Nama. Sattannam sekkhanam 1- tasati vattum na sakka, thavara na honti,
bhajapayamana 2- pana thavarapakkhameva bhajanti. So tyahutinti so te ahutim.
Visenibhutoti kilesasenaya viseno jato. Anejoti nittanho. Susiloti
khinasavasilena susilo. Suvimuttacittoti phalavimuttiya sutthu vimuttacitto.
Oghatinnanti cattaro oghe tinnam. Ettakena kathamaggena brahma therassa
vannam kathento ayatane brahmanim niyyojesi. Avasanagatha pana sangitikarehi
thapita. Patitthapesi dakkhinanti catupaccayadakkhinam patitthapesi. Sukhamayatikanti
sukhayatikam ayatim sukhavipakam, sukhavahanti attho. Tatiyam.
4. Bakabrahmasuttavannana *-
[175] Catutthe papakam ditthigatanti lamaka 3- sassataditthi. Idam niccanti.
Idam sahokasena 4- brahmatthanam aniccam "niccan"ti vadati. Dhuvantiadini 5-
tasseva vevacanani. Tattha dhuvanti thiram. Sassatanti sada vijjamanam. Kevalanti
akhandam kevalam. 6- Acavanadhammanti acavanasabhavam. Idam hi na jayatitiadisu imasmim
thane koci jayanako va jiyanako va miyanako va cavanako va upapajjanako
va natthitam sandhaya vadati. Ito ca panannanti ito sahokasa 7- brahmatthana
uttarim annam nissaranam nama natthiti. Evampissa 8- thamagata sassataditthi uppanna
hoti. Evam vadi ca pana so upari tisso jhanabhumiyo cattaro magge
cattari phalani nibbananti sabbam patibahati. Kada pana sa ditthi uppannati?
pathamajjhanabhumiyam nibbattakale. Dutiyajjhanabhumiyanti eke.
Tatrayam anupubbikatha:- hetthupapattiko kiresa brahma anuppanne
buddhuppade isipabbajjam pabbajitva kasinaparikammam katva samapattiyo
nibbattetva aparihinajjhano kalam katva catutthajjhanabhumiyam vehapphale brahmaloke
pancakappasatikam ayum gahetva nibbatti. Tattha yavatayukam thatva hetthupapattikam
@Footnote: 1 cha.Ma. satta pana sekha 2 cha.Ma. bhajamana 3 cha.Ma., i. lamika
@4 cha.Ma., i.saha kayena 5 cha.Ma. dhuvadini, i. dhuvaditi 6 cha.Ma., i. sakalam
@7 cha.Ma. sahakaya, i. panokasa 8 cha.Ma., i. evamassa * pali. bakasutta (mahacula)
The Pali Atthakatha in Roman Character Volume 11 Page 197.
http://84000.org/tipitaka/read/attha_page.php?book=11&page=197&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=5117&modeTY=2&pagebreak=1
http://84000.org/tipitaka/atthapali/rm_line.php?B=11&A=5117&modeTY=2&pagebreak=1#p197
