บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑) หน้าที่ ๒๖๒.
ภาสติ. ขนฺธาทิเทสนาสุปิ เอเสว นโย. สาลิกายิว นิคฺโฆโสติ ยถา มธุรํ อมฺพปกฺกํ สายิตฺวา ปกฺเขหิ วาตํ ทตฺวา มธุรสรํ นิจฺฉาเรนฺติยา สาลิกาย สกุณิยา นิคฺโฆโส, เอวํ เถรสฺส ธมฺมํ กเถนฺตสฺส มธุโร นิคฺโฆโส โหติ. ปฏิภาณํ อุทีรยีติ สมุทฺทโต อูมิโย วิย อนนฺตปฏิภาณํ อุฏฺฐหติ. โอเธนฺตีติ โอทหนฺติ เต. ๑- ฉฏฺฐํ. ๗. ปวารณาสุตฺตวณฺณนา [๒๑๕] สตฺตเม ตทหูติ ตสฺมึ อหุ, ตสฺมึ ทิวเสติ อตฺโถ. อุปวสนฺติ เอตฺถาติ อุโปสโถ. อุปวสนฺตีติ จ สีเลน วา อนสเนน วา อุเปตา หุตฺวา วสนฺตีติ อตฺโถ. โส ปเนส อุโปสถทิวโส อฏฺฐมีจาตุทฺทสีปณฺณรสีเภเทน ติวิโธ, ตสฺมา เสสทฺวยนิวารณตฺถํ ปณฺณรเสติ วุตฺตํ. ปวารณายาติ วสฺสํ วุฏฺฐปวารณาย. วิสุทฺธิปวารณาติปิ เอติสฺสาว นามํ. นิสินฺโน โหตีติ สายณฺหสมเย สมฺปตฺตปริสาย กาลยุตฺตํ ธมฺมํ เทเสตฺวา อุทกโกฏฺฐเก คตฺตานิ ปริสิญฺจิตฺวา นิวตฺถนิวาสโน เอกํสํ สุคตมหาจีวรํ กตฺวา มชฺฌิมตฺถมฺภํ นิสฺสาย ปญฺญตฺเต ปวรพุทฺธาสเน ๒- ปุริมทิสายํ อุฏฺฐหโต จนฺทมณฺฑลสฺส สิรึ สิริยา อภิภวมาโน นิสินฺโน โหติ. ตุณฺหีภูตนฺติ ๓- ยโต ยโต อนุวิโลเกติ, ตโต ตโต ตุณฺหีภูตเมว. ตตฺถ หิ เอกภิกฺขุสฺสาปิ หตฺถกุกฺกุจฺจํ วา ปาทกุกฺกุจฺจํ วา นตฺถิ, สพฺเพ นิรวา สนฺเตน อิริยาปเถน นิสีทึสุ. อนุวิโลเกตฺวาติ ทิสฺสมานปญฺจปฺปสาเทหิ เนตฺเตหิ อนุวิโลเกตฺวา. หนฺทาติ โวสฺสคฺคตฺเถ นิปาโต. น จ เม กิญฺจิ ครหถาติ เอตฺถ น จ ปุจฺฉนตฺเถ นกาโร. กึ เม กิญฺจิ ครหถ, ยทิ ครถ, วเทถ, กิญฺจีติ อิจฺฉาเปมิ ๔- โว วตฺตุนฺติ อตฺโถ. กายิกํ วา วาจสิกํ วาติ อิมินา กายวจีทฺวาราเนว ปวาเรติ, น มโนทฺวารํ, กสฺมา? อปากฏตฺตา. กายวจีทฺวาเรสุ หิ โทโส ปากโฏ โหติ, น มโนทฺวาเร. เอกมญฺเจ สยโตปิ หิ "กึ จินฺเตสี"ติ ปุจฺฉิตฺวา จิตฺตวารํ ๕- ชานาติ, อิติ มโนทฺวารํ อปากฏตฺตา น ปวาเรติ, โน @เชิงอรรถ: ๑ ฉ. ม., อิ. เตติ ปาโฐ น ทิสฺสติ @๒ ฉ. ม. ปญฺญตฺเต วรพุทฺธาสเน, อิ. ปญฺญตฺตวรพุทฺธาสเน @๓ ฉ. ม. ตุณฺหีภูตํ ตุณฺหีภูตนฺติ ๔ ม. อิจฺฉามิ ๕ ฉ.ม., อิ.จิตฺตาจารํเนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๖๒. http://84000.org/tipitaka/read/attha_page.php?book=11&page=262&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=6783&modeTY=2&pagebreak=1 http://84000.org/tipitaka/atthapali/th_line.php?B=11&A=6783&modeTY=2&pagebreak=1#p262
จบการแสดงผล หน้าที่ ๒๖๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]