ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๖๓.

                          ๓. สุภสุตฺตวณฺณนา
      [๑๓๙] ตติเย สุสํวุตาติ สุปิหิตา. น เต มารวสานุคาติ มาร เต
ตุยฺหํ วสานุคา น โหนฺติ. น เต มารสฺส ปจฺจคูติ ๑- เต ตุยฺหํ มารสฺส
พนฺธปรา ๒- สิสฺสา อนฺเตวาสิกา น โหนฺติ. ตติยํ.
                      ๔. ปฐมมารปาสสุตฺตวณฺณนา
      [๑๔๐] จตุตฺเถ โยนิโสมนสิการาติ อุปายมนสิกาเรน. โยนิโสสมฺมปฺปธานาติ
อุปายวิริเยน การณวิริเยน. วิมุตฺตีติ อรหตฺตผลวิมุตฺติ. อชฺฌภาสีติ
"อยํ อตฺตนา วิริยํ กตฺวา อรหตฺตํ ปตฺวาปิ น ตุสฺสติ, อิทานิ อญฺเญสํปิ
`ปาปุณถา'ติ ๓- อุสฺสาหํ กโรติ, ปฏิพาหิสฺสามิ นนฺ"ติ จินฺเตตฺวา อภาสิ.
      มารปาเสนาติ กิเลสปาเสน. เย ทิพฺพา เย จ มานุสาติ เย
ทิพฺพกามคุณสงฺขาตา มานุสกกามคุณสงฺขาตา จ มารปาสา นาม อตฺถิ, สพฺเพหิ
เตหิ ตฺวํ พนฺโธติ ๔- วทติ. มารพนฺธนพนฺโธติ มารพนฺธเนน พนฺโธ,
มารพนฺธเน วา พนฺโธ. น เม สมณ โมกฺขสีติ สมณ ตฺวํ มม วิสยโต น
มุจฺจิสฺสสิ. จตุตฺถํ.
                       ๕. ทุติยมารปาสสุตฺตวณฺณนา
       [๑๔๑] ปญฺจเม มุตฺตาหนฺติ มุตฺโต อหํ. ปุริมสุตฺตํ อนฺโตวสฺเส วุตฺตํ,
อิทํ ปน ปวาเรตฺวา วุฏฺฐวสฺสกาเล. จาริกนฺติ อนุปุพฺพคมนจาริกํ. ทิวสํ ๕-
โยชนปรมํ คจฺฉนฺตา จรถาติ วทติ. มา เอเกน เทฺวติ เอกมคฺเคน เทฺว ชนา
มา อคมิตฺถ. เอวํ หิ คเตสุ เอกสฺมึ ธมฺเม เทเสนฺเต เอเกน ตุณฺหีภูเตน
ฐาตพฺพํ โหติ. ตสฺมา เอวมาห.
       อาทิกลฺยาณนฺติ อาทิมฺหิ กลฺยาณํ สุนฺทรํ ภทฺทกํ. ตถา มชฺฌปริโยสาเนสุ
อาทิมชฺฌปริโยสานํ จ นาเมตํ สาสนสฺส จ เทสนาย จ วเสน
ทุพฺพิธํ. ตตฺถ สาสนสฺส สีลํ อาทิ, สมถวิปสฺสนามคฺคา มชฺฌํ, ผลนิพฺพานานิ
@เชิงอรรถ:  ฉ.ม. พทฺธคู                ฉ.ม., พทฺธจรา       ฉ.ม., อิ. ปาปุณาถ
@ ฉ.ม.,อิ. พทฺโธติ. เอวมุปริปิ        ฉ.ม., อิ. ทิวเส ทิวเส



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๖๓. http://84000.org/tipitaka/read/attha_page.php?book=11&page=163&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=4252&modeTY=2&pagebreak=1 http://84000.org/tipitaka/atthapali/th_line.php?B=11&A=4252&modeTY=2&pagebreak=1#p163


จบการแสดงผล หน้าที่ ๑๖๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]