อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๑๔๘.

                       ๒. ผสฺสนานตฺตสุตฺตวณฺณนา
    [๘๖] ทุติเย อุปฺปชฺชติ ผสฺสนานตฺตนฺติ นานาสภาโว ผสฺโส อุปฺปชฺชติ. ตตฺถ
จกฺขุสมฺผสฺสาทโย จกฺขุวิญฺญาณาทิสมฺปยุตฺตา, มโนสมฺผสฺโส มโนทฺวาเร
ปฐมชวนสมฺปยุตฺโต, ตสฺมา มโนธาตุํ ปฏิจฺจาติ มโนทฺวาราวชฺชนํ
กิริยามโนวิญฺญาณธาตุํ ปฏิจฺจ ปฐมชวนสมฺผสฺโส อุปฺปชฺชตีติ อยเมตฺถ อตฺโถ.
ทุติยํ.
                      ๓. โนผสฺสนานตฺตสุตฺตวณฺณนา
    [๘๗] ตติเย โน มโนสมฺผสฺสํ ปฏิจฺจ อุปฺปชฺชติ มโนธาตูติ มโนทฺวาเร
ปฐมชวนสมฺปยุตฺตํ ผสฺสํ ปฏิจฺจ อาวชฺชนกิริยามโนวิญฺญาณธาตุ โน อุปฺปชฺชตีติ
เอวมตฺโถ ทฏฺฐพฺโพ. ตติยํ.
                      ๔. เวทนานานตฺตสุตฺตวณฺณนา
    [๘๘] จตุตฺเถ จกฺขุสมฺผสฺสชา เวทนาติ สมฺปฏิจฺฉนฺนมโนธาตุโต ปฏฺฐาย
สพฺพาปิ ตสฺมึ ทฺวาเร เวทนา วตฺเตยฺยุํ, นิพฺพตฺติผาสุกตฺถํ ๑- ปน อนนฺตรํ
สมฺปฏิจฺฉนฺนเวทนเมว คเหตุํ วฏฺฏตีติ วุตฺตํ. มโนสมฺผสฺสํ ปฏิจฺจาติ มโนทฺวาเร
อาวชฺชนสมฺผสฺสํ ปฏิจฺจ ปฐมชวนเวทนา, ปฐมชวนสมฺผสฺสํ ปฏิจฺจ ทุติยชวนเวทนาติ
อยมธิปฺปาโย. จตุตฺถํ.
                    ๕. ทุติยเวทนานานตฺตสุตฺตวณฺณนา
    [๘๙] ปญฺจเม ตติยจตุตฺเถสุ วุตฺตนโย เอกโต กตฺวา เทสิโต. ๒- อิติ
ทุติยาทีสุ จตูสุ สุตฺเตสุ มโนธาตุํ มโนธาตูติ อคเหตฺวา มโนทฺวาราวชฺชนํ
มโนธาตูติ คหิตํ. สพฺพานิ เจตานิ ตถา ตถา กถิเต พุชฺฌนกานํ อชฺฌาสเยน
เทสิตานิ. อิโต ปเรสุปิ เอเสว นโย. ปญฺจมํ.
@เชิงอรรถ: ๑ สี.,อิ. นิปฺผตฺติผาสุกตฺถํ    ๒ ฉ.ม., อิ. วุตฺตนยาว เอกโต กตฺวา เทสิตาติ


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๑๔๘.
http://84000.org/tipitaka/read/attha_page.php?book=12&page=148&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=3308&modeTY=2&pagebreak=1
http://84000.org/tipitaka/atthapali/th_line.php?B=12&A=3308&modeTY=2&pagebreak=1#p148