจฺฉริยํ "มจฺฉริยนฺ"เตฺวว วุจฺจติ, ถทฺธํ ปน กทริยํ นาม. ปริภาสกาติ ภิกฺขู ฆรทฺวาเร ฐิเต ทิสฺวา "กึ ตุเมฺห กสิตฺวา อาคตา, วปฺปิตฺวา, ลายิตฺวา, มยํ อตฺตโนปิ น ลภาม, กุโต ตุมฺหากํ, สีฆํ นิกฺขมถา"ติอาทีหิ สนฺตชฺชิตฺวา. ^๑- อนฺตรายกราติ ทายกสฺส สคฺคนฺตราโย, ปฏิคฺคาหกานํ ลาภนฺตราโย, อตฺตโน อุปฆาโตติ อิเมสํ อนฺตรายานํ การกา. สมฺปราโยติ ปรโลโก. รตีติ ปญฺจกามคุณรติ. ขิฑฺฑาติ กายิกขิฑฺฑาทิกา ติวิธา ขิฑฺฑา. ทิฏฺเฐ ธมฺเม ส วิปาโกติ ตสฺมึ นิพฺพตฺตฏฺฐาเน ^๒- ทิฏฺเฐ ธมฺเม เอส วิปาโก. สมฺปราเย จ ทุคฺคตีติ "ยมโลกํ อุปปชฺชเร"ติ วุตฺเต สมฺปราเย จ ทุคฺคติ. วทญฺญูติ ภิกฺขู ฆรทฺวาเร ฐิตา กิญฺจาปิ ตุณฺหี ว โหนฺติ, อตฺถโต ปน "ภิกฺขํ เทถา"ติ วทนฺติ นาม. ตตฺร เย "มยํ ปจาม, อิเม ^๓- น ปจนฺติ, ปจมาเน ปตฺวา อลภนฺตา กุหึ ลภิสฺสนฺตี"ติ เทยฺยธมฺมํ สํวิภชนฺติ. เต วทญฺญู นาม. ปกาเสนฺตีติ วิมานปฺปภาย โชตนฺติ. ปรสมฺภเตสูติ ปเรหิ สมฺปิณฺฑิเตสุ. สมฺปราเย จ สุคฺคตีติ "เอเต มคฺคา"ติ ^๔- เอวํ วุตฺตสมฺปราเย สุคติ. อุภินฺนํปิ วา เอเตสํ ตโต จวิตฺวา ปุน สมฺปราเยปิ ทุคฺคติสุคติเยว จ โหนฺตีติ. นวมํ. ๑๐. ฆฏีการสุตฺตวณฺณนา [๕๐] ทสเม อุปปนฺนาเสติ นิพฺพตฺติวเสน อุปคตา. วิมุตฺตาติ อวิหา- พฺรหฺมโลกสฺมึ อุปปตฺติสมนนฺตรา ^๕- อรหตฺตผลวิมุตฺติยา วิมุตฺตา. มานุสํ เทหนฺติ อิธ ปญฺโจรมฺภาคิยสํโยชนานิ เอวํ ^๖- วุตฺตานิ. ทิพฺพโยคนฺติ ปญฺจ อุทฺธมฺภาคิย- สํโยชนานิ. อุปจฺจคุนฺติ อติกฺกมึสุ. อุปโกติอาทีนิ เตสํ เถรานํ นามานิ. กุสลี ภาสสิ เตสนฺติ "กุสลนฺ"ติ อิทํ วจนํ อิมสฺส อตฺถีติ กุสลี, เตสํ เถรานํ @เชิงอรรถ: ^๑ ฉ.ม. สํตชฺชกา, ม. สํตชฺชิตา, อิ. สนฺตชฺเชตฺวา ^๒ ฉ.ม. นิพฺพตฺตภวเน @^๓ ฉ.ม. อิเม ปน ^๔ ฉ.ม., อิ. สคฺคา"ติ ^๕ ฉ.ม....สมนนฺตรเมว ^๖ ฉ.ม. เอว

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๘๘. http://84000.org/tipitaka/read/attha_page.php?book=11&page=88&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2310&modeTY=2&pagebreak=1 http://84000.org/tipitaka/atthapali/th_line.php?B=11&A=2310&modeTY=2&pagebreak=1#p88