อรรถกถาเล่มที่ ๑๑ หน้าที่ ๙๒.

๗. อทฺธวคฺค ๑. นามสุตฺตวณฺณนา [๖๑] อทฺธวคฺคสฺส ^๑- ปฐเม นามํ สพฺพํ อทฺธภวีติ ^๒- นามํ สพฺพํ อภิภวติ อนุปตติ. โอปปาติเกน พาหิรกิติเมน ^๓- นาเมน มุตฺโต สตฺโต วา สงฺขาโร วา นตฺถิ. ยสฺสปิ หิ รุกฺขสฺส วา ปาสาณสฺส วา "อิทํ นาม นามนฺ"ติ น ชานนฺติ, อนามโกเตฺวว ตสฺส นามํ โหติ. ปฐมํ. ๒-๓. จิตฺตสุตฺตาทิวณฺณนา [๖๒-๖๓] ทุติเย สพฺเพว วสมนฺวคูติ เย จิตฺตสฺส วสํ คจฺฉนฺติ, เตสํเยว อนวเสสปริยาทานเมตํ. ตติเยปิ เอเสว นโย. ทุติยํ. ๔-๕. สํโยชนสุตฺตวณฺณนา [๖๔-๖๕] จตุตฺเถ กึสุ สํโยชโนติ กึสํโยฺโน กึพนฺธโน. วิจรณนฺติ ^๔- วิจรณา ปาทา ^๕- พหุวจเน เอกวจนํ กตํ. วิตกฺกสฺส วิจรณาติ ^๔- วิตกฺโก ตสฺส ปาทา. ปญฺจเมปิ เอเสว นโย. ปญฺจมํ. ๖. อตฺตหตสุตฺตวณฺณนา [๖๖] ฉฏฺเฐ เกนสฺสุ อพฺภาหโตติ เกน อพฺภาหโต. สุกาโร นิปาตมตฺตํ. อิจฺฉาธูมายิโตติ ^๖- อิจฺฉาย อาทิตฺโต. ฉฏฺฐํ. ๗-๙. อุฑฺฑิตสุตฺตาทิวณฺณนา [๖๗-๖๙] สตฺตเม ตณฺหาย อุฑฺฑิโตติ ตณฺหาย อุลฺลงฺฆิโต. จกฺขุํ หิ ตณฺหารชฺชุนา อาวุนิตฺวา รูปนาคทนฺเต อุฑฺฑิตํ, โสตาทีนิ สทฺทาทีสูติ ตณฺหาย อุฑฺฑิโต โลโก. มจฺจุนา ปิหิโตติ อนนฺตเร อตฺตภาเว กตํ กมฺมํ น ทูรํ เอกจิตฺตนฺตรํ, พลวติยา ปน มรณนฺติกเวทนาย ปพฺพเตน วิย โอตฺถฏตฺตา สตฺตา ตํ น พุชฺฌนฺตีติ "มจฺจุนา ปิหิโต โลโก"ติ วุตฺตํ. สตฺตมํ. @เชิงอรรถ: ^๑ ก. อนฺธ..., สี., อิ. อนฺว... ^๒ ก. อนฺธภวีติ @^๓ ฉ.ม., อิ....วา หิ กิตฺติเมน วา ^๔-๔ ฉ.ม., อิ.วิจารณนฺติ @^๕ ฉ.ม., อิ. ปาทานิ ^๖ ฉ.ม. อิจฺฉาธูปายิโต

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๙๒. http://84000.org/tipitaka/read/attha_page.php?book=11&page=92&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2415&modeTY=2&pagebreak=1 http://84000.org/tipitaka/atthapali/th_line.php?B=11&A=2415&modeTY=2&pagebreak=1#p92