อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๒๓๗.

                         ๙. ธาตุสุตฺตวณฺณนา
    [๑๙๖] นวเม วิญฺญาณธาตุวเสน นามํ, เสสาหิ รูปนฺติ นามรูปํ กถิตํ.
นวมํ.
                         ๑๐. ขนฺธสุตฺตวณฺณนา
    [๑๙๗] ทสเม รูปกฺขนฺโธ กามาวจโร, เสสา จตฺตาโร สพฺพสงฺคาหิกปริจฺเฉเทน
จตุภูมกา. อิธ ปน เตภูมกาติ คเหตพฺพา. ทสมํ.
                            ปฐโม วคฺโค
                          -------------
                            ๒. ทุติยวคฺค
                       ๑-๑๐. จกฺขุสุตฺตาทิวณฺณนา
    [๑๙๘-๑๙๙] ทุติเย ทสปิ ๑- อุตฺตานตฺถาเนว. ปฐมาทีนิ.
                        ๑๑. อนุสยสุตฺตวณฺณนา
    [๒๐๐] เอกาทเม อิมสฺมิญฺจ สวิญฺญาณเก กาเยติ อตฺตโน สวิญฺญาณกกายํ
ทสฺเสติ, พหิทฺธา จาติ ปรสฺส สวิญฺญาณกํ วา อวิญฺญาณกํ วา. ปุริเมน วา
อตฺตโน จ ปรสฺส จ วิญฺญาณเมว ๒- ทสฺเสติ, ปจฺฉิเมน พหิทฺธา อนินฺทฺริยพทฺธรูปํ.
อหํการมมํการมานานุสยาติ อหงฺการทิฏฺฐิ จ มมงฺการตณฺหา จ มานานุสยา จ.
น โหนฺตีติ เอเต กิเลสา กถํ ชานนฺตสฺส เอเตสุ วตฺถูสุ น โหนฺตีติ ปุจฺฉติ.
สมฺมปฺปญฺญาย ปสฺสตีติ ๓- สห วิปสฺสนาย มคฺคปญฺญาย สุฏฺฐุ ปสฺสติ. ๔- เอกทสมํ.
@เชิงอรรถ: ๑ ฉ.ม. ปิ-สทฺโท น ทิสฺสติ        ๒ สี.,อิ. สวิญฺญาณเมว
@๓ สี.,อิ. ปสฺสโตติ              ๔ สี.,อิ. ปสฺสนฺตสฺส


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๓๗.
http://84000.org/tipitaka/read/attha_page.php?book=12&page=237&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=5260&modeTY=2&pagebreak=1
http://84000.org/tipitaka/atthapali/th_line.php?B=12&A=5260&modeTY=2&pagebreak=1#p237