10. Puggalasuttavaṇṇanā
[133] Dasame aṭṭhikaṅkalotiādīni tīṇipi rāsivevacanāneva. Imesaṃ
pana sattānaṃ saaṭṭhikālato anaṭṭhikālova bahutaro. Gaṇḍuppādakādipāṇabhūtānaṃ
hi etesaṃ aṭṭhimeva natthi, macchakacchapādibhūtānaṃ pana aṭṭhimeva bahutaraṃ, tasmā
anaṭṭhikālañca atibahuaṭṭhikālañca 1- aggahetvā saaṭṭhikālova 2- gahetabbo.
Uttaro gijjhakūṭassāti gijjhakūṭassa uttarapasse ṭhito. Magadhānaṃ giribbajeti
magadharaṭṭhassa giribbaje, giriparikkhepe ṭhitoti attho. Sesaṃ sabbattha uttānamevāti.
Dasamaṃ
paṭhamo vaggo.
----------
2. Dutiyavagga
1. Duggatasuttavaṇṇanā
[134] Dutiyavaggassa paṭhame duggatanti daliddaṃ kapaṇaṃ. Durūpetanti
dussaṇṭhānehi hatthapādehi upetaṃ. Paṭhamaṃ.
2. Sukhitasuttavaṇṇanā
[135] Dutiye sukhitanti sukhasamappitaṃ mahaddhanaṃ mahābhogaṃ. Susajjitanti
alaṅkatapaṭiyattaṃ hatthikkhandhagataṃ mahāparivāraṃ. Dutiyaṃ.
3. Tiṃsamattasuttavaṇṇanā
[136] Tatiye pāveyyakāti pāveyyadesavāsino. Sabbe āraññikātiādīsu
dhutaṅgasamādānavasena tesaṃ āraññikādibhāvo veditabbo. Sabbe sasaññojanāti
sabbe sabandhanā, keci sotāpannā, keci sakadāgāmino. Keci anāgāmino.
@Footnote: 1 cha.Ma.,i. bahuaṭṭhikālañca 2 Sī. appaṭṭhikālova
The Pali Atthakatha in Roman Character Volume 12 Page 179.
http://84000.org/tipitaka/read/attha_page.php?book=12&page=179&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=3985&pagebreak=1
http://84000.org/tipitaka/atthapali/rm_line.php?B=12&A=3985&pagebreak=1#p179
