บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑) หน้าที่ ๒๙๕.
จกฺขุมาติ ปญฺจหิ จกฺขูหิ จกฺขุมา. ธมฺมํ เทเสนฺโตเยว ภควา ปริสํ สลฺลกฺขยมาโน ตสฺสา ยกฺขินิยา เจว ยกฺขทารกสฺส จ โสตาปตฺติผลสฺส อุปนิสฺสยํ ทิสฺวา เทสนํ วินิวฏฺเฏตฺวา จตุสจฺจกถํ ทีเปสิ, ๑- ตํ สุตฺวา ตสฺมึเยว ปเทเสปิ สา ยกฺขินี ๒- สทฺธึ ปุตฺเตน โสตาปตฺติผเล ปติฏฺิตา. ธีตุยาปิ ปนสฺสา อุปนิสฺสโย อตฺถิ, อติทหรตฺตา ปน เทสนํ สมฺปฏิจฺฉิตุํ นาสกฺขิ. อิทานิ สา ยกฺขินี ปุตฺตสฺส อนุโมทนํ กโรนฺตี สาธุ โข ปณฺฑิโต นามาติอาทิมาห. อชฺชาหมฺหิ สมุคฺคตาติ อหมฺหิ อชฺชโต ๓- อุคฺคตา สมุคฺคตา, สาสเน วา อุคฺคตา สมุคฺคตา, ตฺวํปิ สุขี โหหีติ. ทิฏฺานีติ มยา จ ตยา จ ทิฏฺานิ. อุตฺตราปิ สุณาตุ เมติ "อมฺหากํ จตุสจฺจปฏิเวธภาวํ ิตา อุตฺตราปิ ๔- สุณาตู"ติ วทติ. สห สจฺจปฏิเวเธเนว สาปิ สูจิโลโม วิย สพฺพเสตกณฺฑุกจฺฉุอาทิภาวํ ปหาย ทิพฺพสมฺปตฺตึ ปฏิลภิ ๕- สทฺธึ ปุตฺเตน. ธีตา ปนสฺสา ยถา นาม โลเก มาตาปิตูหิ อิสฺสริเย ลทฺเธ ปุตฺตานํปิ ตํ โหติ, เอวํ มาตุ อานุภาเวเนว สมฺปตฺตึ ลภิ. ตโต ปฏฺาย จ สา สทฺธึ ปุตฺตเกหิ คนฺธกุฏิสมีปรุกฺเขเยว นิวาสรุกฺขํ ลภิตฺวา สายํ ปาตํ พุทฺธสฺส ทสฺสนํ ลภมานา ธมฺมํ สุณมานา ทีฆรตฺตํ ตตฺเถว วสิ. สตฺตมํ. ๘. สุทตฺตสุตฺตวณฺณนา [๒๔๒] อฏฺเม เกนจิเทว กรณีเยนาติ วาณิชฺชกมฺมํ อธิปฺเปตํ. อนาถปิณฺฑิโก จ ราชคหเสฏฺี จ อญฺมญฺ ภคินิปติกา โหนฺติ. ยทา ราชคเห วุฏฺานกภณฺฑกํ มหคฺฆํ โหติ, ตทา ราชคหเสฏฺี ตํ คเหตฺวา ปญฺจสกฏสเตหิ สาวตฺถึ คนฺตฺวา โยชนมตฺเต ิโต อตฺตโน อาคตภาวํ ชานาเปสิ. ๖- อนาถปิณฺฑิโก ปจฺจุคฺคนฺตฺวา ตสฺส มหาสกฺการํ กตฺวา เอกยานํ อาโรเปตฺวา สาวตฺถึ ปวิสติ. โส สเจ ภณฺฑํ ลหุกํ วิกฺกยติ, วิกฺกิณาติ, ๗- โน เจ, ภคินิฆเร เปตฺวา @เชิงอรรถ: ๑ ฉ.ม. ทีเปติ ๒ ฉ.ม. เทเส ิตา ยกฺขินี, อิ. ปเทเส ิตา ยกฺขินี @๓ ฉ.ม. อหมฺหิ อชฺช วฏฺฏโต ๔ ฉ.ม. ธีตา เม อุตฺตราปิ ๕ ฉ.ม. ปฏิลภติ @๖ ฉ.ม., อิ. ชานาเปติ ๗ อิ. ลหุํ วิกฺกิณียติ วิกฺกิณาติเนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๙๕. http://84000.org/tipitaka/read/attha_page.php?book=11&page=295&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=7611&pagebreak=1 http://84000.org/tipitaka/atthapali/th_line.php?B=11&A=7611&pagebreak=1#p295
จบการแสดงผล หน้าที่ ๒๙๕.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]