อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๑๗๐.

อโลโภ ปน อตฺตนาว อตฺตโน มูลํ น โหติ. อพฺยาปาเทปิ เอเสว นโย.
สมฺมาทิฏฺฐิ อโลภอโทสวเสน ทฺวิมูลาวาติ. ตติยาทีนิ.
                        ๖. อฏฺฐงฺคิกสุตฺตวณฺณนา
    [๑๑๒] ฉฏฺเฐ ๑- อฏฺฐมคฺคงฺควเสน พุชฺฌนกานํ อชฺฌาสยวเสน วุตฺตํ.
ฉฏฺฐํ.
                         ๗. ทสงฺคสุตฺตวณฺณนา
    [๑๑๓] สตฺตมํ ทสมิจฺฉตฺตสมฺมตฺตวเสน. ตตฺถ มิจฺฉาญาณิโนติ
มิจฺฉาปจฺจเวกฺขเณน ๒- สมนฺนาคตาติ อตฺโถ. มิจฺฉาวิมุตฺติโนติ
อนิยฺยานิกวิมุตฺติโน กุสลวิมุตฺตีติ ๓- คเหตฺวา ฐิตา. สมฺมาญาณิโนติ
สมฺมาปจฺจเวกฺขณา. สมฺมาวิมุตฺติโนติ นิยฺยานิกาย ผลวิมุตฺติยา
สมนฺนาคตาติ. สตฺตมํ.
                         กมฺมปถวคฺโค ตติโย.
                          ------------
                           ๔. จตุตฺถวคฺค
                        ๑. จตุธาตุสุตฺตวณฺณนา
    [๑๑๔] จตุตฺถวคฺคสฺส ปฐเม ปฐวีธาตูติ ปติฏฺฐาธาตุ. อาโปธาตูติ
อาพนฺธนธาตุ. เตโชธาตูติ ปริปาจนธาตุ. ๔- วาโยธาตูติ วิตฺถมฺภนธาตุ. ๕-
อยเมตฺถ สงฺเขโป, วิตฺถารโต ปน วีสติโกฏฺฐาสาทิวเสน ตา เวทิตพฺพา. ๖- ปฐมํ.
@เชิงอรรถ: ๑ ฉ.ม., อิ. ฉฏฺฐํ     ๒ สี. มิจฺฉาวิญฺญาณา มิจฺฉาปจฺจเวกฺขเณน
@๓ ก. อกุสลวิมุตฺตีติ     ๔ สี. ปริปาจนียธาตุ
@๕ ก. อุปตฺถมฺภนธาตุ    ๖ ฉ.ม. เอตา กเถตพฺพา


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๑๗๐.
http://84000.org/tipitaka/read/attha_page.php?book=12&page=170&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=3803&modeTY=2&pagebreak=1
http://84000.org/tipitaka/atthapali/th_line.php?B=12&A=3803&modeTY=2&pagebreak=1#p170