อรรถกถาเล่มที่ ๑๑ หน้าที่ ๒๕๘.

๔. อานนฺทสุตฺตวณฺณนา [๒๑๒] จตุตฺเถ ราโคติ อายสฺมา อานนฺโท มหาปุญฺโ สมฺภาวิโต, ตํ ราชราชมหามตฺตาทโย นิมนฺเตตฺวา อนฺโตนิเวสเน นิสีทาเปนฺติ. สพฺพาลงฺการ- ปฏิมณฺฑิตาปิ อิตฺถิโย เถรํ อุปสงฺกมิตฺวา วนฺทิตฺวา ตาลปณฺเณน วีชนฺติ, ^๑- อุปนิสีทิตฺวา ปญฺหํ ปุจฺฉนฺติ, ธมฺมํ สุณนฺติ. ตตฺถ อายสฺมโต วงฺคีสสฺส นวปพฺพชิตสฺส อารมฺมณํ ปริคฺคหิตุํ อสกฺโกนฺตสฺส อิตฺถีรูปารมฺมเณ ราโค จิตฺตํ อนุทฺธํเสสิ. ^๒- โส สทฺธาย ปพฺพชิตตฺตา อุชุชาติโก กุลปุตฺโต "อยํ เม ราโค วฑฺฒิตฺวา ทิฏฺธมฺมิกสมฺปรายิกํ อตฺถํ นาเสยฺยา"ติ จินฺเตตฺวา อนนฺตรํ นิสินฺโนว เถรสฺส อตฺตานํ อาวิกโรนฺโต กามราเคนาติอาทิมาห. ตตฺถ นิพฺพาปนนฺติ ราคนิพฺพานการณํ. วิปริเยสาติ วิปลฺลาเสน. สุภํ ราคูปสญฺหิตนฺติ ราคฏฺานิยํ อิฏฺารมฺมณํ. ปรโต ปสฺสาติ อนิจฺจโต ปสฺส. มา จ อตฺตโตติ อตฺตโต มา ปสฺส. กายคตา ตฺยตฺถูติ กายคตา เต อตฺถุ. อนิมิตฺตญฺจ ภาเวหีติ นิจฺจาทีนํปิ นิมิตฺตานํ อุคฺฆาฏิตตฺตา วิปสฺสนา อนิมิตฺตา นาม, ตํ ภาเวหีติ วทติ. มานาภิสมยาติ มานสฺส ทสฺสนาภิสมยา เจว ปหานาภิสมยา จ. อุปสนฺโตติ ราคาทิสนฺตตาย อุปสนฺโต. จตุตฺถํ. ๕. สุภาสิตสุตฺตวณฺณนา [๒๑๓] ปญฺจเม องฺเคหีติ การเณหิ อวยเวหิ วา. มุสาวาทาเวรมณีอาทีนิ หิ จตฺตาริ สุภาสิตวาจาย การณานิ, สจฺจวจนาทโย จตฺตาโร อวยวา. การณตฺเถ จ องฺคสทฺเท "จตูหี"ติ นิสฺสกฺกวจนํ โหติ, อวยวตฺเถ กรณวจนํ. สมนฺนาคตาติ สมนุอาคตา ปวตฺตา ยุตฺตา จ. วาจาติ สมุลฺลปนวาจา, ยา สา ^๓- "วาจา คิรา พฺยปฺปโถ"ติ ^๔- จ, "เนลา กณฺณสุขา"ติ ^๕- จ อาคตา. "ยา ปน วาจาย เจ กตํ กมฺมนฺ"ติ เอวํ วิญฺตฺติวาจา จ, ^๖- "ยา จตูหิ วจีทุจฺจริเตหิ อารติ ฯเปฯ อยํ วุจฺจติ สมฺมาวาจา"ติ ^๗- เอวํ วิรติ จ, "ผรุสา ภิกฺขเว วาจา อาเสวิตา @เชิงอรรถ: ^๑ ฉ.ม. ตาลวณฺเฏน พีเชนฺติ, อิ....วีเชนฺติ ^๒ ฉ.ม. อนุทฺธํเสติ @^๓ ฉ.ม. อยํ ปาโ น ทิสฺสติ ^๔ อภิ. สงฺคณิ. ๓๔/๖๓๖/๑๙๕ รูปกณฺฑ @^๕ ที. สี. ๙/๙,๑๙๔/๔,๖๔ ^๖ ฉ.ม. วิญฺตฺติ จ @^๗ อภิ. วิภงฺค. ๓๕/๒๐๖/๑๒๗ สจฺจวิภงฺค

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๕๘. http://84000.org/tipitaka/read/attha_page.php?book=11&page=258&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=6673&pagebreak=1 http://84000.org/tipitaka/atthapali/th_line.php?B=11&A=6673&pagebreak=1#p258