ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๘๓.

                         ๖. จาลาสุตฺตวณฺณนา
      [๑๖๗] ฉฏฺเ โก นุ ตฺวํ อิทมาทปยีติ โก นุ มนฺทพุทฺธี พาโล ตํ
เอวํ คาหาเปสิ. ปริเกฺลสนฺติ อญฺปิ นานปฺปการํ อุปทฺทวํ. อิทานิ ยํ มาโร
อาห "โก นุ ตฺวํ อิทมาทปยี"ติ, ตํ มทฺทนฺตี "น มํ อนฺธพาโล อาทเปสิ,
โลเก ปน อคฺคปุคฺคโล สตฺถา ธมฺมํ เทเสสี"ติ ทสฺเสตุํ พุทฺโธติอาทิมาห.
ตตฺถ สจฺเจ นิเวสยีติ ปรมตฺถสจฺเจ นิพฺพาเน นิเวเสสิ. นิโรธํ อปฺปชานนฺตาติ
นิโรธสจฺจํ อชานนฺตา. ฉฏฺ.
                        ๗. อุปจาลาสุตฺตวณฺณนา
       [๑๖๘] สตฺตเม เอนฺติ มารวสํ ปุนาติ ปุนปฺปุนํ มรณมารกิเลสมาร-
เทวปุตฺตมารานํ วสํ อาคจฺฉนฺติ. ปธูปิโตติ สนฺตาปิโต. อคติ ยตฺถ
มารสฺสาติ ยตฺถ ตุยฺหํ มารสฺส อคติ. ตตฺถาติ ตสฺมึ นิพฺพาเน. สตฺตมํ.
                       ๘. สีสุปจาลาสุตฺตวณฺณนา
       [๑๖๙] อฏฺเม สมณี วิย ทิสฺสสีติ สมณีสทิสา ทิสฺสสิ. กิมิว จรสิ
โมมูหาติ กึการณา โมมูหา วิย จรสิ. อิโต พหิทฺธาติ อิมมฺหา สาสนา
พหิทฺธา. ๑- ปาสํ เฑนฺตีติ ๒- ปาสณฺฑา, สตฺตานํ จิตฺเตสุ ทิฏฺิปาสํ ขิปนฺตีติ
อตฺโถ. สาสนํ ปน ปาเส โมเจสิ, ๓- ตสฺมา ปาสณฺโฑติ น วุจฺจติ, อิโต
พหิทฺธาเยว ปาสณฺฑา โหนฺติ. สํสีทนฺตีติ ๔- สํสีทนฺติ ลคฺคนฺติ.
        อิทานิ "กํ นุ อุทฺทิสฺส มณฺฑาสี"ติ ปญฺหํ กเถนฺตี อตฺถิ สกฺยกุเล
ชาโตติอาทิมาห. ตตฺถ สพฺพาภิภูติ สพฺพานิ ขนฺธายตนธาตุภวโยนิคติอาทีนิ
อภิภวิตฺวา ิโต. มรณมาราทโย นุทิ นีหรีติ มารนุโท. สพฺพตฺถมปราชิโตติ
สพฺเพสุ ราคาทีสุ วา มารยุทฺเธ วา อชฺชิโต. สพฺพตฺถ มุตฺโตติ สพฺเพสุ
ขนฺธาทีสุ มุตฺโต. อสิโตติ ตณฺหาทิฏฺินิสฺสเยน อนิสฺสิโต. สพฺพกมฺมกฺขยนฺติ
สพฺพกมฺมกฺขยสงฺขาตํ อรหตฺตํ ปตฺโต. อุปธิสงฺขเยติ อุปธิสงฺขยสงฺขาเต นิพฺพาเน
อารมฺมณโต วิมุตฺโต. อฏฺมํ.
@เชิงอรรถ:  ฉ.ม. พหิ      อิ. ปาสํ โอฑฺเฑนฺตีติ     ฉ.ม. โมเจติ    ฉ.ม. ปสีทนฺตีติ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๘๓. http://84000.org/tipitaka/read/attha_page.php?book=11&page=183&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=4762&pagebreak=1 http://84000.org/tipitaka/atthapali/th_line.php?B=11&A=4762&pagebreak=1#p183


จบการแสดงผล หน้าที่ ๑๘๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]