บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 193.
Dasahi angulihi dasasupi cakkavalasahassesu alokam pharati, so imina silasampannataroti vattum ma labhatuti 1- samarake sabrahmaketi visum vuttam. Tatha samana nama ekanikayadivasena bahussuta silavanto pandita, brahmanapi vatthuvijjadivasena bahussuta pandita, te imina silasampannataranti vattum ma labhatuti sassamanabrahmaniya pajayati vuttam. Sadevamanussayati idam pana nippadesato dassanattham gahitameva gahetva vuttam. Apicettha purimani tini padani lokavasena vuttani, pacchimani dve pajavasena. Silasampannataranti silena sampannataram, adhikataranti attho. Sesesupi eseva nayo. Ettha ca siladayo cattaro dhamma lokiyalokuttara kathita, vimuttinanadassanam lokiyameva. Paccavekkhanananam hetam. Paturahositi "ayam sattha avicito yava bhavagga siladihi attano 2- adhikataram apassanto `maya patividdham navalokuttaradhammameva sakkatva garum katva upanissaya viharissami"ti cinteti, karanam bhagavapi cantetipi, atthavisesam 3- cinteti, gacchamissa ussaham janessami"ti cintetva purato pakato ahosi, abhimukhe atthasiti attho. Viharimsu viharanti cati ettha yo vadeyya "viharantiti vacanato paccuppannepi bahu buddha"ti, so "bhagavapi bhante etarahi araham sammasambuddho"ti imina vacanena patibahitabbo. "na me acariyo atthi sadiso me na vijjati sadevakasmim lokasmim natthi me patipuggalo"ti 4- adihi panassa suttehi annesam buddhanam abhavo dipetabbo. Tasmati yasma sabbepi buddha saddhammagaruno, tasma. Mahattamabhikankhatati mahantabhavam patthayamanena. Saram buddhana sasananti buddhanam sasanam sarantena. Dutiyam. @Footnote: 1 Si. labhantuti 2 cha.Ma. attana @3 cha.Ma. attham vuddhivisesam, Si. atthavuddhivisesam, tika. attham vuddhim visesam @4 vinaYu. maha. 4/11/11 pancavaggiyakatha, Ma. mu. 12/285/246 pasarasisuttaThe Pali Atthakatha in Roman Character Volume 11 Page 193. http://84000.org/tipitaka/read/attha_page.php?book=11&page=193&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=5013&modeTY=2&pagebreak=1 http://84000.org/tipitaka/atthapali/rm_line.php?B=11&A=5013&modeTY=2&pagebreak=1#p193
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]