ATTHAKATHA Book 12 : PALI ROMAN
Saṃ.A. (sārattha.2)
Page 170.

Alobho pana attanāva attano mūlaṃ na hoti. Abyāpādepi eseva nayo.
Sammādiṭṭhi alobhaadosavasena dvimūlāvāti. Tatiyādīni.
                        6. Aṭṭhaṅgikasuttavaṇṇanā
    [112] Chaṭṭhe 1- aṭṭhamaggaṅgavasena bujjhanakānaṃ ajjhāsayavasena vuttaṃ.
Chaṭṭhaṃ.
                         7. Dasaṅgasuttavaṇṇanā
    [113] Sattamaṃ dasamicchattasammattavasena. Tattha micchāñāṇinoti
micchāpaccavekkhaṇena 2- samannāgatāti attho. Micchāvimuttinoti
aniyyānikavimuttino kusalavimuttīti 3- gahetvā ṭhitā. Sammāñāṇinoti
sammāpaccavekkhaṇā. Sammāvimuttinoti niyyānikāya phalavimuttiyā
samannāgatāti. Sattamaṃ.
                         Kammapathavaggo tatiyo.
                          ------------
                           4. Catutthavagga
                        1. Catudhātusuttavaṇṇanā
    [114] Catutthavaggassa paṭhame paṭhavīdhātūti patiṭṭhādhātu. Āpodhātūti
ābandhanadhātu. Tejodhātūti paripācanadhātu. 4- Vāyodhātūti vitthambhanadhātu. 5-
Ayamettha saṅkhepo, vitthārato pana vīsatikoṭṭhāsādivasena tā veditabbā. 6- Paṭhamaṃ.
@Footnote: 1 cha.Ma., i. chaṭṭhaṃ     2 Sī. micchāviññāṇā micchāpaccavekkhaṇena
@3 ka. akusalavimuttīti     4 Sī. paripācanīyadhātu
@5 ka. upatthambhanadhātu    6 cha.Ma. etā kathetabbā


The Pali Atthakatha in Roman Character Volume 12 Page 170.
http://84000.org/tipitaka/read/attha_page.php?book=12&page=170&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=3803&pagebreak=1
http://84000.org/tipitaka/atthapali/rm_line.php?B=12&A=3803&pagebreak=1#p170