บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Saṃ.A. (sārattha.1) Page 98.
Nipphajjanti. Sītassa iriyāpathoti sītaṃ assa sattakāyassa iriyāpatho jīvitavutti. Sītanti naṅgalaṃ. Yassa hi naṅgalena 1- khettaṃ appamattakaṃpi kaṭṭhaṃ na hoti, so kathaṃ jīvissāmīti 2- vadati. Dasamaṃ. 11. Araṇasuttavaṇṇanā [81] Ekādasame araṇāti nikkilesā. Vusitanti vusitavāso. Bhojissiyanti adāsabhāvo. Samaṇāti khīṇāsavasamaṇā. Te hi ekantena araṇā nāma. Vusitaṃ na nassatīti tesaṃ ariyamaggavāso na nassati. Parijānantīti puthujjanakalyāṇakato paṭṭhāya sekkhā 3- lokiyalokuttarāya pariññāya parijānanti. Bhojissiyanti khīṇāsavasamaṇānaṃyeva niccabhujissasabhāvo 4- nāma. Vandantīti pabbajitadivasato paṭṭhāya vandanti. Patiṭṭhitanti sīle patiṭṭhitaṃ. Samaṇīdhāti samaṇaṃ idha. Jātihīnanti api caṇḍālakulā pabbajitaṃ. Khattiyāti na kevalaṃ khattiyāva, devāpi sīlasampannaṃ samaṇaṃ vandantiyevāti. Ekādasamaṃ. Ghatvāvaggo 5- aṭṭhamo. Iti sāratthappakāsiniyā saṃyuttanikāyaṭṭhakathāya devatāsaṃyuttavaṇṇanā niṭṭhitā. ------------ @Footnote: 1 cha.Ma. naṅgalehi 2 cha.Ma., i. jīvissati 3 cha.Ma., i.sekhā evamuparipi, Sī.sekhāya @4 cha.Ma. niccaṃ bhujissasabhāvo 5 cha.Ma. chetvāvaggoThe Pali Atthakatha in Roman Character Volume 11 Page 98. http://84000.org/tipitaka/read/attha_page.php?book=11&page=98&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=2572&pagebreak=1 http://84000.org/tipitaka/atthapali/rm_line.php?B=11&A=2572&pagebreak=1#p98
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]