บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 252.
Kilesavanam ucchinnamulam. Nibbanathoti nikkilesavano. Eko rameti ekakova abhiramami. Aratim vippahayati pantasenasanesuyeva 1- sevanaya bhavanaya ca ukkanthitam jahitva. Sattamam. 8. Katthaharasuttavannana [204] Atthame antevasikati veyyavaccam katva sippam ugganhika 2- dhammantevasika. Nisinnanti chabbannarasmiyo vissajjetva nisinnam. Gambhirarupeti gambhirasabhave. Bahubheraveti tatratthakasavinnanakavinnanakabheravehi bahubherave. Vigahiyati anupavisitva. Aninjamanenatiadini kayavisesanani, evarupena kayenati attho. Sucarurupam vatati atisundaram vata jhanam jhayasiti vadati. Vanavassito muniti vanam avassito buddhamuni. Idanti idam tumhakam evam vane nisinnakaranam mayham accherarupam patibhati. Pitimanoti tutthacitto. Vane vaseti vanamhi vasi. Mannamahanti mannami aham. lokadhipatisahabyatanti lokadhipatissa mahabrahmuno sahabhavam. Akankhamanoti icchamano. Tidivam anuttaranti idam brahmalokameva sandhayaha. Kasma bhavam vijanamarannamassitoti aham tava brahmalokam akankhamanoti mannami. Yadi evam na hoti, atha me acikkha, kasma bhavanti pucchati. Brahmapattiyati setthappattiya. Idha idam tapo kasma karositi aparenapi akarena pucchati. Kankhati tanha. Abhinandanati abhinandanavasena tanhapi 3- vutta. Anekadhatusuti anekasabhavesu arammanesu. puthuti nanappakara tanha sesakilesa va. Sada sitati niccakalam vase 4- avassita. Annanamulappabhavati avijjamula hutva jata. Pajappitati tanha ca 5- "idampi mayham, idampi mayhan"ti pajappapanavasena pajappita namati vutta. Sabba maya byantikatati sabba @Footnote: 1 cha.Ma., i....senasanesu ceva 2 cha.Ma., i. sippugganhanaka 3 cha.Ma. tanhava @4 cha.Ma. ayam patho na dissati 5 cha.Ma. tanhavaThe Pali Atthakatha in Roman Character Volume 11 Page 252. http://84000.org/tipitaka/read/attha_page.php?book=11&page=252&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=6539&modeTY=2&pagebreak=1 http://84000.org/tipitaka/atthapali/rm_line.php?B=11&A=6539&modeTY=2&pagebreak=1#p252
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]